Allah Ta'ala bazat-e-khud sarasar naiki wala hai us ki zaat, sifat, afaal aur ikhtiyaraat se hikmat aur naiki ayan hoti hai. Is liye usay Barr kaha jata hai is ke elawa Allah Ta'la apni makhlooq par har qisam ki naiki karta hai aur apne bandon ko naikiyan karne ki taufeeq ata farmata hai kyoun keh koi naik amal is ki ata karda taufeeq ke baghair sar anjam nahin paa sakta. Is lihaz se bhi woh Barr hai jin bandon ko Allah apni is sifat ki bina par naiki ka mazhar banata hai. Al-Barr jalali hai aur is ke adaad 202 hain, is Ism ki sub se bari khasiat ye hai keh jo shakhs usay is Ism se pukarta hai Allah usay zindagi ke har shobay main naik amaal karne ki taufeeq ata farma deta hai.
Ya Barru Wallpaper Ya Barro Picture
Ya Barru ke benefits hasb-e-zail hain.
Naimaton Ki Barish:
Jo insan "Ya Barru ka kasrat se zikar karta hai. Allah us par apni naimaton ki barish kar deta hai. Us ki zindagi main farhat paida kar deta hai. Us ki tabiyat main naiki kot kot kar bhar deta hai. Woh har aik se acha salook karta hai. Aik Allah ke bande ka qol hai ke jo Ya Barro ka wird kasrat se karne ke baad jo dua mange woh qabool ho gi. Safar Se Ba Hifazat Aana:
Jo shakhs kisi safar par jaye aur safar ke aghaz main is Ism ko 100 baar parhe agar ho sakay tou safar ke doran bhi usay kasrat se parhe. Insha'Allah woh safar ki har qisam ki musibaton se bilkul mehfooz rahe gi. Aur apni manzil par bahifazat pohanchay ga aur aman se wapas aye ga aur safar main asani bhi paida ho jati hai. Jahaz ya kashti kisi taufan main phans jaye tou sawariyon ko chahiye keh Ya Barru ka wird karain, Insha'Allah kashti ya jahaz gharq hone se bach jaye ga. Buri Aadaton Ka ilaj:
Jo insan buri adaton main phans gaya ho, sharab, juwa aur badkari jesi buri adaton main mulawas ho gaya ho, aisay shakhs ke liye 1100 martaba Ya Barro ko parh kar pani dam karain khuch pani usay pilayain aur khuch us ke kapron par chirakain. Chalis din ye amal karain us ki har buri adat khatam ho jaye gi. Afaton Se Bachne Ka Amal:
Jo aafaton se darta ho, Agarwoh is Ism ko parhta rahe tou aman main rahe ga. Jo shakhs 7 martaba parh ke bachay par dam kar ke Allah ke spurd kar de tou woh bacha baloghat tak aman main rahe ga aur jo shakhs sharab aur zana main mubtala ho woh har rooz 7 martaba parh kar apne aupar dam kare tou shitani kamon se aman main rahe ga. Nazar Bad Se Hifazat Ka Wazifa:
Agar kisi bande ya bachay ko nazar lag jati ho tou 111 baar Ya Barru parh kar pani dam kar ke pilayain aur Ya Barru Ka Taweez us ke galay main daal dain. Insha'Allah bachay ko kabhi nazar nahin lage gi aur woh hamesha Allah ki panah main rahe ga. Is ke elawa agar kisi cheez par bhi dam kar ke dain tou usay nazar nahin lagay gi. Ya Barru Ka Amal Aur Naqsh:
Jo shakhs Ya Barro ka amil banna chahay tou usay chahiye keh is Ism ko chalis din tak tanhai main baith kar rozana 3125 martaba parhe. Wird mukamal hone par woh Ya Barru ka amil ban jaye ga.
Swat pohanchnay ka sub se asaan aur zayada use hone wala rasta Mardan aur Malakand Pass se guzarta hai. Is raste se aap rawalpindi islamabad se taqreeban 5 hours main M-1 motorway par safar kartay howe pehle mardan aur phir wahan se Dargai, Malakand Paas aur Batkhela se hote howe Mingora pohanchte hain. Pishawar se anay wale tourists Noshehra ke raste Mardan pohanchte hain aur phir wahan se uper bataye gaye raste ko istemal kar ke Mingora pohanch sakte hain. Rawalpindi Islamabad se Mingora ka fasla 247 km aur peshawar se 151 km hai.
