Safa Marwa History In Urdu Safa Marwa Story Mountains Ki Pahari Images

Safa Marwa History In Urdu: Safa Marwa se Islam se pehle bhi log saee karte thay. Hazrat Hajra AS apne betay Hazrat Ismail AS ke liye pani ki talash mein jin pahariyon ke darmiyan sargardaan hoi thien un mein se aik ka naam safa aur dusri pahari ka name marwa hai. Manasik hajj ki istalah mein safa aur marwa ke darmiyan 7 martaba anay janay ko saee kaha jata hai aur jis jagah sae ki jati hai us ko Arabic mein Mas'aa  kehte hain. 1069 tak kyoun ke Khana Kaba mein koi izafa aur tosee nahin ki gayi thi. Is liye ird gird ki Makkah ki abadiyan Masjid Al Haram ke sath aa kar mil gayi thien aur Mas'aa ke donon janib construction hone se ye hisa alag thalag ho gaya tha aur qareeb hi rihaeshi makan aur bazaar hone ki wajah se khareed aur farokht ke baes sa'ee karne walon ke liye rukawat paida hoti thi.

Safa Marwa Picture

Saudi hukumat ke bani Malik Abdul Aziz Al Saud jo Allah ke mehmanon ko har haal mein aram aur sakoon pohanchane ke khawahish mand thay unhon ne hajiyon ki tadad mein din badin izafe aur namaziyon ke liye jagah ki tangi ko mehsoos karte howe Kaba ki tosee aur taraqi ke kaam ko shuru karne ka mansooba banaya. Unhon ne 1368 mein Muslim alam ko ye khabar sunai ke woh Haram Shareef ki tosee aur taraqi ka azam kar chuke hain. Aur is muqaddus kaam ki ibtida Masjid Nabawi S.A.W.W se ki jaye gi.

Safa mountain ke uper sirf chand wala aik minar hai aur 35 meter qatar ka aik gumbad hai jis ke andooni hisa ko Quran Karim ki Surah Al-Baqara ki Ayat no 158 se munqash kiya gaya hai. Islam se pehle bhi safa aur marwa ki saee ki jati thi magar donon paharon par 2 but rakhe hue thay, mushrakeen in do buton ki tazeem ki saee khayal karte thay. Udhar Ansar-e-Madina pehle hi safa aur marwa ki saee karna ma'ayub samajhte thay. Safa aur marwa ke darmiyan amdorat karna sirf Allah ki khushnudi ke liye hain. Aaj kal saee 3 muqamat par ki ja sakti hain.

Ground floor par us ke roof par aur akhri chhat par. Zameeni manzil par pehle donon pahariyon ko kaat kar sirf pahariyon ke nishanat choray gaye thay lekin ab marwa ka nishan bhi ghayeb hai woh is liye ta ke saee ke liye jagah kushada mil sake. Uper ki donon manzilon par jahan anay jane ka rasta ground floor ki taraf juda juda nahin tha aaj kal wood ki wall laga kar anay jane ka rasta juda juda kar diya gaya hai. Akhri chhat par saee ke liye electronic stairs ki madad li ja sakti hai jo safa aur Bab ul-Fatah ke qareeb tameer ki gayi hain albata dusri seerihon se bhi uper pohancha ja sakta hai jo Masjid Al-Haram ki akhri chhat par pohanchti hain.

Saee Ki Niyat

Translation: Aay Allah: Main teri raza aur khushnudi ki khatir safa aur marwa ke darmiyan saee ke saat chakar karne ka irada kar raha hon, tou isay mere liye asaan farma de, aur isay qabool farma.

Safa Marwa Se Utarne Ki Dua

Tarjuma: Aay Allah: Tou mujhe apne pyare Nabi S.A.W.W ki sunnat ka tabay bana de aur mujhe un ke deen par moot naseeb farma aur mujhe panah de fitnon ki gumrahiyon se apni rehmat ke sath, aay sub se zayada reham karne wale.

Hindi Changez Khan History In Urdu Changez Khan Death Family Kahani Information Essay

Urdu Changez Khan History In Hindi- Dunya ko puri tarah se fatah karne ke hawalay se Changez Khan ne bohat se mulkon se jangain shuru kien. Ye jis khandan mein paida hua usay Sadaron ka khandan kehte hain isi wajah se woh is khandan ka ladla chasm-o-chiragh tha aur us ka asli naam Tamojan tha. Jis ke lafzi mani hain Iron Worker yani lohay ka kaam karne wala, ke hain us ki paidaesh ke waqt baaz dana ne us ke mustaqbil par paishgoiyan ki ke ye bohat bara jabar hukumran aur jungi leader bane ga. 13 saal ki umar mein us ke walid ne us ki shadi kar di kyoun ke shuru se hi Changez Khan nahayat shahana mijaz ka hamil tha. Is liye apni liaqat ki bina par usi saal takht nasheen bhi ho gaya.

 Jub 1175 mein woh apne qabeelay ka sardar bana tou deegar qabail ke sath us ki chapkalish shuru ho gayi aur us ne tamam qabail aur halqon ko zair karne ki bharpur koshish ki kyoun ke us waqt Mongolia ki sar zameen par kayi qabail hukumat karte thay phir surat haal ka jaiza laitay hue us ne tamam qabail ke sardaron ko ikatha kiya aur deegar alaqon ko fatah karne ki tajweez paish ki aur apne alaqay ki falah-o-behbood aur taraqi ke liye bhi tajaveez paish kien us ki is khidmat aur amal ne usay bepanah maqbuliat dila di aur Mongolia ke tamam sarkarda sardaron ne usay apna sardar tasleem kar liya aur mutfiqa toor par darya-e-annan ke nazdeek aik ijlas mein Changez Khan ko khaqan ka khitab bhi diya gaya. Phir us ne baqaida toor par Mongol saltanat ko aik mazboot saltanat ke toor par mutarif karwaya.

Mongol saltanat ki fauj ki tanzeem nau ke sath sath deegar adaron ko bhi mazboot bunyadon par qaim kiya. Aur jald hi Tamojan nami shakhs puri dunya mein Changez Khan ke naam se na'dar aur bay taj badshah mashoor ho gaya. China ko 2 martaba raj kiya aur 1214 se 1218 tak 2 Chinese States par qabaz ho gaya. Phir us ne taqat ka istemal karte hue deegar mulkon ko bhi zair karne ka mansooba banaya aur nayi tarz par foreign policies tarteeb dien.

1219 mein us ke chand safeer (Ambassadors) jo ke deegar mulkon mein bheejay gaye thayqatal ho gaye. Is waqia ne Changez Khan ko mazeed taskheer alam par hawi kar diya aur woh dunya ko fatah karne ke iraday se nikal para us ne bukhara aur maro ke alaqon ko khoob loota. Bukhara aur maro ke alaqon mein khoon reezi karne ke baad Changez Khan ka rukh janoob mashriq aur Europe ke mulkon ki taraf ho gaya. Hata ke us ki faujon ne janoobi Russia aur shumali Hind tak rasai hasil kar li aur lashkar kashi kar ke us sub par qabza kar liya aur Mongol saltanat ka sika qaim karne ke liye us ne bepanah khoon reezi ki jis ki wajah se aaj tak usay zalim aur jabar hukmran ke naam se yaad kiya jata hai. 13th century mein us ne waqai ye sabat kar diya tha ke Mongol army dunya ki mazboot tareen fauj hai. Fauj ki tanzeem, training, asla-o-hathyar aur commanding Changez Khan ke jabarana asoolon ka mazhar thi.

