Mother's Day History in Urdu Speesh Mother's Day Quotes Information Mothers Day Poems Essay

Mother's Day Speech In Urdu Essay Mother's Day Maa jaisi hasti duniya main hai kahen woh mujhey taab se samajti thi jaab se main nay is duniya main ankh khuli thi jaab na mujhay lafz atay thay na apni bat samjana lakin woh meri hat zaroorat ko kuch kehnay se pehlay puri karti thi main nay duniya ko iski ankhoon se dekhna shuro kiya lakin na janay kaab is ki ankhoon se dekhtay dekhtay duniya mujhey bohat chooti lagnay lagi aisa lagnay laga jaisa iska duniya ko dekhnay ka nazara bara kadeem or tang nazri liyaw tha or main duniya ko hasil karna chahta tha or is ke rang ko mehsoos karnay ke liyaw betaab thi jaab mujhey chalna nahi ata tha to woh apna kaam meray liyaw chur kaar ati thi or jaab main chalnay ke kabil huwa to mera pass karnay ke liyaw is se zayada zaroori kam thay bohat se kaam jis main main is ki awaaz ko bhool jati thi or wakat fursat iski yadoon ki miss call ko dekhta main nay kabhi socha nahi ke woh meray liyaw kis kadar pareshan hogi meri hathoon ko kiss karti main nay kabhi iski ankhoon se nikalnay wahlay ansoo ko nahi dekha lakin jaab b kabhi meri ankhain ansoo se baar jati to meri maa akay inhay apnay dubatay se saaf karti buray wakat main or kamyabi taak ke safar main woh akehli thi jiskay hath meray liyaw dua main hotay  thay jisko mujhey kabhi kehna nahi parta tha maa meri dua karna woh hameshan meray liyaw dua karti rahti chahay main nay isay ketna rulaya ho ketna dard diya ho woh hameshan meray liyaw dua karti thi main jaab kabhi bi zindagi ki dhoop main nakaam hua to apni maa ke sath beth jata tha isnay mujhey gale lagaya han woh is duniya ki bohat zayada pyaar karnay wahli woh meray pass thi to mujhey is ka ahsas kabhi na hua or aj jaab main is se bohat door betha iski muhabat ko mahsoos karna chahta hon to iskay or meray darmiyaan zamanay or majburiyaan bangaye hain bohat door bethi kahin dua kar rahi hogi hum jaisi ulaad hoti hai jo maa ko bhool jatey hai maa ki izzat nahi karti har mushkil or har buri dua ko badal dahnay wahli dua is ke elawa kisi ki ho nahi sakti maa duniya ki saab dost se achi dost hoti hai hamari har khushi ghum main hamari fikar karti hai wakat anay paar ek maa father bhai bahen saab kuch banjatay hain lakin koi dusra is jaisa nahi bansakta humko har din yaad rehta hai apnay dostoon ki birthday party ka din ho ya phir woh hamari zindagi ka bohat acha din ho ya phir hamari zindagi ki koi zaroori event ho hum saab kuch yaad rakhtay hain valentines day  b lakin nahi yaad rehta to bass is ki muhabat hum sara saal busy rehtay hain or puray saal main 360 din ke 31104000 second main se hamaray pass kuch second nahi hotay jin m ain hum isay ek call kardain main yeh b janta hon ke yeh artical adhura hai shayed adhura rahayga kyun ke meray pass is ki muhabat ke liyaw koi lafz nahi hain ke isko duniya ki kisi b zuban main explain karsakon kyun ke isko explain karna meray liye na mumkin hai.

Camel Information In Urdu Essay Camel Facts In Hindi For Kids Camel Milk Benefits in urdu

Camel Information In Urdu Essay Camel tou aap sub hi ne dekha ho ga. Aur baaz ne tou oont ki sawari ka lutf bhi uthaya ho ga. Aap ne dekha ho ga ke camel ki kamar ka khuch hisa mota sa ubhra ubhra sa hota hai. Usay oont ka kohaan kehte hain. Is hisay mein camel apni ghaza ka zakheera rakhta hai. Isi ki wajah se woh kayi din tak woh bhuka pyasa reh kar safar kar sakta hai. Camel ko sehra ka jahaz bhi kaha jata hai kyoun ke oont senra ki garmi aur shadeed mausam mein khorak aur pani ki kami ke bawajod zinda rehta hai.