Swat jane ke liye aik qadre lamba magar khubsurat rasta Shangla Pass ke zariye Swat main dakhil hota hai. Ye rasta un tourists ke liye mozoon hai jo Gilgit Baltistan ya phir Kaghan Valley ki taraf se swat arahe hon. Is raste se aap Thakot aur Basham ke rastay Shangla Paas ki taraf safar kartay howe Khawaza Khela pohanchte hain. Bisham se Khawaza Khela ka distance 69 km hai magar saraf jagah jagah tooti honay ki wajah se ye fasla tay karne main 3 hours se zayada time sarf ho sakta hai. Ye sara rasta beautiful nature places se bhara para hai. Magar dushwar guzar hone ki wajah se kam tourists idhar ka rukh kartay hain.
Public transport ke zariye swat ka behtareen tareeqa deawoo ki bus service hai. Deawoo company ki araam deh air conditioned bus rozana Lahore, Rawalpindi aur Peshawar se baqaedgi ke sath rawana hoti hai. Isi tarah wapsi ke liye bhi in ki rozana bus service mojod hai. Mazeed malumat ke liye phone number 111-007-008 aur 0946-729101-6 par contact kar sakte hain.
Agar aap apni car par travel karne ka irada rakhte hon tou behtar ho ga keh aap 4 wheel drive car par safar karain kyoun keh balai swat ke baishtar muqamat ki sarkain guzashta saal ke flood ki wajah se toot phoot ka shikar hain, jiski wajah se sayahon ko in muqamat tak pohanchne main khuch dushwari ka samna karna par sakta hai. Agar aap sirf zareen swat ki sayahat par arahe hon tou phir kisi bhi gari par safar kar saktay hain kyoun keh zareen swat ki sari roads ki halat kafi behtar hai.
Agar aap public transport ke zariye swat ayain ya apni car ke zariye mingora pohanchain, balai swat yani Madeen, tou Behrain aur Kalam janay ke liye aap ko har tarah ki cars ba asani rent par mil jati hain. Behtar ye ho ga keh swat ke muqamat par janay ke liye aap 4 wheel drive gari ka intikhab karain. Mingora main chand qabil aitmad Rent A-Car Companies ke phone numbers yahan se hasil kiye ja saktay hain.
Swat valley ke weather ko hum 2 hison main bant saktay hain, aik zareen swat aur dusra balai swat ka mausam. zereen swat main saal ke bohat sare months main weather nihayat khushgawar rehta hai. June, july qadre garam mahenon main shumar hotay hain magar in maheenon ki shamain phir bhi khushgawar hoti hain. Zereen swat main mausam garma main zayada se zayada darja hararat 38c tak jata hai.
Balai elaqon main garmiyon ka mausam intihai khushgawar hota hai. Behrain, Miandam aur Kalam wagera main tou achi khasi khunki hoti hai aur garam kapron ki zaroorat mehsoos hoti hai. Balai elaqon main zayada se zayada darja hararat 24 se 26 c ke darmiyan rehta hai. Balai elaqon main september ke akhir se march ke shuru tak shadeed barf bari ka silsila jari rehta hai. Jis ki wajah se sardi ki shiddat main bohat izafa ho jata hai. Baraf bari ki wajah se bohat se elaqon ka zameeni rabta kat jata. Sardiyon main darja hararat 0 se -8 tak gir jata hai. Swat main zayada tar barishain february, march, april aur august main hoti hain jis ki salana ausat 32 se 36 inch rehti hai.
Swat ke sayahat ke liye aap yahan saal ke kisi bhi hisay main aa saktay hain. Agar aap sar sabz aur shadaab wadiyon ka nazara karna chahtay hain tou may se september tak ka mausam behtareen hai. Agar aap spring season ke khubsurat rung dekhna chahtay hain tou march aur april main ana munasib hai, Agar aap khizan ke sunehre rang fiza main bikhartay dekhna chahte hain tou october aur november ke mahenay behtar hain aur agar aap barf bari ke khunk mosam se lutf andoz hona chahte hain tou jan - feb ke months main swat ki travel aap ki zindagi ka aik yaadgar experience ho sakti hai.