Mother's Day History in Urdu Speesh Mother's Day Quotes Information Mothers Day Poems Essay

Mother's Day Speech In Urdu Essay Mother's Day Maa jaisi hasti duniya main hai kahen woh mujhey taab se samajti thi jaab se main nay is duniya main ankh khuli thi jaab na mujhay lafz atay thay na apni bat samjana lakin woh meri hat zaroorat ko kuch kehnay se pehlay puri karti thi main nay duniya ko iski ankhoon se dekhna shuro kiya lakin na janay kaab is ki ankhoon se dekhtay dekhtay duniya mujhey bohat chooti lagnay lagi aisa lagnay laga jaisa iska duniya ko dekhnay ka nazara bara kadeem or tang nazri liyaw tha or main duniya ko hasil karna chahta tha or is ke rang ko mehsoos karnay ke liyaw betaab thi jaab mujhey chalna nahi ata tha to woh apna kaam meray liyaw chur kaar ati thi or jaab main chalnay ke kabil huwa to mera pass karnay ke liyaw is se zayada zaroori kam thay bohat se kaam jis main main is ki awaaz ko bhool jati thi or wakat fursat iski yadoon ki miss call ko dekhta main nay kabhi socha nahi ke woh meray liyaw kis kadar pareshan hogi meri hathoon ko kiss karti main nay kabhi iski ankhoon se nikalnay wahlay ansoo ko nahi dekha lakin jaab b kabhi meri ankhain ansoo se baar jati to meri maa akay inhay apnay dubatay se saaf karti buray wakat main or kamyabi taak ke safar main woh akehli thi jiskay hath meray liyaw dua main hotay  thay jisko mujhey kabhi kehna nahi parta tha maa meri dua karna woh hameshan meray liyaw dua karti rahti chahay main nay isay ketna rulaya ho ketna dard diya ho woh hameshan meray liyaw dua karti thi main jaab kabhi bi zindagi ki dhoop main nakaam hua to apni maa ke sath beth jata tha isnay mujhey gale lagaya han woh is duniya ki bohat zayada pyaar karnay wahli woh meray pass thi to mujhey is ka ahsas kabhi na hua or aj jaab main is se bohat door betha iski muhabat ko mahsoos karna chahta hon to iskay or meray darmiyaan zamanay or majburiyaan bangaye hain bohat door bethi kahin dua kar rahi hogi hum jaisi ulaad hoti hai jo maa ko bhool jatey hai maa ki izzat nahi karti har mushkil or har buri dua ko badal dahnay wahli dua is ke elawa kisi ki ho nahi sakti maa duniya ki saab dost se achi dost hoti hai hamari har khushi ghum main hamari fikar karti hai wakat anay paar ek maa father bhai bahen saab kuch banjatay hain lakin koi dusra is jaisa nahi bansakta humko har din yaad rehta hai apnay dostoon ki birthday party ka din ho ya phir woh hamari zindagi ka bohat acha din ho ya phir hamari zindagi ki koi zaroori event ho hum saab kuch yaad rakhtay hain valentines day  b lakin nahi yaad rehta to bass is ki muhabat hum sara saal busy rehtay hain or puray saal main 360 din ke 31104000 second main se hamaray pass kuch second nahi hotay jin m ain hum isay ek call kardain main yeh b janta hon ke yeh artical adhura hai shayed adhura rahayga kyun ke meray pass is ki muhabat ke liyaw koi lafz nahi hain ke isko duniya ki kisi b zuban main explain karsakon kyun ke isko explain karna meray liye na mumkin hai.

Father's Day History In Urdu Father's Day Poems Speech In Hindi Essay

Father's Day History In Urdu Speech: Father's Day aik samaji festival hai jo har saal 20 june ko chand countries ke ilawa taqreeban puri dunya mein manaya jata hai. Jis mein baap ki izzat o ahtram ke paish nazar apne jazbat ka izhar kiya jata hai. Ye tehwar sadiyon purana nahin hai ye chand saal pehle manzar aam par aya hai. Father Day ko mutarif karwane wali Sonora Dodd hai jo American lady hai us ke parents us ke bachpan mein hi intiqal kar gye thay Sonora apne baap ki shafqat se mehroom ho gyi aur apne baap ko bay had yaad karti thi. Phir us ke zehan mein baap ko yaad karne aur us ko kharaj tehseen paish karne ka aik khayal aya aur us ne 1910 mein Washington mein pehli baar 20 june ko Father's Day manaya. Phir ahista ahista puray America mein us din ko walid ke naam se mansoob kar diya gya. Aur baqaida se har saal manaya jata. Kyoun ke us waqt ke sadar Calvin Coolidge ne 1924 mein is festival ko national Father Day ke naam se mananay ka hukam diya.

Father's Day In Urdu

Hindi Fathers Day Essay In Urdu
Tab 1966 mein Lyndon Johnsn ne isay almi satah par mutaraf karwaya is tarah is tehwar ko kayi countries mein pazirai hasil hoi. Aur bilakhir 1972 mein is tehwar ko almi festivals mein mustaqil tor par shamil kar liya gya. Degar tehwaron ki tarah is tehwar ko bhi baaz mazhbi halqon mein maghribi rasoom ka andiya diya jata hai. Haan ye waqai sach hai ke is tehwar ko aqwam -e maghrib mein Christians ne manana shuru kiya lekin taqreeban tamam religions ke log isay manate hain.

Zaroori nahin hai ke us din ko un ke tarika se hi manaya jaye. Lekin haqeeqat tou ye hai ke Islam mein bhi waldain ke huqooq par bohat zor diya gya hai. Is liye Muslims ko chahiye ke wo is festival ko tehwar na samjhain balkeh Islam ke sunehri asool ke mutabiq waldain ke huqooq puray karain. Aur un ke adab aur ahtram mein paish paish rahain.

Saudi Arabia History In Urdu Saudi Arabia Visa Information In Urdu

Saudi Arabia ki mumlikat jazeera numaye Arab ke alaqay par mushtamil hai. Is ke maghrib mein behra qalzim aur mashriq mein khaleej Arab waqaya hain. Riaz city is ka sub se bara shehar aur darul hukumat hai. Saudi Arab ka kul raqba 2,194,690 muraba km hai. Aur abadi 25.195.720 afrad par mushtamil hai.

Tareekhi Pasmanzar Historical Background Of Saudi Arabia KSA: Ye mubarak mulk woh khush kismat mulk hai jisay Islam ka gehwara hone ka sharf hasil hai. Muslims ki 2 holy places Makkah Muazzama aur Madina Munawara isi mumlikat mein waqata hain. Zamana mazi mein aksar hamla awar taqaton ne jazeera arab ko fatah karne ki beshumar koshishain kien lekin kamyabi hasil na ho saki.

Venice History In Urdu Marco Polo Biography in Hindi - Venice Attractions

Koi 700 saal pehle ki baat hai. Itali ke aik shehar Venice mein aik bara sodagar rehta tha. Is ke haan aik larka paida hua. Jis ka name Marco Polo rakha gya. Ye larka bachpan se hi bara honihar aur zaheen tha jub bara hua tou apne baap ke sath door daraz mulkon mein soda baichne aur maal khareednay janay laga. Shehar Venice samandar ke kinare bohat se chote chote jazeeron par waqia hai is mein bazaron ki jagah nehrain payi jati hain. Ye shehar hai bandargah hai.

Pic by: lpiepiora

Aik dafa Marco Polo apne baap ke sath wast Asia ke Mongol badshah Qablai ke darbar mein gya. Un ka rasta maghribi aur wasti Asia mein se tha. Us ne is alaqay ke mutaliq bohat ki maloomat hasil kien. Wahan pohancha tou Kublai Khan ne us ki qabliyat se mutasir ho kar usay apna aik subaidar bana liya aur usay apni taraf se Hindustan aur Cheen ke deryaon mein bheja. Baad mein Marco Polo janoobi Asia se hota hua wapas apne watan agya. Un tamam safron mein us ne bohat se mulkon ke geography halaat ka mutaliya kiya.

Apne watan mein usay khuch arsa ke liye qaid kar liya gya. Qaid ke doran us ne apne safron ke halaat aik book ki surat mein likhay. Marco Polo baad mein Venice ki bari counsil ka member ban gya aur us ki bohat izzat afzai hoi, woh apne zamane ka mashoor tareen tourist tha.