Camel jub kahin taweel safar par jata hai tou safar se kayi din pehle us ka wahid kaam khana peena hi hota hai, ye is qadar khata hai ke us ki peeth par kam o baish 45 kg charbi ka kohan yani Hump ubhar ata hai. Ye darasal charbi jama karne ki jagah hai jisay oont safar ke doran istemal karta hai. Is ke meday ki deewar ke sath chagal ya sarahi numa theliyan bani hoti hain jin mein pani zakheera hota hai isi ghazai ahtimam ke baes oont kayi kayi din tak sehraon mein safar karta rehta hai. Camel meat aur doodh batoor diet istemal hota hai. Safar ke liye aaj bhi dunya ke bohat se alaqon mein istemal kiya jata hai. Camels ki 2 types hain. Arabic Camel aur Bakhtari Camel.... Arbi oont ka aik kohaan hota hai Bakhri oont ke 2 kohaan hote hain. Oont dor, mashriq wusta ka maqbool kheel hai. 

Plants Information In Urdu Trees Plant Growing Tips Care Facts How Plant Grow In Water

Plants Essay In Urdu Plants Information: Janwaron, parindon, machliyon aur dusre hasrat al arz ki tarah plants bhi jandaron mein shumar hote hain. Bazahir ye baat bari ajeeb si maloom hoti hai lekin ye haqeeqat hai ke plants ki life hi ki wajah se dunya mein insan aur dusre jandar zinda reh patay hain. Pani mein doobay water plants se lay kar unchay darakhton tak ye har mushkil surat aur jisamat mein ugtay hain aur suraj ki roshni se apni khorak khud bana sakte hain jab ke dusre jandar aisa karne se qasir hote hain.

Plants And Trees

Plants insanon aur janwaron ko khorak muhaiya karne ka aham zariya hain. Plants ki nashonuma ke liye air aur water aur soil ki zaroorat hoti hai aur woh apne jese bohat se naye plants bhi paida kar sakte hain. Is se sabit hota hai ke woh zinda hote hain. Plants ki aham khasusiyat un ka apni khorak khud tayar karne ka amal hai. Khorak kis tarah tayar hoti hai is baray mein podon plants par ki gyi search se pata chalta hai ke plants ke andar aik lees dar mawad hota hai jisay chlorophyll kaha jata hai. Ye mawad pani, suraj ki roshni aur hawa se carbon dioxide gas istimal kar ke aik shakar dar khorak banata hai. Phir ye meethay aur lees dar ras par mushtamil khorak jisay arq hayati kehte hain darakht ke har hisay mein pohanch jati hai. Aur poday is arq hayati ke zariye zinda rehte aur nashonuma patay hain.

Zameen par 380000 types ke plants hain. In types mein pani mein ugnay wale plants bhi shamil hain aur woh plants bhi jin mein patay hote hain. Is ke ilawa woh trees bhi shamil hain jin ki unchai aam trees se bohat bari hoti hai. Aisay darakht janglaaat mein paye jatay hain.

tags: podon ki nashonuma, podon ki hifazat, plant growing tips in urdu, plants care tips

Helicopter Information In Urdu What Is Black Box In Aeroplane Essay in Hindi Details

Helicopter Information In Hindi: Black box ya flight recorder, electronic recording device hoti hai jo kisi bhi fizai hadsay ki surat mein hadsat ki asal wajuhat ko jannay mein madadgar sabat hoti hai. Is recorder ki ahmiyat ke paish nazar isay is andaz mein design kiya jata hai ke ye jahaz ko paish anay wale tamam mumkina hadson ki surat mein tabahi se bacha rehta hai. Black box 100 degree centigrade tak tapish aur 3000 km ke zone ko bardasht karne ki salahiyat rakhta hai. Is ka khudkar system aeroplane ya helicopter kemalbay ke pani mein girnay ki surat mein bhi us mein mehfooz deta ko zaya nahin hone deta. Apne naam ke baraks is device ka amooman color orange ya yellow hota hai kis ki uper wali satah roshni ko munaks karne ki salahiyat rakhti hai. Youn hadsay wali jagah par ye asani ke sath dikhai deta hai.