Allah Ta'ala Baseer hai aur woh apne is sifat ki bina par har shay ko hat waqt dekh raha hai khawa woh door hai ya nazdeek, chooti hai ya bari yani is kainaat ki koi cheez aisi nahin jo us ki quwat-e-baseer ke daire se bahir hi. Insanon ki quwat e basarat Allah ki ata karda hai aur aankhaon ki mohtaj hai aur jub ankhain fana hoti hain tou ye quwat bhi khatam ho jati hai. Allah ki basarat kisi zariye ki mohtaj nahin balkeh us ki zaat ke sath hamesha se hai aur hamesha rahe gi aur us ki basarat ki had la mehdood hai is bina par agar koi seenkron char deewariyon ke andar bhi chup kar amal karne ki koshish karta hai tou woh phir bhi Allah Ta'ala ki sifat basarat ke daire se bahir nahin. Allah usay wahan bhi dekh raha hai kyoun keh woh aisa Baseer hai keh kon-o-makan ki koi cheez us se posheedah nahin. Ya Baseeru jamali hai aur is ke adad 302 hain. Is ke faide hasb-e-zail hain.
Sahib-e-Basirat Banne Ka Amal:
Ya Baseeru ka wird sahib-e-baseerat banne ke liye bohat mujarab hai jo shaks is Ism ko rozana 302 martaba parhne ka mamol bana le tou Allah usay zahiri aur batini baseerat ata farmaye ga. Jis ki bina par us main amar bil maroof ki salahiyat paida ho gi. Khilaf-e-shara kamon ko nafrat se dekhe ga. Naik amaal ko khud kar ke aur dusron ko karte howe dekh kar khush ho ga. wazifa Nagahani Afat Se Mehfoz Rehna:
Jo shakhs Ya Baseeru ko rozana asar ki namaz ke baad 33 martaba hamesha parhta rahe. Allah us par apni rehmat ki nazar rakhe ga. Aur woh har tarah ki afaton se mehfooz rahe ga. Aik amil ka qol hai ke jo insan 7 baar hamesha asar ke baad is naam ko parhta rahe ga Insha'Allah sari umar afat se naghani afat se bach jaye ga. Mukashafat Se Musharaf Hona:
Is name ko kasrat se parhna qarb-e-Elahi ka baes banta hai. Lihaza jo shakhs Ya Baseeru ko fajar ki sunnaton ke baad magar farzon se pehle 100 martaba daily parhe tou us par Allah ki anayaat aur mukashafaat zahir hon gey aur Allah ke poshesda raaz us ki ruh ki nazar ke samne khul jayain gey is ke elawa deen aur dunya ki muradain puri hon gi. Safed Motia Se Bachna:
Jo shakhs ankhon main safaid motiya utarne se bachna chahe tou usay chahiye keh is Ism ko rozana 1100 baar sotay waqt parhne ka mamol bana lay. Insha'Allah motiye ki bimari se hifazat main rahe ga. Agar sufaid motia ankhon mein mojod ho tou operation karwane se pehle is Ism ko kasrat se parhta rahe Insha'Allah operation kamyab ho ga aur us ki eyes ka noor zaya nahin ho ga. Aankhon Ki Binai Qaim Rehna:
Is Ism ki sub se bari khasusiat ye hai ke isay parhne wala ankhon ki binai se mehroom nahin hota. Balkeh us ki benai marte dam tak qaim rahe gi. Beenayi Allah Ta'ala ki bohat bari naimaton main se hai is liye isay qaim rakhne ke liye is Ism ko rozana aik sau baar parhte rahain. Amal Ya Baseeru Taweez:
Ya Baseeru ko 40 din tak daily 3125 bar parh ke 7 baar shuru aur khatam karnay par Durood parh lain. Ye amal complete karne ke baad aap Ya Baseeru ke amil ban jayain gey. Phir aap Ya Baseeru ka naqsh jisay chahain de sakte hain in maqasid ke liye.
Pehle Surah Al-Rahman khoob achi tarah yaad kar lain aur rozana subah jub suraj niklay aur aik neeza buland ho jaye tou suraj ki taraf munh kar ke Surah Rahman parhna shuru karain. Jub Ayat
par ayain tou dayain hath ki shahadat wali ungli se suraj ki taraf aik ishara kar dain. Isi tarah har martaba
par ungli se ishara kar diya karain yahan tak ke Surah khatam ho jaye. Ye amal 40 din tak karain, is ke baad jub ye amal khatam ho jaye tab rozana 1 martaba Surah Rahman parhtay rahain. Ye amal rozana 5 min ka hai aik hafta baad amad makhloq shuru ho jati hai lekin ye zakat hai. Is amal ko zakat ki niyat se karain. Iltafaat na karain aur anay walon ko kamal ikhlaq se bithaya karain aur khush mazaji se paish ayain. Pehle amal se aam makhlooq ki amad, dusre se khaas logon ki amad, teesre main raeson ki amad, chothay main raat din makhlooq ka hujoom laga rehta hai. Agar tijarti karobar hai sub khareedari karain gey. Aur har shakhs dukan ki taraf khud ba khud kheench kar aye ga. Ajeeb o ghareeb sifaat ka amal hai agar kisi hakam ya officer ke paas jana hai tou 1 baar Surah Rahman parh kar jayain agar zayada waqt na ho tou 3 baar
parh liya karain phir salam karain officer kamal khush ikhlaqi se paish aye ga. Insha'Allah.