History Khyber Pakhtunkhwa In Urdu Essay Khyber Pakhtunkhwa Information Culture Tourism KPK Poems

Khyber Pakhtunkhwa History In Urdu: Geography lihaz se KPK Province (Sarhad) hasas khitay mein waqaya hai. Yehi wajah hai ke zamana qadeem mein Persian, Mughal, Turk, Sikh, Arab, Unan aur British yahan lashkar kashi karte rahe. 1500 aur 2000 qabal masih yahan Aryai qaum ki Irani branch wajood mein ayi jis ki pusht panahi Pakhtun kar rahe thay. Unhon ne is sare khiton ko apne qabzay mein lay liya. Khyber Pakhtunkhwa ke khitay par kayi maroof logon ka naam qabil zikar hai jo yahan dora kar chuke hain in mein Sikandar-e-Azam, Marko Polo, Churchill ke naam shamil hain. Shahi door se pehle yahan par budh mat ke pairo karon ki tadad kafi zayada thi. Jabkeh 870 sadi eswi tak Turk hukamranon ka shahi door raha jos ko akhir kaar Mahmood Ghaznavi ney naist-o-nabood kar diya.

Darya-e-Swat

Phir Islam ki roshni is khitay mein na sirf pheeli balkeh yahan se kayi deegar mulehqa khiton mein Islam ka bol bala hua aur phir mazeed Sufia Karam aur Muslims poets ne bhi kafi logon ko Islam ki rahgbat dilane mein aham kardar ada kiya. Is ke baad Pashtun qaum parasti ka tanaza bhi shuru hua. Jis mein Khushal Khan Khattak ne apni poems ke zariye apne Pashtunon ko hukamranon ki baghawat par majboor kiya. Phir 1848 mein Ahmad Shah Durrani ne surat haal ko mamool par lanay mein aham kardar ada kiya.

Phir deegar bar-e-sagheer ke alaqon ki tarah yahan par Angreezon ne qadam jamaney shuru kar diye. Is silsile mein British aur Russia mein rasa kashi shuru ho gyi. aur Afghanistan ki taqseem ka waqaya paish aya. 1893 mein Durand line nafiz hoi aur Afghanistan ka khuch hisa Bartanawi Hindustan mein shamil ho gya. Aur Pakhtun qabeelon mein bhi na ittefaqi ne sar uthaya aur woh 2 hison mein but gye. Lein phir bhi Angreezon ko Pushtun larai mein bure nataij aur nuqsan ka samna karna para. Phir Bartania ne "Taqseem Karo Aur Hukumar Karo" ka formula apnaya aur khuch had tak kath putli Pushtun hukmaranon ki madad se Bartaniya ko kamyabi hasil hoi.

9 november 1909 mein bil akhir Khyber Pakhtunkhwa Province bana aur us ka naam Sarhad Province rakha gya. soobay ka ikhtiyar nazim ala ko diya gya. Jo musheeron ki madad se nazaam chalata tha. Phir bazabta toor par 26 April 1902 ko is sooba ka iftitah hua aur soobay ke 5 izla mukhtis hue.

1947 mein Qayam-e-Pakistan ke waqt mutfiqa toor par sooba sarhad ko Pakistan ka hisa qarar diya gaya. Phir chand wajoohat ki bana par Afghanistan se is sooba ke tanazat ronuma ho gye. 1979 mein Soviet Union ke Afghanistan par hamlay se lakhon mahajreen Khyber Pakhtunkhwa hijrat kar aye aur phir ahista ahista ye mujahideen ka bara markaz ban gya. Agriculture is soobay ki economy ka aham bab hai. Is mein gandam (wheat), makai (corn), chawal (rice) aur ganna (Sugarcane) wagera kaseer tadad mein ugaye jate hain.

Tehzeeb o saqafat mein ye khita kayi 100 salon ki qadeem rawayat ka hamil hai. Jis mein Pashto Song, Chitrali Sitar ko khas ahmiyat hasil hai. Puray Pakistan ke tijarati log yahan ka rukh karte hain. Jis ki wajah ye hai ke yahan ke bazaar saray Pakistan mein famous hain. Jin mein Qissa Khawani Bazaar kafi mashoor hai. Yahan ki aab-o-hawa sar sabz paharon aur neeli wadiyon ki wajah se nahayat khoobsurat hai. Is ke ilawa ye KPK parhezgar aur purkhaloss aur mehman nawaz Muslims ke liye bohat shohrat ka hamil hai.

Sri Lanka History In Urdu Sri Lanka Travel Guide Kandy City

Sri Lanka History in Urdu: Zamana qadeem hi se neelay samandar, safaid chamkeelay sahilon, qudarti husn aur dilkashi ka markaz hone ki bina par dunya bhar ke tourists ke liye dilchaspi aur kashish ka baes raha hai. Sri Lanka ka qadeem naam Salon hai aur 70% bashinday Budh Mat ke mannay wale hain, ye South Asia ka wahid mulk hai jo islands par mushtamil hai. Yahan ke log aam toor par bohat khush ikhlaq hain. Woh tourists ko dekhte hi muskurane lagte hain aur agar tourists bhi jawaban muskura dain tou un ki khushi do chand ho jati hai. Famous newspaper New York Times ne 2010 mein Sri Lanka ko sayahon ke liye pehle tarjih qarar diya tha aur is mulk mein be tahasha panay jane wala qudarti husn is baat ki daleel hai ke international tourists zayada arsa tak isay nazar andaz nahin kar sakay gi.

Sri Lanka Tourism

Sri Lanka ki sair ke liye dusre mulkon se anay wale tourists aam toor par apne tafreehi doray ka aghaz Kandy se kartay hain.  Sri Lanka main intercity express train ke zariye bhi Kandy city mein pohancha ja sakta hai, ye train aap ko mulk ke pahari alaqon se hote hue Kandy lay jaye gi. Ye khubsurat safar aap mudaton bhula na sakain gey kyoun ke e pura alaqa intihai sar sabz o shadab hai aur safar ke doran aap yahan ke qudarti husn se mehsoor ho kar reh jatay hain. Kandy jane wale baishtar tourists Temple of the Scare Tooth zaroor jatay hain, is ke ilawa Kandy ki mashoor jheel ki sair karna hargiz na bhulain kyoun ke agar aap ne ye khubsurat lake na dekhi tou samajh lain ke aap ka Kandy ka safar raigaan gya.

Sri Lanka chaye ki paidawar ka aik aham markaz hai. Agar aap Sri Lanka aye aur chaye ke kheeton ka nazara na kiya toi goya khuch bhi na dekha. Is maqsad ke liye aap Kandy mein hi kisi Taxi Driver ki khidmat hasil kar sakte hain ke woh aap ko Nuwara Eliya lay chale. Ye pahari qasba khud tou khuch zayada pur kashish nahin lekin is ke raste mein donon taraf chaye ke wasi o areez sar sabz kheet is qadar mehsoor kun nazara paish karte hain ke aap palak jhapakna bhool jayain gey. Nuwara Eliya se aap Tissamaharam ja sakte hain, jis ka rasta tou kharab aur dushwar guzar hai lekin wahan pohanch kar jub aap Yala National Park ki sair karain gey tou wahan elepants aur tigers ko dekh kar aap ki sari thakan door ho jaye gi.

Pahari alaqon ki sair ke baad agar aap khuch sastana chahte hain tou is ke liye Sri Lanka ke janoobi sahilon se behtar jagah aur koi nahin ho sakti. Yahan ka behta hua neela samandar aur moti ki tarah chamaktey hue safaid raitlay sahil.... janoobi Asia ke kisi bhi dusre khoobsurat sahil se kisi surat kam nahin....

Sahili alaqon ki sair ke baad aap Galle city ka rukh bhi kar sakte hain, jahan qadeem qila sayahon ki dilchaspi ka markaz banta hai, is ke ilawa yahan kayi jadeed art galleries bhi mojood hain, jo dekhne se taluq rakhti hain. Aap Sri Lanka ki sair ka ikhtitam Galle se bazariya express train Colombo tak ke safar par kar sakte hain. Ye Train behr hind ke khubsurat sahil ke sath sath apna safar mukamal karti hai aur dilkash o dil faraib manazir se pur ye safar aap ke is tafreehi doray ka behtareen nukta ikhtitam sabit ho ga.

tags: sri lanka national anthem in urdu history srilanka

Karachi History In Urdu Karachi Tourist Places Sandspit Beach

Karachi History In Urdu: Tareek batati hai ke 1947 mein Pakistan ki azadi ke waqt karachi ko mulk ka darul hakumat muntakhib kiya gya tha. Lekin baad mein Islamabad ko darul hukumat ka darja de diya gya. Karachi ki tareekh Unan aur Arab ke door se shuru hoi. Arabic people is alaqa ko bandargah Debal ke naam se jantay thay. British tareekh dan Eliet ke mutabiq Karachi ke chand alaqay aur jazeera Manora, Debal mein shamil thay.
Karachi History In Urdu: 

1775 tak karachi Khan Kalat ki mumlikat ka hisa tha. Us saal Sindh ke hukmaranon aur Khan Kalat ke darmiyan jang chir gyi aur Karachi par Sindh ki hukumat ka qabza ho gya. Is ke baad shehar ki bandargah ki kamyabi aur zayada bare mulk ki tijarat ka markaz ban jane se Karachi ki population mein izafa hua. Is taraqi ne jahan aik taraf kayi tabqa ke logon ko Karachi ki taraf khencha balkeh angreezon ki nigahain bhi is shehar ki taraf uthien.

