Virgo Personality In Urdu Virgo Star Information Virgo Qualities Female

Virgo In Urdu: Virgo Qualities: Ye nazam-e-shamsi mein 6th star hai. Ye star khidmat aur sehat ki ilamat samjha jata hai. Virgo people mehnati hote hain aur har kaam lagan ke teht karte hain. Ye baray hans mukh hote hain aur har aik ke sath ikhlaq se paish atay hain. Virgo saaf go aur thanday dil aur dimagh ke malik hote hain. Virgo afrad ka dress sub se numayan aur nafees nazar ata hai. Woh apne aap ko numayan rakhne ke liye har cheez ki gehrai tak jate hain. Gandgi aur gandi cheezon se unhain shadeed nafrat hoti hai. Woh har cheez mein husn, safai aur dil kashi dekhna pasand karte hain.

Virgo qabil aitmad aur qabil bharosa hote hain. Un ki zaat par mukammal bharosa kiya ja sakta hai kyoun ke ye kisi ke aitmad ko thees nahin pohanchatay. Iraday ke mazboot aur ghair mutzalzal hote hain. Ye zindagi ke mushkil halaat ka dat kar muqabla karte hain. Woh zindagi ke kisi bhi mushkil aur kathin mod par apne aap ko bay bas nahin samajhte hain. Virgo mazboot iradon ke malik hote hain. Woh apna waqt fazool aur bay kar qisam ke kamon par kharch nahin karte balkeh woh bamaqsad kaam karte hain.

Virgo sari zindagi aram aur sakoon se basar karte hain. Bare ba himmat aur hosla mand hote hain. Apni mehnat se apne karobar ko khoob barhate hain aur bay tahasha daulat kamate hain. Mehnat aur imaandari se kamai hoi ye daulat woh na sirf apni zaat par kharch karte hain balkeh apni family aur friends ki zaat par bhi kharch karna apna farz khayal karte hain. Ye dusron ki ikhlaqi aur malik imdad kar ke khushi mehsoos karte hain.

Virgo Lucky Number: Mahireen ke khayal ke mutabiq virgo ka lucky number 4 aur 8 ke adad hain magar un mein ikhtilaf ki wajah se 5 ko bhi un mein shamil kiya gya hai. Virgo ke liye ye teenon adad hi lucky numbers hain lihaza un ko 4, 8, 5 adaad ko apne liye khush kismati ka number samjhain.

Virgo Education: Ye taleem ke mamlay mein bohat agey hote hain. Ye zehni toor par like hone ki wajah se study ke maidan mein aham karnamay sar anjam dete hain. Agar ye matric tak taleem hasil kar lain tou phir university aur us se bhi zayada taleem hasil kar sakte hain aur prize hasil karne ke sath sath foreign country se bhi taleem hasil karte hain. Yehi wajah hai ke ye mustaqbil ke mahir taleem ban kar ubharte hain. Virgo books mein Geography aur Maths ke mazmoon ko zayada pasand karte hain. Virgo ko agriculture aur gardening bohat pasand hoti hai.

Virgo Health: Virgo Ki Sehat: Jismani toor par mazboot aur tawana hote hain jo zindagi ki mushkilat aur preshaniyon ko bardasht karne ki salahiyat rakhte hain kyoun ke woh zehni toor par jazbati hote hain aur jald ghusa karne ki wajah se un ke asaab par bura asar par sakta hai. Virgo apni sehat ke bare mein zayada fikar mand hote hain aur un ki koshish yehi hoti hai ke un ki sehat barqarar rahe. Yehi wajah hai ke ye na sirf achi balkeh lambi zindagi guzarte hain.

Virgo Love Life: Dusre kamon ki tarah mohabbat mein ye ba kamal hote hain. Agar aap ko kisi Virgo ke muhabbat ho gyi hai tou na qabil amal rohani naz-o-ada mein waqt zaya na karain. Is ke liye amli toor par koi faida mand kaam karain. Aisa karne se aap ka maqsad hasil ho jaye ga. Virgo people apni muhabbad ka izhar faida mand tareeqon se karte hain lihaza agar aap ka Virgo partner jazbati andaz mein apni mohabbat ka izhar nahin karta tou mayoos na hon. Kyoun ke Virgo is qisam ke nahin hote. Woh aap se mohabbat karte hain tou woh apni mohabbat ka izhar amli tarika se karain gey. Love ke mamlay mein Virgo khas toor par jazbati nahin hote aur na hi dil phank mohabbat ke mamlay mein Virgo people ke dil ki gehrai mein ye khawahish mojood hoti hai ke koi usay chahe aur us ko chahne wali personality simple magar pur khaloos ho.

