Duck Information In Urdu Duck Farming In Pakistan Batakh - Ducks In Hindi

Duck Information In Urdu Duck Farming In Pakistan: Pani mein tairti masoom si batakh bari bhali maloom hoti hai. Duck ka taluk Anatidae khandan se hai jab ke sciency name Anas hai. English mein batakh ko duck kehtay hain. Qadeem zamanay mein is ka matlab ghota khor hai. Ye janwar ghas, aabi podey, machliyan, mandak ke bachay wagera bare shoq se khata hai. Is janwar ko log gharon mein palto janwar ki haisiyat se bhi rakhte hain.

Duck In Urdu

Batakh ki jisamat 17 inch se 16 inch hoti hai. Nar janwar ke par zayada khubsurat aur rang barangey hote hain. Deegar parindon ki tarah in ke daant nahin hote. In ki mazboot lambi si chonch hoti hai jo ghaza ya shikar ko pakarne ke kaam aati hai. In ki aksar iqsam saal mein aik martaba andaon se bache nikalti hai. Female duck anday dene ke baad lag bhag 28 din tak anday seeti hai. Andon se bachay nikalne par maa bachon ko dhakail kar pani ki taraf lay jati hai. Jahan bache maa ki naqal karte hue khana, peena seekhte hain.

Ducks bar-e-azam Antarctica ke siwa sari dunya mein payi jati hain. Loomriyan aur magarmuch in ka shikar kartay hain. Dunya mein sub se zayada batkhain Cheen aur us ke baad janoob Asia mumalik mein payi jati hain.

Deer Information In Urdu Hiran Ki Kahani Hiran Story In Urdu For Kids

Deer Information In Urdu: Hiran (Deer) aisa akela hi janwar hai jis ke sar par shandar seengh hote hain, ye seengh hiran ki khopri se juray hote hain. Sakht hadiyon se bane ye tez nokelay seeng hiran ka aik khatarnak hathyar hain, female deer apne jathay ka sarbarah bannay ke liye dusre hirnon se larnay ya shikariyon se apne difa ke liye un seenghon ko istemal karta hai. Sard alaqon mein rehne wale Hiran ke seengh har mausam mein jhartay hain aur mausam bahar ke akhir mein un ke seengh dobara barhne lagte hain. Garam alaqon mein rehne wale hiran ke seengh saal ke dusre auqat mein jhartay hain. Naye ugney wale seengh naram o nazuk hote hain. Jo tezi se barhte hain.

Deer ke seengon par jild ka bareek teh hoti hai jis mein mojod khoon ki ragain un ki nashunuma mein madad karti hain. Bareek jild ki is teh par chotay chote rawan nama baal hote hain jin ke baes ye makhmal ki tarah dikhai deti hai isi liye isay Velvet kaha jata hai jese hi seengon ki afzaish mukamal hoti hai ye makhmali teh khushk ho jati hai aur hiran darakhton aur jhariyon se ragar kar usay utar detay hain.
more articles? kasturi deer benefits in urdu

Lion Information In Urdu Tiger Sher Lion And Mouse Story In Urdu

Lion Information In Urdu: Zamana qadeem se hi sheer yani lion insanon ka ajooba janwar raha hai. Sher ko english mein lion kaha jata hai. Sher ka bacha Lionet ke naam se jana jata hai. Ye bara pur waqar janwar hai. Jis ki chal bari shahana hoti hai isi liye isay tamam jangli janwaron ka badshah kaha jata hai. Is ka dusra laqab jungle ka raja ya jungle ka badshah bhi hai.

Sher billi ke khandan se taluq rakhta hai. Female lion ki gardan par lambe lambe baal hote hain jo sar se shana ke neechay lataktay rehte hain. Lion ka sara jism naram aur chote chote peelay rang ke nishanon se dhaka hota hai. Ankhain is ki gol aur safaid hoti hain. Raat mein billi ki tarah is ki ankhain bhi chamakti hain. Is ki kamar patli aur seena chora hota hai. Dant bohat tez hote hain. Munh ke uper donon taraf lambi lambi monchain hoti hain isi liye sher jub chalta hai tou awaz sunai nahin deti.

Sher ki lambai naak se lay kar dum tak taqreeban 275 cm hoti hai. Sheer aisay jungle mein rehna pasand karta hai jahan ke darakht zayada ghanay na hon. Ye gosht khor janwar hai. Chote bare har tarah ke janwar ka shikar kar laita hai lekin sabzi khor janwar isay bohat hi pasand hain. Aap apne ilm mein achi tarah rakh lain ke aam tor par sher insanon par hamla nahin karta jub tak usay chaira na jaye. Agar koi sher burha ho jaye ya bimar ho jaye tou aisi halat mein ye insanon par hamla kar ke pait bharta aur aisa shair adam khir (eaterman) kehlata hai.
Sherni apne bachon ki khoob nagrani karti hai aur us waqt tak karti hai jub tak ke wo gosht khana achi tarah seekh nahin laitay hain. Ye baat bhi jannay ki hai ke jub tak sher aik saal ka nahin ho jata us waqt tak shikar nahin karta. Yehi wajah hai ke aik saal tak bachon ko ghaza male lion aur female lion donon muhaiya karte hain.

lion and mouse story in urdu with moral sach hai ehsan ka badla ehsan hai

Sher ki zindagi taqreeban 35 saal tak hoti hai lekin chidiya ghar mein jahan usay achi ghaza aur dusri medical sahulatain faraham hoti hain tou phir ye khuch din aur je laita hai.