Phir angreezon ne 3 february 1839 mein Karachi par hamla kiya aur us par qabza kar liya 3 saal ke baad shehar ko Bartanwi Hindustan ke sath ilhaq kar ke aik zila ki haisiyat de di. Phir 1876 mein Karachi mein Bani Pakistan ki paidaesh hoi. Us waqt tak Karachi aik taraqi yafta shehar ki surat ikhtyar kar chuka tha. Jis ka inhsar shehar ke railway station aur bandargah par tha. Karachi ahista ahista aik bari bandargah ke gird aik tijarati markaz banta gya. 1880 ki dahai mein rail ki patri ke zariye Karachi ko baqi Hindustan se jora gya. 1899 mein Karachi mashriqi dunya ka sub se bara gandam ki dar amad ka markaz tha.

1947 mein Karachi ko Pakistan ka capital banaya gya. Us waqt shehar ki abadi sirf 4 lack thi. Apni nayi haisiyat ki wajah se shehar ki abadi mein kafi teezi se izafa hua aur shehar apne sare khitay ka markaz ban gya. 1947 se 1953 tak Karachi Pakistan ka darul hukumat raha phir Karachi ki bohat teezi se barhti abadi aur mu'eeshat ki wajah se darul hukumat ko kisi dusre shehar mein muntaqil karne ka socha gya. 1958 mein us waqt ke sadar Ayub Khan ne Rawalpindi ke qareeb aik jagah Islamabad par taraqiyati kamon ka aghaz kar diya. Akhir kar 1968 mein darul hukumat ko Islamabad muntaqil kar diya gya.

Karachi Pakistan ka ab bhi sub se bara shehar aur maroof sanati aur tijarati markaz hai. Karachi aik almi markaz ki shakal mein bhi samne araha hai. Haal hi mein yahan ki ronaqain bad amni ki wajah se mutasir hoi jis ki wajah se roshniyon ka shehar bad amni ki wajah se berozgari ka shikar ho raha hai.

Karachi Tourist Spots: Pakistan ke dusre bare shehron ki tarah is city mein bhi bohat sari aisi khubsurat places hain jahan par tourists pure Pakistan atay hain. Karachi tourism ke liye yahan ki mashoor place ye hain.

Clifton Beach: Garmiyon ke mausam mein yahan ana ho tou Clifton Beach aik behtareen jagah hai kyoun ke ye samandar ka sahil hai is liye yahan par chalti hoi thandi hawayain sayahon ke liye aik haseen naimat se kam nahin hain.

Sandspit Beach: Ye khubsurat jagah bhi sayahat ke liye aik behtareen jagah samjhi jati hai, yahan rozana door daraz se log qudrat ke haseen nazaron, pani ki lehron aur thandi hawaon se mehsoor honay atay hain. Ghair mulki sayahon ke liye bhi ye aik ideal jagah hai. Yahan ka saaf pani swimmers aur boating ko pasand karne walon ke liye attraction ka baes hai.

Siachen History In Urdu Siachen Glacier Issue Information Siachen Glacier Facts In Hindi

Siachen Issue In Urdu Siachen Glacier Facts: Ye barf ka aik dozakh hai, garmiyon mein is ka darja hararat -32 hota hai aur winter mein -50 tak chala jata hai, mausam ki is shiddat mein zindagi mumkin nahin hoti chunachay dunya jub se takhleeq hoi hai, yahan par zindagi ne sar nahin uthaya, 77 km taweel aur 4.8 km choray is alaqay mein aaj tak grass ke aik patay ne janam nahin liya, is alaqay mein kisi janwar, kisi parinday ne bhi par nahin mara, ye lambai ke lihaz se dunya ka dusra bara glacier hai, log isay sadiyon se siachen glacier kehtay arahe hain, muqami zuban mein is ka matlab Gulabon Ki Sarzameen hai lekin gulab aaj tak is zameen par nahin uga, ye zameen azad thi, 1984 tak is par kisi ka qabza nahin tha, qabza mumkin bhi nahin tha, -50 c mein kisi ko qabzay ki kya zaroorat ho gi lekin phir April 1984 mein India ne Siachen par achanak qabza kar liya, Indian army indian alaqay se hoti hoi Siachen par pohanchi aur us ne dunya ke intihai unchay muqaam par choki bana li, Pakistan ko maloom hua tou Pakistan army bhi Siachen pohanch gayi aur youn dunya ki 2 nuclear powers dunya ke unchay aur sard tareen maidan-e-jang mein ak dusre ke amne samne agaye.

India ke paas Siachen ka 2 tahai alaqa hai jub ke Pakistan ke paas 1 tahai alaqa hai. Pakistan ke paas Gyang La Paas ka alaqa hai, ye woh muqam hai jahan se Pakistan Ladakh par nazar rakh sakta hai, ye dunya ka intihai mushkil maidan-e-jang hai, is maidan ko maintain karna taqreeban namumkin hai, aap Siachen ke paharon par oxygen mask ke baghair zinda nahin reh saktay, Siachen ke liye khasoosi libas bhi darkar hai.

Siachen dunya ka mehnga tareen mahaz-e-jang hai, Pakistan army is par rozana 1 crore 50 lakh rupees kharch karti hai, ye raqam monthly 45 crore aur salana 5 arab 50 crore rupees banti hai, Indian army ka kharch Pakistan se kayi guna zayada hai, ye rozana 5 crore, monthly 1 crore 50 lakh aur salana 20 arab rupees kharch karta hai, Siachen par har 3rd day aik Pakistani fauji shaheed hota hai jabkeh har dusre din Bharat ka aik fauji mara jata hai. Yahan par Pakistan ke 4400 jawan aur officer tainaat hain jabkeh India ke 7000 tainaat hain.

History par nazar dali jaye tou Siachen Pakistan ka hisa tha jis par India ne 1984 mein qabza kiya tha. Ab Pakistan ka moqaf ye hai ke donon mulkon ki faujain 1984 se pehle ki position par wapas chali jayain India ka is par israr hai ke pehle in positions ko qanooni shakal di jaye aur phir inkhala ki baat ki jaye jis ka matlab ye hai ke Pakistan Siachen se dastbardar ho jaye. Wiki Leaks ki janib se jari karda secret messages mein ye kaha gaya hai ke Siachen ke maslay ke hal mein asal rukawat Bharat hai. Hindustan ye alaqa is liye khali nahin karna chahta ke Pakistan aur China par Siachen ki wajah se jo fauji bartari usay hasil hai woh us se mehroom ho jaye ga.

Chakwal History In Urdu Places In Chakwal Culture Chakwal Information

Chakwal History In Urdu: Chakwal punjab ka aham tareen zila hai aur 4 tehsilon par mushtamil hai. Chakwal mein national assembly ke 2 halkay NA-60 aur NA-61 hain aur provincial assembly ke 4 halqay hain jin mein PP-20, PP-21, PP-22 aur PP-23 ke halqay atay hain. Chakwal ko 1985 mein zila kar darja diya gya is se qabal ye zila Punjab hi ke aik aur shehar ki tehseel hua karta tha. Talagang zila chakwal ki aik intihai aham tehseel hai. Is ke naam ke sath 2 ilfaz Tala aur Gang bhi aik History rakhte hain. Tala ka meaning hai neechay hisay wali zameen aur Gang aik Hindi qaum ka naam hai. Qayam-e-Pakistan se pehle yahan par Gang qaum abad thi aur ye alaqa kyoun ke baqi alaqon se nichli satah par waqaya tha is liye yahan par abad Gang qaum ke afrad ko Talagang ke baes shanakht kiya jata tha. Tehseel Talagang mulk ki sub se bari shahrah Motorway se 30 km door waqaya hai jabkeh zila chakwal se 45 km door waqia hai. Yahan par abad log Punjabi zuban boltay hain.