Virgo Woman In Love: Kisi ko haan kehne mein Virgo girls bay had ahtiyat se kaam laiti hain. Virgo aurat aksar ghalat toor par sard mehar samjhi jati hai jabkeh woh bola zaroorat kisi se bay takaluf nahin hoti lekin usay is baat ki mukammal agahi hoti hai ke us ke ird gird kya ho raha hai. Ye apne relationship ke bare mein nihayat sanjeeda hoti hai.

Virgo aurat ke main aik sakht aurat chupi hoti hai jo mohabbat ke liye agey barhne wale har shakhs ke bare mein janna chahti hai ke woh kya chahta hai aur apni tasali hone ke baad hi woh us ka hath thamti hai aur phir baghai kisi gharz ke apni mohabbat us par nichawar karti hai. Yahin par aik bilkul ult baat hoti hai ke aik aurat jo khamoshi pasand hai kis tarah bay gharz ho sakti hai. Virgo female ke liye ye koi takrar wali kaifiyat nahin hoti lekin ye us ki zindagi ka aik intihai aham ghair mehsoos jazba hota hai. Jis shakhs ki ye be had izzat karti ho us se mohabbat kar sakti hai aur shadi bhi kar laiti hai.

Virgo Man In Love: Love ke mamlay mein Virgo male ke dil ki gehrai mein ye khawahish hoti hai ke koi usay chahe. Virgo boy mohabbat ka tajarba bohat si wajuhat ki bina par parta hai. Baaz mard zaroorat ke liye mohabbat karte hain baaz apni khawahishat ko pura karne ke liye mohabbat karte hain aur baaz kisi dar khauf ke baes mohabbat kar ke tahafuz hasil karte hain.

Virgo Husband: Virgo shohar jazbati andaz mein mohabbat karne, dil ki gehrai se kisi ko apnane aur qabza karne ke tasawar se ari hote hain. Virgo shohar rawayati aur lagey bandhay asoolon par amal karne wale hote hain jo azdwaji aur ghareelu zindagi ko is liye qabool kar laite hain ke ye samaji scheme ka aik hisa hai. Woh apni private zindagi partnership ki bunyad par chalane ke liye tayar rehte hain. Woh apne ghar ka khayal rakhte hain aur usay tabahi se bachane ke liye hoshyari se kaam laitay hai.

Virgo Wife: Shadi ke baad virgo biwi shandar wife sabit hoti hai. Shadi ke bare mein us ka nazariya ye hai ke marriage aik qanooni sharakat hai jis ko business ki manind chalana chahiye. Us ka ghar saaf suthra hota hai aur us ki nagrani mein har cheez bay dagh aur nayi maloom hoti hai aur woh hoshiyar aur amoor khana dari ki mahir hoti hai.

Virgo Father: Virgo baap mein bachon ke liye bohat zayada mohabbat hoti hai lekin woh is baat ka khaas khayal rakhta hai ke woh bachon ko zayada laad payar na kare kyoun ke us ka khayal hota hai ke is tarah woh bigar jayein gey aur dusra ye ke un par zaroorat se zayada tanqeed na ki jaye. Virgo baap apne childrens ki parwarish aur education ke silsile mein masali baap sabit hota hai.

Virgo Mother: Virgo maan apne faraiz ke lihaz se behtareen maan hoti hai. Woh taleem aur tarbiyat ke liye apne bachon ki zehni nashonuma karti hai. Is ke ilawa un ki personality par bhi khas tawaja deti hai. Virgo mother dusron ka ahtram karti hai aur khawahish karti hai ke us ke bache bhi baron ka ahtram karain.

11 Top Chair Lifts In World's Longest Chairlift Cable Car In Venezuela

Best Chair Lifts In World: Chair lift mein baithna aik bohat hi pur lutf aur sansani kheez experience hota hai aur agar baat ki jaye in ki infradiyat ki tou dunya mein aisi bohat si munfarid aur khatarnak places par ye chair lifts nisb hain ke aik taraf tou un mein baith kar aap bohat hi khoobsurat nazaron se lutf andooz ho sakte hain aur sath hi us mein mojood khatre se aik sansani si aap ke jism mein dorti hoi mehsoos ho gi.