Helicopter 

Aam toor par ye device 2 hison yani fligh deta recorder ya cockpit voice recorder par mushtamil hoti hai. 1970 ke baad amooman flights mein black box ke ilawa quick access recorder nami device bhi hoti hai. Is device mein mehfooz information ko black box ki nisbat zayada jaldi hasil kiya ja sakta hai. Fligh recorder ya black box pilot ke headset se juray microphone aur air phone ko mosool hone wale signals ko mehfooz karne ki salahiyat rakhta hai, youn woh kisi bhi jahaz ki tabahi ki surat mein ikhtitami lamhat mein control tower ke sath hone wali conversation ya pilot ki janib se kisi bhi qisam ki talk ko record kar ke tehqeeqi amlay ke liye mawan sabat hota hai.

Aam toor par is voice recorder mein half hour ki recording karne ki salahiyat hoti hai taham federal aviation administration ki janib se aisi device ke istemal ko tarjih dene ka kaha gya hai kis mein 2 hours tak ki recording ki salahiyat mojood ho. Latest black box mein aam toor par ye facility mojood hoti hai ke woh jahaz ke hadsay se dochar hone ki surat mein automatic system ke teht khud ko tayare se alehda kar laitay hain, youn un ke tabah hone ke imkan kam ho jate hain. Is ke ilawa pani mein mojood hone ki surat mein unhain underwater locator beacon ki madad se find karna bhi mumkin hota hai.

Birds Information In Urdu Essay Birds Hijrat Karne Wale Parindey

Dunya bhar se mausam ki wajah se hijrat kar ke Pakistan anay wale birds ki tadad har saal taqreeban 700,000 se 1,200,000 tak hoti hai jo ke sardiyon ka mausam guzarne Pakistan ka rukh kar laitay hain. Yahan anay wale parindon mein Siberian birds jo ke Siberia se fly karte hue Pakistan ke northern areas ki taraf se is mulk mein dakhil hotay hain. In birds mein bohat sari khubsurat butterflies, bunting blue birds aur dusre bohat sare khubsurat parindey shamil hote hain jo ke yahan ke chidiya ghar mein bhi nazar nahin atay.

Why Birds Migrate To Pakistan: Sardiyon ke mausam mein kyoun ke Russia mein mausam aur bhi sard hona shuru ho jata hai jis ke natijay mein lakhon ki tadad mein naye naye beautiful birds Afghanistan ka rasta istimal karte hue Pakistan ki khubsurat lakes, rivers par nazar atay hain jinhain dekh kar khizan ke mausam mein bhi zindagi ka ehsas milta hai. Parindon ka in raston ko istimal kar ke yahan pohanchne ke amal ko international migration routes kaha jata hai. In birds mein spoon bills aur teals bhi numayan hain jo Satpara lake aur Swat ki khubsurat lakes par nazar atay hain. Bohat say parindey India ke alaqon ki taraf bhi hijrat kar jatay hain.

Acha mahool behtar zindagi aur khorak ki talash mein insan hi nahin janwar aur charind, parind bhi aik jagah se dusri jagah hijrat karne par majbor hote hain. Sard aur barfani alaqon se parindey hazaron mile ka safar karte garam mausam wale alaqon mein abastay hain magar jese hi un ke apne alaqay ka mausam motdal hota hai ye phir apne alaqon ki taraf parwaz kar jate hain aur hairan kun baat ye hai ke safar ke doran unhain simt ka taeen karne ke liye kisi aalay kisi paimanay ki zaroorat nahin hoti jabkeh insanon ko samandar ho ya asman ki khuli fiza simt ke taeen ke liye alaat ka sahara laina parta hai.