 

 Chakwal ke pahar - pic by Madasar Khan

Tehseel Talagang mein Asia ka sub se bara qasba Lawah bhi mojood hai jis ke raqbay par puri tehseel ki abadi ki aksariyat abad hai. Chakwal ke janoobi hisay mein zayada tar pahari silsila waqaya hai aur satah samandar se 3701 foot ki unchai par ye jab ke shumal mein zayada his Darya-e-Sohan ke qareeb waqia hai. Chakwal mein pahari silsila ke sath sath aik barani alaqa hai is liye yahan par kashtkari mein barish ka bohat zayada amal dakhal hai aur Pakistan ke qayam se pehle yahan par Hindu, Sikh aur Christian qaumain abad thien jin mein aksariyat Hindu aur Sikhon ki thi. Pakistan bannay ke baad ye qaumain Bharat ko hijrat kar gayien jabkeh Bharat se anay wale Muslims yahan par abad hue.

1985 min is ko zila ka darja de diya gya. 1891 mein adad-o-shumar ke mutabiq Chakwal ki abadi ki kul tadad 164912 thi. Chakwal city mein aik jagah Dhamyal bhi waqaya hai jo 1920 mein bhi tamam afrad ke liye is hawalay se aik aham jagah thi ke yahan par taman shoba zindagi se wabasta afrad ko rozgar ki talash ke liye ana parta tha aur angreez fauj ka qayam bhi yahin par tha.

1940 ke zila ke gazette ke mutabiq yahan ka purana naam yani old name of chakwal "Chaudhry Chaku Khan" jo ke Mir Minhas Rajput qabeelay ke sardar thay ke naam par rakha gya tha. Chakwal achi nasal ke Bull aur Horses ki wajah se famous hai. Pakistani fauj mein kafi tadad mein fauji isi shehar se taluq rakhte hain.

Canada History Urdu Information Canada Visa Guide Requirements

Canada History In Urdu Canada Visa Information: Ye bar-e-azam shumali America ka mulk hai. Is ka capital ottawa hai. Yahan ki currency canadian dollar hai. Yahan ki language english aur french hai. Canada ki famous cities mein Montreal, Toronto shamil hain. Canada ka weather sardiyon mein shumal aur janoob mein thanda hota hai magar maghrib aur mashriq mein mausam qadre mukhtalif hota hai. Canada ke shumal mein behr-e-munjamid shumali aur mashriq mein khaleej bezan se milta hai. Is ki sarhadain janoob mein rayasat haye mutehda America aur maghrib mein Alaska se milti hain.

Canadian Exit Visa: Yahan har saal kam az kam 100 afrad jo mustaqil rehayesh ke liye immigrant visa jari kiya jata hai. Ye visa mustaqil bunyadon par diye jatay hain. Har saal lakhon ki tadad mein canada visa applications mosool hoti hain is liye yahan ki government ne aik tarjehi nazam qaim kar diya hai. Is nazam ke teht tarkeen watan ke teen tabqay banaye gaye hain. Familiy members, azad aur dusre tarkeen watan. Is nazam ke teht khandan ke afrad aur mahajreen ko sub se zayada ahmiyat di jati hai.

Family Members: Khandan Ke Log: Koi bhi shakhs 18 saal ki umar se kam na ho aur Canada ka shehri ho ya Canadian Immigration ka hamil ho. Apne khandan ke qareebi rishta daron ko Canada mein bula sakta hai. Rishtadaron mein us shakhs ki wife, childrens jo ghair shadi shuda aur umar 21 years se kam ho apne parents, dada, dadi wagera. 13 years ki umar se kam ka bacha jo yateem ho aisa bacha jis ko us ke parents ne chor diya ho. Is class ke teht applications dene walon ka jaeza point system ke teht nahin liya jata hai. Taham woh achi sehat aur chaal chalan ke bunyadi mayar par pura utarta ho.

Convention Refugees: Convention mahajar aisa insan hai jo nasal, mazhab, qaumiat kisi khas rukniat ya siasi raye dahi ki bunyad par maqool khoof ke baes apne mulk se bahir hai aur usay khauf  hai ke mulk mein wapas jane par us ki jaan ko khatra hai.
2: Is khauf ke baes us mulk ko wapas janay ko tayar nahin hai jo ke us ka apna mulk nahin tha lekin woh adtan is se pehle wahan raha karta tha. Qanooni tor par convention mahajreen ko nikala nahin ja sakta. Us waqt tak jub tak keh woh mulki salamti aman-o-aman ke liye khatra na ban jayain, saza yafta na ho jayain.

Convention mahajreen jo Canada mein mustaqil rihaesh ke liye application dain gey, un ki darkhawast par azad darkhawast dene ki tarah bartao kiya jaye ga. Ye mulk insani hamdardi ke teht bohat se mazloom aur bay ghar logon ko bohran ke zamana mein panah deta hai. Aur jang wagera ki halat mein woh Canada mein dakhil ho sakte hain. For example Bosnia, Kashmir aur jang se mutasir afrad.

Point System: Tarkeen watan ke intikhab ke mayar ko behtar banane ke liye naye qanoon ki dafa number 115 mein wazahat ki gayi hai. Jis ki tafseel zayada tar wohi hai jo apne purane qanoon mein thi. Lekin mukhtalif awamil ki tashkeel par nazar sani ki gayi hai takeh tarkeen watan ko Canada ke labour market ki zaroorat banaya ja sakay. Zayada tar zoor ala tarbiyat, experience aur ahliyat par diya gaya hai. Har application dene wale ko intikhabi mayaron par pura utarna ho ga. Mustaqil tor par yahan anay walon ko point system ke teht kam az kam 25 point hasil karna hote hain. Family members ko 20 se 35 point dusre logon ko 50 point hasil karne hote hain aur karobari afrad ko sirf 1 point hasil karna hota hai.

Canada Student Visa: Ghair mulki students jo yahan taleem hasil karna chahte hain un ke liye zaroori hai ke mutalqa university, collage, institute mein un ka dakhla ho chuka ho. Kam se kam 6 months ki fees jama karwa di hon. Is baat ka saboot ke ayenda kese aur kon un ke akhrajat bardasht kare ga. Taleem ke husool ke doraan aap koi dusra kaam nahin kar sakte.

Sialkot History In Urdu Sialkot Information Tourism Sialkot Jobs

Sialkot History In Urdu: Shumal mashriqi Punjab ki Sialkot city, zila Sialkot ka sadar muqam bhi hai, ye wadi Kashmir ke daman aur darya-e-chenab ke kinare abad hai, ye nasli aur saqafati toor par Kashmir se kafi kareeb hai, aur Qayam-e-Pakistan se qabal ye riyasat Kashmir ka sarmai sadar muqam hua karta tha. Sialkot city ki population tou sirf 6 lack hai magar taza tareen takhmeenay ke mutabiq zila Sialkot 35 lack nafoos par mushtamil hai.

Sialkot, Lahore se 125 km shumal maghrib mein waqaya hai jabkeh Jammu se is ka distance chand km ka hai, wese tou ye Pakistan ka aik bara sanati markaz hai magar surgical instruments aur sports ke samaan banane ki sanat ki wajah se ye aalmi shohrat rakhta hai. Is ke ilawa yahan musical instruments, chamray ki masnuaat, clothes aur deegar ashya tayar karne ki sanat bhi mojood hai. Yahan ke basi apni tijarati maharat ke hawalay se mulk bhar mein mashoor hain, Sialkot mein aik international airport, aik dry port aur ala taleemi adaray bhi mojood hain. Jo is shehar ke ilawa qareeb wale shehron ki zarooratain bhi puri karte hain.