Shadi Wazifa In Urdu Love Marriage Wazifa In Urdu Aaj ke is pur ashoob door main jis taraf nigah uthayain har shukhs musibat aur azmayesh main mubtala nazar ata hai musibat aur azmaesh kabhi tou batoor imtihan hoti hai aur kabhi batoor-e-sazaye amaal.
Insaan ki had se barhti khawahishat keh jin ki takmeel ke liye halaal aur haraam ki tameez ko balay-e-taaq rakh dena is musibat ki bunyadi wajah hai. Is ke ilawa Allah ki janib se ata shuda naimaton ko apna zati kamal aur zati khoobi janna aur phir us ke natijay main shukar guzari se ghaflat aur ghaflat ke baes faraiz aur wajbat ko tark kar dena musibat ki dusri wajah hai. Jub insan Allah ki na farmani main had se barhnay lagta hai tou woh tarah tarah ki problems ka shikar hona shuru ho jata hai. Kabhi usay business main bay barkati ki shikayat hoti hai aur kabhi ghar main bay sakooni ka samna karna parta hai, kabhi aulad ki na farmani preshan karti hai aur kabhi jawan betiyon ki ghar main mojodgi aur naik rishte ka door door tak nazar na ana aur maa baap ke liye ghar main sub se bari preshani aur fikar mandi bachyon ke liye munasib rishta milna hai.
Marriage wazifa in english
Shadi Ka Wazifa Ki Ijazat aur Hidayaat:
Is post main darj shuda tamam marriage wazaif ki ijazat ke liye mandraja zail hidayaat par amal karna lazim hai.
5 waqt ki namaz ki pabandi
Zahir aur batni tamaam gunahon se parhez
Kasrat-e-Durood Salam
Sadqa aur khairat ki pabandi
Jo wazifa parha jaye sahi talafuz aur makharij se parhain
Jo tadad bayan ki jaye us ki pabandi aur muddat-e-amal ke liye ayaam ki pabandi
Dunyawi mamlaat ke muqablay main akharwi mamlaat ko tarjeh de.
1: Pasand Ki Shadi Ke Wazaif:
Jo larka ya larki pasand ki shadi karna chahain keh jis main us ke waldain razi hon magar samne wale razi na hotay hon tou is amal ko shuru karain. Insha'Allah 41 dinon main rishta ho jaye ga.
Parents Parhain:
Baad namaz-e-isha gayarah sau gayarah (1111) baar parhain:Ya Wadudu Ya Lateefu
Larka / Larki Khud Parhay:
Isha ki jub namaz parh lain tab parhain 1111 baarYa Jamiu pehle aur baad main Darood Sharif parhain (parhtay waqt un ka tasawar rakhain) Shadi ke liye Surah Taha ka wazifa:
Surah Taha ki ayat number 31 aur 32 ko likh kar bazu main bandh lain aur is ke sath sath namaz-e-isha ke baad ba'wazu kahin paak jagah baith kar sub se pehle aur akhir main Darood pak 11 times aur darmiyan main 1100 baar "Ya Lateefu" Allah se khoob tawaja aur dhihan ke sath apni shadi ki dua karain tou to Insha'Allah behtar aur pasandeeda rishta muyasir ho ga.
Wazifa Baraye Rishta:
Beti ka rishta na milnay ki sirat main ism mubarak "Ya Adlu" ka wird karain Insha'Allah Rub acha aur behtareen rishta anayat farmaye ga aur agar jahaiz ke mamlaat main preshani ho tou Allah Ta'ala asbab paida farmaye ga. Is ism mubarak ka wazifa karnay wale ki Allah Ta'ala betiyon ke naseeb samait dusre amoor main kafalat apne zumay lay lay ga.