Khuda Sub Se Bara Hai Urdu Essay ALLAH is the Greatest of all

Dunya mein taqatwar bhi hain aur zoor aawar bhi hain, hakam hi hain aur badshah aur shehan shah bhi lekin ye kisi na kisi muqaam par majboor-o-mehkoom hain aur kisi bari taqat ki ihtyaaj un ki zaroorat hai. Ye bari taqat Khuda Wand Ta'ala ki hai jis ne un sub ko paida kiya, jo un sub ki zarooratain puri karta hai, jo un sub ko rizq deta hai aur un sub par qudrat kamlah rakhta hai.  Woh hakmon ka hakam hai, zinda ko murda kar sakta hai, murda ko zinda, bimar ko sehat de sakta hai aur sehatmand ko bimar kar sakta hai. Woh raat ko din aur din ko raat bana sakta hai. Agar woh chahe tou suraj mashriq ki bajaye maghrib se talu ho sakta hai. Woh daryaon ka rukh mor sakta hai. Goya kainaat ke har zarray par us ki hakmiyat hai aur us ki marzi ke baghair khuch bhi nahin ho sakta.

Khuda aik hai Us ka koi shareek nahin hai, na Usay kisi ne jana hai, na Woh kisi se jana gaya hai, kisi ne usay nahin banaya. Us ki wasi tareen saltanat mein us ke ikhtiyarat mein koi mudakhlat nahin kar sakta. Us ke kamon mein kisi ki shirakat nahin. Kainat mein jo khuch bhi hai Usi aik Khuda ka hai aur usi ke mateht hai aur har amal usi ke hukam se hota hai. Us ke agey sub taqtain sar jhukati hain, badshah bhi Usi se madad mangtay hain aur dartay hain.

Islam ka pehla rukan Kalma Tayyaba hai. Kalma parh kar hum ye aitraf kartay hain ke Allah aik hai aur Muhammad S.A.W Us ke Rasool hain. Is mein hum mehz Khuda ki wahdaniat ka aitraf hi nahin karte balkeh ye bhi tasleem karte hain ke wohi sari kainat ka hakam aur Malik hai.

Kainat ko paida karne wala bhi wohi aur rizq dene wala bhi wohi hai. Us ki sifaat mabudiyat mein koi Us ka shareek nahin. Na tou Us ka koi sani hai aur na hi aisa mumkin hai. Woh hamesha se hai aur hamesha hi rahe ga. Aap kisi mamooli taqatwar aadmi ki misal de kar us se sawal karain ke kya us taqatwar aadmi se bhi koi aur taqatwar ho sakta hai tou us ka jawab ho ga "haan". Isi tarah se puchte jayain ke us se zayada taqat wala kon hai. Akhir kar usay aik sub se taqatwar hasti ka qail hona hi pare ga. Bus yehi Khuda Ta'ala hai jis se zayada taqatwar koi ho hi nahin sakta. Isi tarah barai aur azmat ko le lain aaj tak ye sabat nahin ho saka ke koi sayara kainat mein sub se bara hai aur us ka nazaam baghair kisi aala taqat ke az khud chal raha hai ya kainat mein koi aisi shey mojood hai jo sub se bari bhi hai aur woh apne se bari kisi taqat ki mohtaj nahin.

Aik zamana tha ke jahil log ye samjha kartay thay ke suraj kainat mein sub se bara hai aur unhon ne usay Khuda bhi mana lekin ye haqeeqat nahin thi aur waqt ne sabat kar diya ke ye ye khayal bilkul ghalat aur haqeeqat ke khilaf hai aur suraj tou khud aik bohat bare nazam ka aik juzu hai jise koi bohat bari hasti chalati hai. Tab us ne samajh liya ke jub suraj khud kisi ka mohtaj hai aur na tou azkhud paida howa aur na hi apne bal par qaim hai tou woh Khuda kese ho sakta hai? Khuda tou woh hai jo taqat mein bhi sub se bara hai, azmat mein bhi aur har cheez par qudrat rakhta hai. Woh har cheez ko paida karne wala hai aur har aik Us ka mohtaj hai. Beshak Allah sub se bara hai.