Zila Sialkot ka raqba 1164 muraba meel hai, zila 106 union councils par mushtamil hai zila ki zayada tar abadi 3 bare lasani garohon par mushtamil hai, yahan sardiyon mein shadeed sardi aur garmi mein sakht garmi parti hai. Qayam-e-Pakistan ke waqt ye mulk ka 6th bara shehar tha magar ab is ka number 12 hai, yahan khawandgi ki sharah kafi buland hai jo ke shehron mein 73 aur villages mein 54% hai.

Iqbal aur Faiz ka ye shehar un ke ilawa bhi kayi famous personalities ki jaye paidaesh hai. Sialkot Pakistan ka teezi se taraqi karta hua shehar hai jis ki sub se bari example ye hai ke is shehar ka airport hai jisay muqami karobari logon ne apne karobar ki taraqi ke liye tameer karwaya hai jis ki bunyad par ye shehar din dugni raat chugni taraqi kar raha hai aur mustaqbil qareeb mein ye shehar Pakistan ke bare shehron ki fehrist mein teezi se taraqi karta nazar aye ga jis tarah log Pakistan ke dusre bare shehron mein rehne tou tarjih dete hain isi tarah Sialkot bhi anay wale dinon mein dunya ke taraqi yafta shehron ki fehrist mein shamil ho sakta hai.

Sialkot ke mustaqbil ki aik bari wajah yahan ki nayi bannay wali roads bhi hain jo mukhtalif shehron ko apas mein milati hain isi wajah se yahan property rate intihai mehgey hote ja rahe hain aur mustaqbil qareeb mein is alaqa mein zameen ka husool aur bhi mushkil aur mehnga ho jaye ga.

Sialkot shehar Pakistan ka export ke lihaz se intihai ahmiyat ka hamil shehar hai jis ki misaal is shehar se export hone wale high quality ka bohat sara samaan, leather products aur dusri masnuaat hain jo puri dunya mein apna sani nahin rakhrien. Ala tareen mayar aur quality control aur aik aik product par un products ke banane walon ki kari nazar ne in Pakistani products ko puri dunya mein intihai ahmiyat ka hamil bana diya hai aur isi bina par Sialkot ki ye products mulk mein zar-e-mubadla wafar maqdar mein lanay mein apna aham kardar ada karti hain.

Abbottabad History In Urdu Abbottabad Tourism Places Newspaper

City Abbottabad History In Urdu: Aay Abbottabad hum ab tujhe chor kar ja rahe hain.... Teri fitri khubsurati ke paas jis ka main sheedai hon.... Shayed teri hawaon ki awaz phir kabhi mere kanon tak na pohanche.... Lekin mere chand aansuon ko tohfa samajh ke qabool kar.... Tujhe alwida kehte dil bhari ho raha hai.... Aur main kabhi teri yadon ko bhula na paon ga....

150 saal pehle Major James Abbott apne watan England wapas jatay Abbottabad ki yaad mein ye nazam keh gye thay jis mein watan wapsi ki khushi se zayada is haseen wadi ko chorne ka dukh numayan hai. Major Abbott ke ye ehsasaat samajh mein bhi atay hain. Aaj bhi is shehar ka fitri husn aisa hai jo aap ka dil moh lay. Isi ke Pakistan bhar se log apni family ke sath summer season mein is shehar ke khunk alood aur bheege mausam ka lutf lainay yahan ka rukh karte hain.

Abbottabad city ka naam James Abbott ke name par rakha gya woh aik Bartanwi fauji officer thay jo ke samraji door mein Hindustan mein tainaat rahe. James Abbott, Englistan mein paida hue aur un ke walid ka naam Henry Abbott tha jo ke Kolkata mein tainaat Merchant Navy ke bairay se retire officer thay. James Abbott zila Hazara ke pehle deputy commissioner bhi thay jis ka doraniya 1849 se 1853 tak hai.

Abbottabad, Zila Abbottabad ka sadar muqam aur Khyber Pakhtunkhwa ka aik aham shehar hai. Sea level se is ki unchai 4120 foot hai. Rawalpindi se 101 km door hai ye Pakistan ka purfiza muqam hai. Yahan ke 94% afrad ki madri zuban Hindko Language hai.

Yahan par kayi mashoor school aur taleemi adaray hain. Ye shehar hamesha se taleemi sargarmiyon mein paish paish raha hai isay "City of Schools" bhi kaha jata hai. Abbottabad apne pur fiza muqamat ki wajah se pure Pakistan mein mashoor hai. Famous Karakoram Highway yahan se guzarti hai. sar sabz places se bhari hoi is haseen wadi mein garmiyon mein bhi mausam khushgawar hota hai.

Abbottabad Tourist Places: Yahan famous tourist places mein Nathia Gali aur Ayubia shamil hain. Ye alaqa 4 choti pahariyon par mushtamil hai aur sabiq sadar Ayub Khan ke naam par is jagah ka naam Ayubia rakha gya. Ye alaqa 26 km par phaila hua hai aur Ayubia ki sair ke liye chair lift hai jis se alaqay ka nazara kiya ja sakta hai. Is ke ilawa Thandiani ka famous tourist point bhi hai, jis ka matlab muqami zuban mein sard hai ye bhi aik aham tafreehi muqam hai. Yahan par aap ko har taraf Pine Trees nazar ayain gey. Is jagah ki unchai satarah samandar se 2700 meter hai.

Abbottabad city se is ka distance 31 km hai aur Abbottabad se asani ke sath yahan pohancha ja sakta hai. Sham ke waqt Abbottabad shehar ki roshniyan yahan se saaf dikhai deti hain. Abbottabad ki sub se beautiful place yani sayahat ka muqam Nathia Gali hai jo Islamabad se 80 km par shumak ki janib aik pahari qasba hai. Ye 8200 feet ki height par Murree ko Abbottabad se milanay wali road par waqaya hai. Abbottabad weather garmiyon mein nahayat khushgawar hota hai. July aur August ke months mein yahan taqreeban roz barish hoti hai. Winter mein yahan shadeed sardi aur December mein yahan shadeed baraf bari hoti hai.

Yahan Governor House, tourists ke liye qayam gahain aur aram gahain waqaya hain. Qasba mein khuch shops aur thori bohat abadi bhi hai. Summer mein yahan tourists ka rash hota hai is wajah se yahan par hotels ke rates bohat zayada barh jate hain. Mukshpuri Top aur Miran Jani Peak qareeb ki waqaya hain. Abbottabad mein sayahat ko farogh dene ke liye iqdamat kiye jayain tou har saal bari tadad mein dunya bhar se log yahan ki khoobsurati se lutf andoz ho sakte hain, aur ke ilawa yahan Shimla Pahari bhi hai jis ka sabza aur husn insan ko khud apni taraf matwaja kar laita hai.

Hazara History in Urdu Haripur Province Hazara Tourism Hazara Travel Guide Information

Hazara History in Urdu Haripur: Aap chahain Abbottabad se dakhil hon ya agey Gilgit ke darron se, Hazara kisi jannat se kam nahin hai. Hazara city main raat ke waqt thandak kafi bharh jati hai aur jamesha ki tarah faisla karnay main mushkil rehti hai ke in khubsurat dinon ke liye kis jagah jaya jaye, November main Raiwind ke tablighi ijtima main shirkat ke liye mulk bhar se lakhon log safar ke liye tayar ho jatay hain. Ye aisa maqsad hai ke woh log bhi jo zindagi main Karachi ke sehrab goth se agey nahin gaye, kamar kas laitay hain aur apne apne mohallay ki masjidon se nikal kar buses aur trucks ke zariye Raiwind ki ijtima gah pohanch jatay hain. Jahan ikhtitami dua ke baad wapsi ka rasta ikhtiyar kiya jata hai magar pehli baar ghar se nikalne wala Lahore ke Shahi Qila, Badshahi Masjid aur Wahga Border ki khawahish dil main rakhtay hain aur khuch Murree ki sardi ka maza chakhna chahte hain. Agar jana ho tou is se bhi agey Abbottabad aur Balakot se guzartay Pakistan ki un jannat nazeer wadiyon ka rukh ki jiye jo hazara division main hain jin ke rastay asaan bhi hain aur distance bhi kam hai.