Baad namaz-e-maghrib 2 rakat namaz nafal ada karain aur is wazifay ko waqt ki munasbat se 100, 300, ya phir 1000 baar parh kar dua kare aur Al-Mujeeb se apni hajat puri honay ka sawal kare tou jald hi Allah ki madad se jahaiz ke mamlaat main asani paida ho jaye gi. 11 - 11 baar awal akhir darood parhna na bhulain. (Muddat-e-amal ta husool-e-murad)
Naik Rishta Milne Ka Amal:
Agar koi larki shadi ke qabil ho aur koi munasib rishta na ata ho ya shadi main rukawat ho tou 21 baar rozana Surah Taha parhay. Behtar yehi hai ke fajar ki salat ke baad parhay aur 11 baar hi shuru main aur ikhtitam par Durood Ibrahimi parhay.
Larki Ki Shadi Main Rukawat:
Agar kisi larki ki shadi main rukawat ho ya kisi maloom ya na maloom wajah se kahin shadi na hoti ho tou woh Surah Al-Mumtahinah (Surat no 60) rozana 5 baar wazu kar ke parhay. Jald Rishte Ke Liye:
Agar fori toor par naik rishte ki khawahish ho tou larki khud baad namaz-e-isha
11 hazar baar 11 din tak is tarah parhain ke jumairat se start kar ke itwar ko khatam kara. Behtareen Amal Rishte Ka:
Naik munasib rishta ke liye ye amal intihai mosar hai. Chahiye ke safaid reshmi kapray par Surah Taha ba'wadu parh kar moom jamah kar ke larki ke galay main daal de tou Allah ne chaha tou bohat jald achay rishte ka paigham aye aur shadi ho jaye aur aulad bhi naik paida ho. Shadi Ka Mujarab Amal:
Jis mard ya aurat ki shadi na hoti ho tou tamam kamon se farigh ho kar raat ko baad namaz-e-isha awwal 2 rakat nafal namaz shadi hone ki niyat se parhe aur baad Salam ke awwal aur akhir 11 times Darood Ibrahimi ke 41 baar Surah Al-Ikhlas parhay aur sirf shadi ki dua kare. Insha'Allah maqsad pura ho ga, amal ki muddat 90 din hai. Is arsay main agar mangni ya shadi ho jaye tab bhi 90 din pure karay, aurat nagha ke din shumar kar ke baad main pura kare. Agar Mangni Ke Baad Shadi Main Rukawat Ho:
Agar kisi ki mangni ho chuki ho aur ab shadi main rukawatain paish arahi hon ya phir larke ya larki wale mangni tornay par amadah hon tou isha ki namaz ke baad 500 baar "Ya Lateefu Ya Haleemu" parhay aur is se pehle aur phir baad main bhi 41 martaba Darood Shareef parhey. Insha'Allah 1 month ke andar andar jumla rukawatain door hon gi aur jald az jald shadi ho jaye gi.
note: parhte waqt larki ya larkay ke wirsa ka tasawar karain. Betay / Beti Ki Achi Jagah Shadi Ke Liye:
Agar kisi shaks ke beta ya beti ki shadi na hoti aur woh chahe ke achi jagah aur jaldi shadi ho jaye tou teen sau terah (313) martaba isha namaz parh ke 21 days tak is Quranic verse (ayat) ko parhe aur jo bhi Darood yaad ho 11 - 11 baar parh lay aur bheech main Surah Yaseen ki 36 no ayat parhay jo keh ye hai.
Naik Biwi / Shohar Ke Husool Ke Liye: Jis larkay ya larki ki khawahish ho keh us ka shareek-e-hayat naik aur parhezgar ho tou usay chahiye keh Surah Al Muzammil 11 jumairaat baad isha namaz 11 baar parh lay aur 11- 11 baar hi Darood parhay. Insha'Allah is amal ki barkat se naik shareek-e-hayat ki arzu puri ho gi. Rishta Milne Ka Wird:
Hasool-e-rishta ke silsile main agar har taraf na umeedi ho chuki ho aur betiyon ke liye koi maqool rishta na mil raha ho tou waldah ya phir kisi hamdard aurat ko chahiye keh baad namaz-e-isha 2 rakat namaz-e-nafal ada karain aur har rakat main 11 baar Surah Ikhlas parhay salam phairnay ke baad Surah Yaseen sharif ko 7 mubeenon ke sath aik martaba parhay. Phir aik tasbeh "Ya Wadudu Ya Lateefu" ki parhay, 7 baar shuru kartay waqt aur khatam kartay waqt ye Durood Shareef parhay.