Liaquat Ali Khan Essay in Urdu History Liaquat Ali Biography

Pakistan ke pehle wazir-e-azam Liaquat Ali Khan 1896 mein U.P mein paida howe is liye Liaquat Ali Khan ne apna bachpan U.P mein guzara. Ibtidai taleem ghar mein hasil ki. 1918 mein aap ne M.A.O College Ali Garh se B.A kiya. Yehi college baad mein university bana. Aap ke bazurgon ka khayal tha ke Indian Civil Service mein shamil ho jayain magar Liaquat Ali ko ye baat pasand na ayi chunachay apne bazurgon ko qail kar ke aala taleem ke liye Englistan chale gaye. 1923 tak Englistan mein muqeem rahe aur qanoon ki degree hasil ki. Englistan mein qayaam ke doraan hi aap ne siasat mein hisa leyna shuru kiya. Englistan se wapsi ke baad aap ne U.P mein rehaesh ikhtiyar ki aur taleemi, muashrati aur islahi kamon mein dilchaspi lenay lage. 1926 mein aap ne U.P Assembly ke intikhab mein hisa liya aur assembly ke rukan muntakhib howe. 6 saal tak assembly ke naib sadar ki haisiyat se faraiz sar anjam dete rahe. Un dinon aap U.P mein Democratic Party ke rehnuma thay. Us waqt markazi assembly mein Qaid-e-Azam Muhammad Ali Jinnah Democratic Party ke leader thay usi doraan Quaid-e-Azam Muslim League ke sadar ban gaye aur un ki zair-e-qayadat Muslim League Hindustan mein Tareekhi kardar ada karne ke liye musalsal agey barhna shuru hoi. Liaquat Ali bhi Musalmanon ke huqooq ki jung mein hisa lenay ke liye Muslim League mein shamil ho gaye. Unhon ne jald hi apni salahiton se aik muqaam hasil kar liya.

Quaid-e-Azam ne aap ki salahiton ka aitraf is tarah kiya. "Liaquat Ali mera dayan bazu hain. Unhon ne faraiz ki anjam dahi mein din raat aik kar diye hain woh agarcheh Nawabzadah hain lekin aam insanon ki tarah kaam karte hain". 1940 main Liaquat Ali markazi assembly ke rukan muntakhib howe. Qayam e Pakistan  tak assembly ke member rahe. 1946 mein aarzi hukumat mein shamil howe tou Liaquat Ali ko aarzi hukumat mein wazarat-e-khazana ka qalamdan spurd kar diya gaya. Aap pehle Hindustani thay jinhon ne Angreezon ke door-e-hakumat mein Hinustan ka budget paish kiya. Taqseem Hind ke baad aap Pakistan ke pehle wazir e azam muqarar howe. Apni wazarat-e-uzma ke doraan aap ne aala qabliyat, sanjeedgi, matanat, taleemi salahiton ka sabot diya. Mahajreen ki abadkari aur dusre mumalik ke sath dostana taluqat mein aap ne mahirana siasi baseerat se kaam liya.

11 September 1948 ko Quaid-e-Azam ki wafat ke baad aap ne qaum ki behtareen rehnumai ki aur us naye mulk ki tameer mein har waqt masroof rahe. 1950 ke aghaz mein magribi Bangal aur mashiqi Bangal ke alaqon mein Hindu Muslim fasadaat ho gaye un fasadaat mein Musalmanon ko bohat nuqsan pohancha. Liaquat Ali Hindustan ke wazir-e-azam Pandit Nehru ki dawat par nayi dehli tashreef lay gaye aur 8 April 1950 ko dono mumalik mein aik muahdah howa jo Liaquat�Nehru Pact ke naam se mashoor howa. 16 october 1951 ko Rawalpindi mein aik jalsa aam se aap ne khatab karna tha abhi aap ne taqreer ka aghaz hi kiya tha ke aik shaqi al qalab ki goliyon se aap shaheed ho gaye. Aap ki maiyat ko Karachi la kar Quaid-e-Azam ke mazar ke pehlu mein dafan kiya gaya. Apni zindagi se hi Musalmanon mein Quaid-e-Millat ke laqab se mashoor howe. Shahadat ke baad shaheed-e-millat ke naam se pukare jane lagey.

Lahore City History in Urdu Lahore Shehar Ki Tareekh Lahore Essay

Satah samandar se 706 foot bulandi par waqaya Lahore ke bare main Kanhaiyalal Hindi ne kaha tha ke Lahore 2000 saal se Punjab ka capital hai. 372 main Arabic mein likhi gayi kitab "hudood al ilm" jis ki english translation 1937 main London se shaya hoi us mein likha gaya hai ke Lahore shehar ke bohat se izla hain. "Lahore ke bare ba ronaq hain. Chilghozay, Badam aur Narial kasrat se paye jate hain."