Abbottabad se agey sarak 2 hison main taqseen hoti hai. Aik buland rasta azeem karakoram highway se guzarta nothern areas ko jata hai tou dusri taraf Hazara Division ke sar sabz junglaat se guzarti bal khati rah Balakot ke bridge se guzarti baraf posh paharon aur darya-e-kunhar ke neelay pani ke qareeb se chalti kawai village tak pohanch kae saans laiti hai. Yahan aik aur pagdandi nama rasta Shogran ki taraf nikalta hai, tourists apni jeep wagera ke zariye is kachay rastay par dikhayi detay hain jahan se Siri Paye Shogran ki bey panah haseen charagahain nazar ati hain.

Darya-e-Kunhar between hazara and azad kashmir

Markazi sarak Kewai se agey Paras valley qadam rok laiti hai, Yahan jungle se kati hoi giliyon ko pani main baha kar aik jagah se dusri jagah muntaqil kiya jata hai. Aik aur kacha rasta Balakot ke famous mountain Musa Ka Musalla tak bhi jata dikhai deta hai.

Paras se agey Jared, Mahandri ki abadiyan shuru hoti hain. In places se bhi kayi aisay beautiful tracks nikaltay hain jin ke ikhtitam par yaqeen nahin ata ke ye Pakistan hai ya Switzerland. Mahandri se agey Kaghan ka qasba phaila hai jis ke naam se sara area jana jata hai, is ke agey Naran kisi taaj ki tarah jhilmilata dikhayi deta hai.

Hazara Wallpapers

Hazara Division ke darmiyan hone aur phaili hoi wadi ke baes Naran ko markazi haisiyat hasil hai. Naran se aik haseen sarak Bata Kundi  tak pohanchti hai jahan kisi zamane main Gilgit ke musafir khanay ka waqfa kartay thay. Bata Kundi se Geeti Das aur Babusar tak asan raston ka ikhtitam ho jata hai.
tags: 2015 hazara university jobs 2016-2017

Qila Rohtas History In Urdu Sher Shah Suri Raja Ranjit Singh Qila Rohtas Fort Information

Urdu History Qila Rohtas Fort History: Sher Shah Suri jis ka asal naam Fareed Khan tha us ne is qila ki tameer ka hukam 948 hijri bamutabiq 1541 mein Shah Sultai ko diya. Ye qila 1548 mein 7 years ke mukhtasir arsa mein mukamal hua.

Rohtas Fort Architecture: Alaqai toor par Sher Shah Suri ka taluq Afghanistan ke mashoor alaqa "Rawa" se tha. Ye qila dunya ki tareekh mein patharon se banay hue qalon mein saf-e-awal mein shamil hai. Is ki 4 km lambi chori faseel 175 acre par moheet hai. Dina ke nazdeek GT Road se guzartay hue Rohtas Fort ki imarat dikhai deti hai. Is ki deewaron ki unchai 10 se 12 meter hai aur chorai bhi taqreeban 10 se 13 meter hai. Dushman se larai ke doran garam tail aur pani phenknay ke liye deewaron par morchay bhi banaye gye thay.

Interesting Facts About Rohtas Fort: Fun-e-tameer ke lihaz se qila behad khubsoorati ka munh bolta saboot hai. Is qila ke baray mein aik rawayat mashoor hai ke is ki tameer mein jinon aur deviyon ne bhi hisa liya hai magar haqeeqat kya hai ye baat koi nahin janta is liye is baat ko aam admi sirf kahani ke siwa khuch nahin manta hai. Rohtas Fort sirf apni tameer ke hawalay se hi munfarid nazar nahin ata balkeh apne naam ke hawalay se bhi munfarid hai.

Qila Ki Faseel: Is fort ki sub se numayan cheez is ki mazboot faseel hai jis ki unchai 90 se 100 feet ke darmiyan hai.

Doors Of Rohtas Fort: Qilay Ke Darwazay: Is fort ke 12 darwazay hain jo is ki mazbooti aur khubsurati mein mazeed izafa karte hain har darwazay ko dusre darwaze ki nisbat mukhtalif kaam ke liye tameer kiya gaya jo ke jangi hikmat amli ko madnazar karhte hue tameer kiye gye thay.

Secret Paths: Khufiya Rastay: Suna hai ke Rohtas Fort se aik sarung banai gyi thi jo Dehli tak jati thi magar bazahir aisi sarung nazar nahin aati hai magar is mein chand aik khufia raste zaroor hain jo us waqt istimal hote thay magar baad mein un par tawaja na dene ki surat mein ab woh raste band ho chuke hain. In khufia raston mein aik rasta Sheeshi darwaze ke paas hai, dusra Shahi Mahel se Shah Chandi Wali darwaze tak mojood tha. Ye raste Shahi khawateen ya shahzaday wagera use karte thay.

Rohtas Fort Ki Tabahi: Is ki tabahi us din se shuru hoi jub Humayon dobara shahansha ban kar yahan aya. Woh is azeem qilay ko dekh kar heran ho gya. Jub usay maloom hua ke ye qila us ke dushman ne us ke khilaf banwaya tha us ne is ko masmaar karne ka hukam diya magar us ke motmad khaas ke mashware par masmaar na kiya magar hukam ki shan ki khatir khuch hisay gira diye. Qilay ki asal tabahi tab hoi jub Sikhon ki hukumat Punjab mein ayi toy Shahi Mehalat ke andar qeemti pathar ukhar liye gye. Maharaja Ranjit Singh khud bhi yahan bohat arsa muqeem raha magar nuqsan pohanchane mein koi kasar na chori. Aaj is qilay ki kafi tabahi ho chuki hai magar phir bhi ye sabit karta hai ke is ki tameer kis qadar khubsurat hai.

Mohenjo Daro History In Urdu Mohenjo Daro Information

Mohenjo Daro History In Urdu: Wadi sindh ki qadeem tehzeeb ka aik markaz tha. Ye Larkana se 20 km door aur Sukkur se 80 km janoob maghrib mein waqia hai. Ye wadi sindh ke aik aur aham markaz se 400 mile door hai ye shehar 2600 qabal masih mojood tha aur 1700 qabal masih mein namaloom wajuhat ki bana par khatam ho gya. Taham mahireen ke khayal mein darya-e-sindh ke rukh ki tabdeeli, sailaab, bairooni hamla awar ya zalzala aham wajuhat ho sakti hain.
Mohenjo Daro ko 1922 mein British experts asar-e-qadeema Sir John Marshall ne daryaft kiya aur un ki car aaj bhi Mohenjo Daro ke ajaib khanay ki zeenat hai.

Mohenjo Daro

Lekin aik maktaba fikar aisa bhi hai jo is tasar ko ghalat samajhta hai aur us ka kehna hai ke isay Hindustan ke mahir asar-e-qadeema RK Bhandar ne 1911 mein daryaft kiya tha. Mohenjo Daro conservation cell ke sabiq director Hakin Shah Bukhari ka kehna hai ke "RK Bhandar ne Buddism ke muqadas muqam ki haisiyat se is Mohenjo Daro ki tareekhi haisiyat ki janib mabzool karwai, jis ke lag bhag aik ashray baad Sir John Marshall yahan aye aur unhon ne is jagah khudai shuru karwai."
Mohenjo Daro sindhi zuban ka lafz hai jis ka matlab (meanings) murdon ka tayla hai. Ye shehar bari tarteeb se bana hua tha. Is shehar ki streets khuli aur seedhi thien aur pani ki nakasi ka minasib intezam tha. Andazan is mein 35000 ke qareeb log rihaesh pazeer thay. Experts ke mutabiq ye shehar 7 martaba ujar aur dobara basaya gya jis ki aham wajah darya-e-sindh ka sailab tha. Ye shehar united nations ke adara baraye taleem. science aur saqafat Unesco ki janib se almi wirsa qarar diye gye muqamat mein shamil hai.