Durood Khizri
Bachiyon Ka Naseeb Kholne Ke Liye:
Jo waldain apni bachiyon ki wajah se preshan hon aur bachiyon ke liye koi munasib rishta na mil raha ho tou unhain chahiye ke baad namaz-e-isha Surah Al-Sajda 21 baar dua karain (before and after 41 times Durood Ibrahimi, time duration 21 days)
Very Powerful, Tried & Tested Wazifa For Marriage: (Surah Ikhlas)
Paigham Nikah Qabool Ho:
Agar koi apni larki ya larke ke liye koi munasib jagah rishte ki baat karne jaye aur tamanna ho ke woh inkar na karain tou is Ayat-e-mubarakah ko zafran se likh kar right bazu par bandhay. Insha'Allah us ka paigham qabool ho aur bohat jald asani se rishta tay ho.
Nikah Ka Mujarab Amal: 2 rakat namaz parh kar 7 - 7 baar Darood aur in ke darmiyan main Surah Al-Furqan ki Ayat 54 ko 313 baar parhain. Phir naik, sharif, aur ba'izzat rishta ke liye Allah se dua karain Allah ne chaha tou 11 dinon main hi paigham ana shuru hon. (21 yoom tak parhain).
Agar Koi Munasib Rishta Na Milay:
Agar Larka / Larki Razi Hon Magar...
Agar koi pasand ki shadi karna chahta ho aur is silsile main waldain bay nayazi ka muzahira karain tou jaez aur halaal niyat se larka aur larki ye amal karain:
Asar ki namaz ke baad Darood Pak 11 baar pehle aur baad phir Surah Al-Asr 101 martaba aur end par apne jaez maqsad ke husool ke liye Allah ki bargah main dua karain. Insa'Allah is amal ki badolat waldain razi ho jayain gey aur un ki shadi kar dain gey (Amal mudat: 21 din).
Tanbiyah: Agar is muddat main koi waziha rah na milay tou sangeen qadam uthanay se guraiz karain aur Allah ki Rehmat par pura bharosa rakhain kyoun keh sara ilm sirf Khuda ki ke paas hai aur wohi behtar janta hai ke insan ke liye kya acha hai aur kya bura hai.
Shadi Ka Taweez:
Agar koshish ke bawajod rishta na ata ho aur agar ata ho aur pasand kar ke chala jata ho tou Surah Al-Nahl ki shuru ki 16 Ayaat ba wazu paak aur saaf kaghaz par mashk aur zafran ba amr-e-majburi paak roshnai se likh kar larki ke galay main daal dain. Jaldi Shadi Hone Ka Wazifa:
Agar kisi larkay ya larki ki shadi main bohat mushkilain hon aur kisi tarah se rishta tay na hota ho tou aisay main Asar ki namaz ke baad 21 - 21 times Darood (pehle aur baad) phir 1 baar buland awaz se Surah Al-Ahzab ki tilawat kare aur musalsal 11 din amal kare. Insha'Allah in 11 dinon main rishta ho jaye ga.
note: namaz ki pabandi shart hai....... ye amal khilwat (tanhai) main kare.
Pasand Ki Shadi Ho Kar Rahe:
Agar koi pasand ki shadi (love marriage) main masayel ka shikar ho aur apni pasand ki shadi ke elawa kahin aur shadi ka sawal hi paida na ho tou chahiye ke subah fajar ki namaz ke baad 786 martaba
parh kar Allah se apne maqsad ke liye dua kare. Ye wazifa shuru aur khatam karte waqt koi sa Durood 101 baar. Aur raat sotay waqt 300 baar
Ya Lateefu Ya Salamu parh kar dua kare aur shadi ka tasawar kar ke so jaye.
Muddat Amal: 40 yoom hai. Insha'Allah isi arsay main pasand ki shadi ho jaye gi. note: Namaz ki pabandi lazim hai aur is amal ka kisi par izhar na kare, baghair baat cheet kiye so jaye.
Agar Mangni Tootne Ka Khatra Ho:
Agar Allah na kare ke larki ko talaq ho chuki ho aur waldain ki koshish ho keh kisi tarah dobarah us ka ghar bas jaye tou unhain chahiye ke baad namaz-e-fajar 2 martaba Surah Yaseen tilawat kare aur 1100 martaba "Ya Mueedu" ka wird kare. Insha'Allah 21 se 41 din ke musalsal amal se larki ke liye dobara acha rishta hasil ho jaye ga. Shadi Karwane Ka Lajawab Amal:
Agar koi achi jagah naik rishtay ka khawahish mand ho aur bazahir koi munasib sabab na ban raha ho tou chahiye keh baroz-e-jummah baad namaz-e-asar ta maghrib masjid main baith kar ankhain band kar ke bay shumar parhay.