Lahore ki bunyad  Ram Chandar ke baitay Laho ne rakhi thi. Jub Lahore barbad howa tou Punjab pa capital Sialkot ko bana diya gaya. 405 mein Sultan Mahmud Ghaznavi ne Anand Paul ko shikast de kar Lahore par qabza kar liya. Lahore par Ghauri khandan 582 hijri tak hukamran rahe. Yahan Shahabuddin Ghori khandan ke 12 afrad ne hakumat ki jin mein
Qutb-ud-din Aibak,
Aram Shah,
Shamsuddin
Rukn ud din
Feroz Shah
Razia Sultan
Behram Shah, wagera shamil thay. Ye khandan 689 hijri tak hukamrani karta raha is ke baad 721 hijri tak khaleeji khandan ke 4 hukamran is alaqay par hukamrani karte rahe.

 

Minar-e-Pakistan ka dil faraib nazara

 Badshahi Masjid

Lahore ki shohrat puri dunya mein us waqt hoi jub yahan Mughliya door ka aghaz howa. 1826 mein Mughal badshah Babar is alaqay par qabiz howa. Punjab main mughliya door-e-hakumat mein jis shehar ko sub se zayada ahmiyat di gayi aur jisay sub se zayada faida pohanchaya gaya woh Lahore hi tha.

Lahore har lihaz se aik tehzeebi aur saqafati shehar hai. Is ki tehzeeb aur saqafat hazaron saal purani hai aur jis tarah kisi bhi tehzeeb aur saqafati shehar ke mashoor hone ke bay shumar hawalay hote hain isi tarah Lahore ki shoshrat ke hawalay bhi beshumar hain. In hawalon main aik hawala fun pehalwani aur umda khanay hain. Fun pahelwani ka ye amal hai ke salha saal se is alaqay ke log dunya bhar mein pahalwani ke liye mashoor hain.

Old Lahore Picture

Lahore umda khanon ki wajah se saray alam main jana jata hai yahan international level ke hotels hain magar aik bari waziha daleel yahan par mojood shahi qila food street aur purani anar kali food street hai jahan par sham ke waqt lahore ke logon ke sath sath kafi tadad main beroni tourists bhi mojood hotay hain.

Yahan ke mashoor khanon mein Siri Paye, Tika Karahi, Murgh Boti, Biryani, Seekh Kabab, Qorma, Naan Chaney, Puri Halwa, Haleem, Chargha, Tali Hoi Machli wagera shamil hain.

Jis tarah dusre shehron mein rehnay wale Pakistani tehwar manatay hain isi tarah Lahore mein rehne wale bhi mukhtalif mowaqon par mukhtalif tehwar manatay hain. Farq itna hai ke dunya ke dusre shehron ke muqable mein Lahore mein dusre alaqon ke log zayada abad hain jis ki wajah se ye baat mashoor hai ke yahan haftay main 7 din aur 8 tehwar manaye jatay hain. Lahore ke festivals main se khuch famous lahore festivals ye hain.

1: Eid ul Fitr
2: Eid ul Adha
3: Eid Milad Un Nabi (S.A.W)
4: Basant (Jashn-e-Baharaan)
5: Iqbal Day
6: Shab-e-Barat
7: Lailatul Qadr
8: Shab-e-Miraj
9: Youm-e-Azadi
10: Youm-e-Takbir
11: Youm-e-Difa
12: Mela Chiraghan

Ye melay government ki sarparasti mein hote hain. Khaas toor par Basant ka mela tou Lahore mein bohat purana tehwar hai. Is tehwar ka intzar sara saal kiya jata hai aur is tehwar ke liye taqreeban dunya ke tamam mumalik se log Lahore ka rukh karte thay magar ab is tehwar par  jan lewa ho janay ki wajah se pabandi laga di gayi. Ye kite flying festival taqreeban 24 ghantay jari rehta tha. Isi doraan fiza basanti geeton, muskurahaton aur bo kata ki awazon se goonjti rehti thi. Har taraf khushi nazar ati thi. Is tehwar par tarah tarah ke khanon ka intzam kiya jata tha. Chaton par larkay aur larkiyan basanti libas pehnay patang bazi karte aur bhangre dalte howe nazar atay thay. Asman tarah tarah ki rang barangi patangon se dhaka hota tha. Paich laranay ke muqablay hote thay magar mazay ki baat ye hai ke un muqablon mein jeetne wala jis qadar khush hota tha, haarne wala bhi usi qadar khush nazar ata tha. Ye basant tehwar puri mein se bohat saray logon ko Lahore ko anay par majbor kar deta tha.