Kalash Festival In Urdu History Kalash People in Urdu Kafiristan Chitral Valley Kalash Culture

Kalash qabilay se mutaliq kaha jata hai ke ye unani nasal se taluq rakhta hai. Jub Sikander e Azam yahan se guzra tou us ki fooj ke chand sapahiyon ko ye alaqa bohat pasand agaya aur unhon ne inhi paharon main rehna shuru kar diya. Kalash main rehnay wali auratain kala libas hi pehanti hain is ke ilawa kisi dure rung ke kapron ko hath nahin lagatien. Ye samandri ghotghon ke haar, aankhon mein kajal aur rukhsaron par bhi kala tikka lagati hain, in ke balon ya hathon main phool zaroor hotay hain chahay un ka koi festival ho ya khaiton (fields, farms) main kaam kar rahi hon ye isi tarah bani thani rehti hain. Noward (newcomer) ko pehli nazar main in ko dekh kar eid ka tehwar yaad ajata hai.

Kalash Valley Culture
Muslims aur Kalashiyon ke alag alag villages bhi yahan hain. Pehle ye sub Non-Muslims thay magar tablighi koshishion se khuch ko Musalman kiya gaya. Government ne tabligh ke liye yahan sakhti ikhtiyar ki hoi hai. Kisi ko zabardasti Musalman nahin banaya ja sakta, shayad is ka maqsad un ke munfarid kalash culture ko mehfooz rakhna ho. Kalash ki ajeeb-o-ghareeb rasmon main ye bhi hai ke yahan murday ko dafnatay ya jalatay hain thay balkeh khulay taboot main rakh kar us ke gird deewana war raqs kartay thay aur phir khuch dinon ke baad us murday ka gosht janwar kha jatay thay, un ki hadiyan gaon (village) ke kabristan main ja kar dekhi ja sakti hain. Is moqay par 3 din tak rishtedaron ki amdoraft jari rehti aur aur marne wale ke lawahiqeen unhain bakre khila khila kar nidhal ho jatay. Shadi biyan ke moqay par bhi un ke rawaj maghrabi hain (western tradition). Husband wife jub chahain alag ho saktay hain, jub chahain mil saktay hain , is ke liye un ka muashra (society) deewar nahin banta.

Kalash Festival In Urdu: Chilam Joshi Festival Kalash Valley Chitral
Kalash main taleem ka mayar intihai shandar hai. Unani NGOs ki wajah se funds ki kami nahin hoti, achay school ban rahe hain aur ibtidai taleem bhi angreezi (english) main di jati hai. ghair mulki sayahon (International tourists) ka istaqbal ye log engreezi zuban main hi kartay hain. Halaat, asaar aur jadeediat ki lehar dekh kar dar lagta hai ke qadeem door aur saqafat ka hamil ye munfarid qabila apni asliat kho kar madoomiat se dochar na ho jaye.

France History in Urdu Eiffel Tower France Revolution Paris Travel Guide

Eiffel Tower Paris ki pehchan hai, ye lohay ka aik azeem dhancha hai jisay Alexander ne 31 march 1889 mein mukamal kiya tha, ye tower shuru mein sirf 20 years ke liye banaya gaya tha aur is ne 1909 mein khatam ho jana tha, is ki wajah Paris kr log thay, Paris ke log art aur culture ka khubsurat imtizaj hain, ye brush ke zariye pathar ke buton aur koray canvas main jaan daal detay hain, un logon ke samne jub iron ka aik bad surat dhancha khara kar diya gaya tou ye un ke zooq ke mutabiq nahin tha chunachay unhon ne Eiffel Tower ke khilaf ahtijaj shuru kar diya.

Information Of France In Urdu:
Paris ki intizamia is ahtijaj ki taab na la saki lihaza faisla hua ke Eiffel Tower ko 20 saal baad toor diya jaye ga, 20 saal pure hue tou Radio ijad ho gaya, radio ke signals ke liye Paris mein aik unchi building darkar thi aur Eiffel Tower wahid muqam tha jahan se taqreeban pure Paris ko radio signals mil sakte thay, intizamia ne Eiffel Tower par radio ka booster laga diya aur ye booster baad mein Eiffel Tower ki zindagi ban gaya. Aap Qudrat ka kamal mulahiza kijiye lohay ka ye dhancha jisay Paris ke people kabhi kabool karne ke liye tayar thay ye aaj world mein Paris ki pehchan hai aur Paris city mein enter hone wala har insan us waqt tak apni sair ya travel ko muqamal nahin samajhta jub tak woh Eiffel Tower ka nazara nahin kar laita. Ye 10000 ton wazni lohau ka aik dhancha hai jis ki unchai 324 meter hai.

Is tower par daily 1 lack people atay hain, woh tickets hasil karne ke liye 3 hours tab bhi lines mein khare hote hain aur ahishta ahishta chalte hue Eiffel Tower ki peak par pohanchtay hain, is choti se France ka shehar Paris sara ka sara nazar ata hai. Eiffel Tower ki peak wali place dunya ki sub se expensive place hai aur agar French government kabhi is jagah ki nilami ka ilan kare tou ye shayed Paris ki history ki mahengi tareen auction ho. Agar aap world ki is expensive place par jayain tou aap is bulandi par washroom dekh kar hairan reh jate hain, ye aik chota sa washroom hai. Is ke liye 324 meter height tak pani bhi pohanchaya jata hai aur taweel pipes ke zariye ke kaam kiya jata hai. Eiffel Tower ki intizamia ko is kaam ke liye har saal 2 lack Euro karch karna partay hain.

Bila shuba France ke is mashoor shehar Paris mein agar ye tower na hota tou shayed is mulk mein anay wale tourists ki tadad bhi itni zayada na hoti aur na hi is shehar ko puri dunya mein is tarah se jana jata. France ki tehzeeb kafi puri hai par yahan par jadeed door ke nazam maslan railway station, roads aur unchi unchi buildings ne is mulk ko roshniyon ka mulk bana diya hai. Khaas tor par Paris shehar ko puri dunya mein roshniyon ka shehar kaha jata hai aur is ki beautiful constructions ki wajah se dusre pasmanda mulkon mein rehnay wale log is hasrat mein rehtay hain ke kash woh apni zindagi mein apne mulk ki cities ko bhi Paris ki tarah khubsurat hota hua dekh sakain.

Raja Dahir Urdu History Raja Dahir In Hindi Raja Dahir Picture

Information Raja Dahir History In Urdu: (Raja Dahir 712-661) jadeed Pakistan mein sindh aur punjab ke mukhtalif hison ke akhri Hindu badshahon mein se tha. Bar-e-sagheer pak-o-hind mein Muslims ki fatah ke aghaz mein un ki badshahi aik arab general ki taraf se maghloob ki gyi.

Fatah Makran Ke Moqa Par Tasadam: Raja Dahir hakim sindh ne Musalmanon ke sath bina kisi wajah ke dushmani shuru kar di thi. 22 hijri mein Muslims Iran fatah karne ke baad Makran par hamla awar hue tou sindhiyon ne un ki bharpur mukhalfat ki. Muslims ne Sindh aur Makran par lashkar ko shikast di.nLekin is wajah se Muslims aur sindh government ke darmiyan anad ka beej bhoya gya.

Baghiyon Ki Pusht Panahi: Bahmi dushmani ki fiza ko Raja Dahir ne barqarar rakha aur jub Makran mein aik sardar ne Makran ke governor ko qatal kar ke Sindh ki rah li tou Raja Dahhir ne usay apne haan panah di aur apni fauj mein usay ohda bhi diya.

Raja Dahir Ki Zalmana Hukumat: Raja Dahir chunkay mutasab Hindu aur Barehman zada tha. Is liye us ne Budhism ke pero karon par bay panah mazalim dhaye. Aur shamsheer ke zoor par un ko mitanay ki policy par amal kiya. Mazloomeen mein Jutt aur Loban qaumain bhi shamil thien. Jin ko Raja Dahir ke baap ne ruswa karne ke liye un par pabandi laga di thi ke wo asli ki bajaye artificial sword apne paas rakhain. Qeemti kapre, resham makhmal aur shawal istemal na karain. Ghoray par baith kar sawari karain, nangey sar aur nangey paon rahain aur ghar se bahir nikaltay hue apna dog sath rakhain. Raja Dahir ne bhi in pabandiyon ko qaim rakha. Sindh ke ye mazloom tabqay Musalmanon se madad talab kartay thay.