Chairlifts In The World - Ski Lifts

Mt. Hood SkiWay: (Oregon Us)
Ye munfarid chair lift American state Oregon mein waqaya pahari Mt. Hood par istimal ki gyi. Is anookhi chair lift ko Government Camp se Timberline Lodge ke darmiyan chalaya gya. 1956 mein chalne wali ye chair lift us waqt ki sub se lambi chair lift thi. Aur is ki takhleeq ke liye shehar ki qadeem buses ka istimal kiya gya.

Mount Hua's Cable Car: (China)
Khaufnak manazir mein ghiri ye chair lift China ke province Shaanxi ke Mount Hua pahar par waqaya hai. Ye pahar dunya ke sub se unchay 5 paharon mein se aik hai. 1997 meter unchay is pahar par se guzarte hue aisay khubsurat manazir dekhne ko miltay hain ke insan ki sansain tham si jati hain. Yahan anay wale tourists ka wasta aik munfarid tajarbay se parta hai.

Skyway (Disneyland, US)
Ye chair lift Disneyland mein waqaya hai aur yahan anay wale zayada tar tourists ke liye aik pur kashish sawari bhi hai. Is chair lift ki takhleeq 1956 mein ki gyi jabkeh us waqt pure mulk ke parks mein mutadad sawariyan mojood thien aur us chair lift ko America ki first chair lift hone ka azaaz bhi hasil hai, dar haqeeqat  ye chair lift Matterhorn pahar ke samne takhleeq ki gyi thi.

The Cabrio (Switzerland)
Ye cable car zameen se 1900 meter ki bulandi par waqaya hai jo ke Swiss peaks se guzarti hai. Is ko sirf dekh kar hi dil mein khauf ka ehsaas hota hai khaas tor par un logon ko jo unchai se ghabratay hain. Is chair lift ka aghaz Kalti se hota hai jo ke satah samandar se 711 meter unchai par hai. Is cable car mein aik waqt mein 60 people sawari kar sakte hain.

Kharkiv Lift (Ukraine)
Ukraine mein waqaya Kharkiv lift ka aghaz 1971 mein hua. Chand riwayat ke mutabiq is chair lift ka istimal students kiya karte thay kyoun ke ye aik ghair mamooli aur dilchasp tareeqa hi nahin tha balkeh safar karne ka aik sasta tareen zariya bhi tha. Is chair lift ki height 26 meter hai.

Emirates Air Line: (UK)
Ye yaqeeni toor par mausam garma mein hone wali sports ke doran London mein barhne wale public transport ke rush se bachne ka aik mosar zariya hai. London mein waqaya is cable car ka aghaz bazabta tor par june 2012 mein kiya gya. Ye cable car River Thames ke uper se guzarti hai. Is cable car ke sub se pehle musafir London ke Mayor thay.

Merida, World's Highest Cable Car (Venezuela)
Venezuela mein banai gyi ye dunya ki unchi tareen aur taweel tareen chair lift hai. Ye chair lift apna safar aik ghantay mein mukamal karti hai jabkeh is ki unchai 10250 feet yani 3125 meter hai. Ye apne safar ke doran 4 mukhtalif stations par stop bhi karti hai. Ye chair lift Andes mein waqaya Pico Espejo mountain par banai gyi hai.

Bondinho (Rio De Janeiro, Brazil)
Ye chair lift Brazil ke alaqay Rio De Janeiro mein mojood Sugarloaf montain par banai gyi hai. Ye pahar Guanabara beach ke ain samne waqaya hai. Ye chair lift bandargah se 396 meter 1299 foot unchai par banai gyi hai. Is cable ke ird gird ki deewarain sheeshay ki hain jabkeh is mein aik waqt mein 65 passengers travel kar sakte hain.

Patriata Chair Lifts (Pakistan)

Patriata Chair Lift

Patriata jisay New Murree bhi kaha jata hai shumali punjab, Pakistan mein waqaya hai. Ye Murree ke 15 km janoob mashriq mein waqaya hai. Is alaqay ka sub se uncha tareen nuqta satah samandar se 6790 feet aur 2070 meter hai. Ye alaqa apni qudarti khubsurati, cable car service aur chair lift ki wajah se Tourists mein bohat famous hai. Patriata mein nisb chair lift ke zariye se safar ke doran latadad beautiful aur attractive places dekhne ko milti hain.