 Beautiful Spring Flowers In Lahore Garden

Lahore Pakistan ka dusra bara shehar hai jo ke punjab ka darul hukumat hai. Ye aik tareekhi shehar hai jo ke 1000 bars se alaqay ka saqafti, siyasi aur muashi markaz hai. Lahore ko kayi tareekhi amaraton, masjidon, maqbaron aur baghat ki wajah se bhi almi shohrat hasil hai. In mein Jahangir ka maqbara, Shahi Qila, Shalamar Bagh, Badshahi masjid numayan hein. Isshehar mein kayi bazurgon ke mazaraat waqaya hain jin mein Hazrat Data Ganj Bakhsh Ali Hajweri (r.a), Hazrat Mian Mir (r.a), Hazrat Sarkar Madhoo Lal Hussain (r.a), Hazrat Shah Abul Muali (r.a), Hazrat Syed Miran Mauj Darya Bukhari (r.a) shamil hain.

View Of Lahore Canal Mughalpura

 
Shair-e-mashriq Allama Iqbal ka mazar bhi Badshahi Masjid ke samne waqaya hai. Lahore city darya-e-ravi ke mashriqi kinare par abad hai. Lahore ka mojoda shehar kayi jadeed bastiyon aur amaraton se arasta ho chuka hai. In main Johar Town Lahore, Bahria Town, Model Town, Gulberg, Defence, Green Town, Sabzazar, numayan hain. Lahore shehar ki famous places main Allama Iqbal International Air Port, Ajaib Ghar, Punjab University, Bagh-e-Jinah, Shalamar Bagh, Minar-e-Pakistan, Maal Road, Anar Kali, Fortress Stadium, Liberty wagera shamil hain. Is shehar ki jadeediat main izafa Lahore Metro Bus System ne kiya hai jisay haal hi mein Turkey ke tawan se tameer kiya gaya hai.

Historical Lahore City

Lahore mein bijli 1929 ya 1939 main ayi thi us zamane mein Ravi darya aur pankhay ki hawa par ahl-e-lahore garmiyan guzar dete thay. Darya-e-Ravi ki wajah se Lahore ki ratain thandi hoti thien. Lahore shehar mein tange chala kartay thay, bhainson ko bhi shehar main ghomnay phirne ki azadi thi is wajah se lahore ki kafi sarkain saaf nahin rehti thien lekin maal road har rooz dopehar ke waqt dhoyi jati thi. Dopehar ke waqt yahan jub bagh-e-jinah nisbatan khali hota hai tab darakhton ki bhari tehniyon par khubsurat parinday baithay dikhayi detay hain.

 Shab-e-Miraj par sajayi hoi lahore ki aik masjid ka khubsurat manzar

Maal road par lage howe darakht bahar ki amad ka pata detay howe

Lahore shehar main Qiyam-e-Pakistan se pehle ki aik bus service chali thi Omni Bus purishehar us par safar kiya karta tha. Paidal chalne ki adat aam thi. Cycle bhi har aik ke paas nahin hoti thi. Mujhe aik bazurg ke bataya ke woh Data Darbar se Baghban Pura paidal jaya karte thay. Cycle ke ilawa tanga sawari thi. Lahore shehar ishq aur ashqi ki kayi dastanon ka shehar bhi hai.

 

Race Cource Park - Jilani Park Lahore  

 Lahore Railwat Station

Yahan angrezon ke daur ka aik purana rail ka nazaam bhi hai aur usi zamane ki bani hoi railway station ki building bhi hai jo aaj bhi apni tameer ke hawale se aik alag muqam rakhti hai aur main aaj usi railway station ki imarat mein baitha rail gari ka intzar kartay howe yehi soch raha hon ke is shehar main qiyam-e-Pakistan ke baad se ab tak kitna khuch badal gaya hai magar yahan ki trainon ka waqt par na ana aaj bhi nahin badla.