Ya Allahu Ya Rahmanu Ta Rahimu
Azan-e-maghrib par apne maqsad ke liye dua kare aur musalsal 3 ya 5 jumon tak jari rakhay. Insha'Allah bohat jald hi khawahish puri ho gi.
Mukhalif Fareeq Ko Shadi Par Amada Karne Ka Amal:
Mukhalif fareeq ko razamand karne ke liye nahayat mujarab amal hai. Chahiye keh hasb-e-zaroorat lahori namak lekar us par baroz juma baad namaz jumma awal akhir 10 - 10 baar darood sharif ke 1001 baar Ya Wadudu parh kar dam karain aur khayal rahe keh namak zameen par hargiz hargiz na gire, bohat ahtiyat rakhi jaye jo usay khaye ga Insha'Allah matee aur farmabardar ho ga. Jis ki niyat se parha hai usi par asar ho ga aur agar dusre khayain tou bhi fayeda ho ga, apas main khilwat aur mohabbat paida ho gi.
note: Agar mukhalif fareeq ghar aye tab bhi is namak se fayeda hasil kiya ja sakta hai. (Mujarab hai) Shadi Karwane Ka Akseer Amal:
Agar bohat sari koshishon ke baad bhi koi naik aur jaez rishta na milta ho aur umer barhti ja rahi ho tou aisay main chahiye keh namaz isha ke baad Surah Yaseen 3 baar parhay aur har dafa khatam par 700 martaba
Ya Wajidu Ya Mujeebu
parhay, is amal ko jumairat se shuru kare aur itwar ko khatam kare.
Larki Ki Shadi Ke Liye Jahaiz Ke Intizam Ka Wazifa:
Agar Shadi Main Jannat Rukawat Dalain Tou:Aksar dekha gaya hai ke naujawan larkiyon par jinnat ka asar ho jata hai keh jis ki wajah se larki ki kisi achi jagah baat cheet hotay hotay bigar jati hai aur woh shareer jin husool-e-rishtna main tarah tarah ki rukawatain paida karna shuru kar dete hain. Is mushkil se khalasi ke liye darj zail main amal nahayat munasib hai. Baad namaz-e-isha larki ke parents main se koi Surah Al-Hashr ki akhri 3 Ayaat 100 baar pani par dam kar ke woh pani sara din istemal karwayain aur musalsal 21 din ye amal karain. Insha'Allah is amal ki badolat tamam rukawatain door hon aur shareer jinnat se amaan hasil ho aur agar kisi naik shakhs se in Ayaat ko zafran wagera se likhwa kar larki ke galey main dale tou jald kamyabi ho aur bohat jald acha rishta milay. In 3 Ayaat main Allah ke mubarak 17 names bhi hain.
Qasida Burda Sharif Benefits:
Agar har tarah ke haylon ke bawajod larki ke liye koi rishta na milay tou aisi surat main nau chandi shab-e-jumma ko baad namaz-e-isha Qasida Burda Sharif 17 baar parh kar larki ki shadi ke liye dua karain. Insha'Allah 7 jumon ke amal se larki ke liye zaroor koi acha rishta mil jaye ga. Agar 1 fard tanha na parh sakay tou 3 afrad mil kar parhain. Parhne walon ka namazi parhezgar hona zaroori hai. (mujarab al mujarab hai).
Naik Rishte Ka Aik Aur Mujarab Aut Asan Amal:
Jis Mard Ki Shadi Na Hoti Ho:
Jis mard ki shadi na hoti ho woh shuru mah main 3 din rozah rakhe aur raat main Surah Muzammil ko 21 martaba parhay. 3 mah ye amal barabar kare. Insha'Allah naik biwi naseeb ho gi. note: Har Islamic month ke pehle 3 din ye amal karna hai sara mah amal nahin karna aur ye amal sirf mardon ke liye makhsoos nahin balkeh khawateen bhi kar sakti hain. Har mah amal karne se qabal khuch saqda zaroor ada kare.
Bay Saraha Bachiyon Ki Shadi Ke Liye:
Shadi Ke Mamlaat Ache Tareeqa Se Hon:
Har Kisam Ki Bandish Ka ilaj:
Aksar bachiyon aur bachon ke rishte sirf isi wajah se tay nahin ho patay keh woh dushmanon aur hasadon ki janib se sakht qisam ki bandish ka shikar hote hain. Har tarah ki bandish aur rukawat door karne ke liye te amal lawajab aur teer ba'hadaf hai.