Waqt Ki Pabandi Mazmoon Urdu Essay

Pabandi waqt ke muraad har kaam us ke muqarrah waqt peh karna aur baqaedgi se karna nai. Waqt ki pabandi insan ki zindagi main bohat ahmiyat rakhti hai. Aaj wohi qoomain taraqi ke intiha par hain jinhon ne waqt ki qadr. Waqt ki qadar na karnay wali qomain nakam aur namuraad rehti hain. Jo log waqt ki ahmiyat se waqif hain woh apni zindagi ka aik lamha bhi zaya nahin honay detay aur aaj ka kaam kal par nahin chortay.
Agar hum apne ird gird nazar dorayain tou maloom ho ga ye sari ki sari kainaat pabandi waqt ki zanjeer main jakri hoi hai. Din raat ka apne waqt par namudar hona chand aur suraj ka apne waqt par talu aur gharoob hona muqarar hai. Mausamon ka tasalsal isitarah faslon wagera ka pakna sub ke muqarrah auqat hain. Fitrat ke in tamam anasar main kabhi koi beqaedgi nahin hoi. Ye sara nazam qainaat hamain waqy ki pabandi ka hi dars deta hai.
Jo insan bachpan se hi pabandi waqt ke sunehri asoolon ko apnata hai woh zindagi ke har maidan main kamyab hota hai. Agar aik talib ilm pabandi waqt ki qadar karta hai, subah waqt par uthta hai, parhai mehnat aur dil laga kar karta hai, waqt par khailta hai, waqt par sota hai tou is main koi shaq nahin keh woh anay wale waqt main dusron ke liye misal banay. Us ki sehat bhi achi rahay gi aur talib ilm taleem main bhi taraqi karay ga.
Pabandi waqt zindagi ke har shobay main bohat aham hain agar kasam waqt par beej na dalay aur pani na de tou woh us se khuch hasil na kar sakay ga. Musafir muqarrah waqt ka khayal na karay tou woh manzil maqsod par na pohanch sakay ga. Mulazim muqarrah waqt par apne daftar main hazir na ho ga tou us ke nateejay main usay naukri se hath dhona paray ga. Agar yehi afraad waqt ki pabandi ko malhoz khatir rakhain tou unhain kisi qisam ki sharmindgi na uthani paray aur na hi kisi qisam ki dikat ka samna karna paray.
Islam ke tamam arkan bhi hamain pabandi waqt ka dars detay hain. Panchon waqt ke auqat muqarar hain. Isi tarah Ramzan ul mubarak ke rozon ki iftari aur sehri ke auqat bhi muqarar hain aur hajj bhi muqarrah waqt par hi hota hai. Goya waqt ki pabandi Allah Ta'ala ko bhi pasand hai.
Dar haqeeqat ye taraqi ka zeena aur kamyabi ka raaz hai. Ye aik anmol khazana hai. Khoi hoi daulat ka hasol mumkil hai magar waqt aik aisi daulat hai jo guzar jaye tou kisi bhi qeemat pe bhi wapas nahin asakta. Jesay munh se nikli hoi baat, kamaan se nikla howa teer, hawa ka guzra howa jhonka wapas nahin asakta. Isi tarah wapas nahin asakta. Isi tarah guzra howa waqt bhi wapas nahin asakta.
Maghrabi aqwaam aaj zindagi ke har maidan main paish paish hain. Kyoun keh har fard waqt ka paband hai. Woh apni zindagi ka aik lamha bhi fazol zaya nahin kartay. Waqt ki qadr-o-qeemat jaan kar hi is muqam par pohanchay hain lekin jin qaumon ne waqt ki qadar na ki wo zawal ka shikar ho gayien. Mashor fateh napoleon maidan jang main sirf chand minute takheer se pohancha jis ka nateeja us ko shikast ki surat main hasil howa aur isi chand minute ki takheer ki saza tamam umar bhugatni pari. Agar hamain kamyabi hasil karni hai tou hamain waqt ki pabandi ko apna sha'ar banana ho ga kyoun keh waqt teezi se guzar jata hai aur thehr kar kisi ka intzar nahin karta.