Amal Ye Hai: Baad namaz-e-fajar 1 martaba Surah Al-Muzammil, 4 Qul 3 martaba aur Ayat-ul-Kursi 11 baar parh kar pani par dam kar ke larki / larkay ko pilayain aur usi pani se hath munh dhulayain. Awal aur Akhir 11 baar Darood Sharif parhain. Insha'Allah is amal ko 11 rooz karne se har kisam ki bandish khatam ho jaye gi.
note: Is amal ki ijazat aam hai. note: dam shuda pani zameen par na giray, kisi kayari wagera main daal dain.
Safar main namaz parhne ka tarika ye hai ke safar main jatay waqt 2 rakat namaz apne ghar main parh kar jaye. Jub tum apne ghar se kisi dusri jagah jao aur woh jagah tumhare ghar se 57 1/2 mile yani 3 manzil door ho tou tum apne shehar ki had se bahir nikal kar 2 aur 3 rakat wali namaz farz tou puri parho aur 4 rakat wali namaz farz qasar karo. Yani zohar, asar, isha ke farz bajaye 4 ke 2 parho. Agar puray 4 parho gey tou gunahgar ho gey. Agar safar main itminan se ho tou sunnatain puri parho.
Qasar namaz parhne ke liye zaroori hai ke jahan se chala wahan se kam az kam 57 1/2 mile janay ka irada hai aur agar is se kam musafat ke irada se nikla aur wahan pohanch kar dusri jagah ka irada howa keh woh bhi 57 1/2 mile se kam ki musafat hai. Younhi sari dunya main ghoom aye, musafir nahin ho ga. Puri namaz parhna paray gi.
Agar 15 din rehna ho ya zayada tou puri namaz parho jesay apne ghar main parhtay thay. Agar 15 din se kam rehna ho tou qasar namaz parho. Ya agar 10 din ki niyat se gaye aur kaam pura na howa ya kisi ne rook liya phir 10 din ruk gaye. Isi tarah kitnay hi din rukna paray qasar namaz parho. Agar wahan us shehar ke imam ke pechay namaz parho tou puri 4 rakatain parho. Agar tum wahan namaz parhao tou pehle keh do keh main qasar parhon ga tum log 4 puri kar laina ya salam phairtay hi keh do keh main musafir hon takay woh log baqi 2 rakatain puri kar lain aur ye bhi bata diya jaye keh kharay ho kar Al-Hamd aur qirat na parhain baqadar Al-Hamd parhnay ke khamosh kharay rakahin. Baqi rakatain hasb-e-dastoor ada karain.
Agar safar main namaz qaza ho jaye aur ghar akar qaza karna chaho tou bhi 2 rakat parho aur jo tum khud mukhtar na ho maslan baap ya dada ya ustad ya aurat shohar ke sath ho tou us se malom karo keh aap kab ko kab tak rukna hai. Agar usay 15 din se kam rukna hai tou qasar parho. Aur agar zayada rukna hai tou puri parho. Agar ghar par rehnay ke zamana ki qaza namaz safar main ada karna chaho tou puri 4 rakat qaza parho. Is main qasar jaez nahin hai.
Ye kis qadar bad kismati ki baat hai ke Pakistan main Swat mojod hai magar log yahan anay se katra rahay hain. Ye haqeeqat hai ke khuch arsa pehle tak swat jung ki zad main tha, picnic points main werani thi, schools bamon seura diye jatay thay magar pak army ke mukamal operation ke baad is ki ronaqain bahal ho chuki hain, Darya ki rawani main machliyon ka raqs jari hai.
Spring Season ke in days main unchay alaqon main fruites aur flowers ki mahek phaili hoi hai aur sub se barh kar sarkon ki tameer ka kaam jari hai. Ye sarkain jung aur us ke baad tabah kun flood ke baes intihai toot phoot ka shakar thien, Aaj yahan traffic rawan dawan, security ka system intihai chokas hai, jis ke baes muqami afrad pehle se khush hain. Mingora aur Saidu Sharif ki streets aur mohallon main logon ki amd-o-raft jari hai.
Bay Fikri se shopping karti swat ki khawateen ki amad shuru hain. In chuttiyon main sub se behtar tourist point ke toor par swat ka intikhab na sirf aap ko balkeh muqami afrad ke liye bhi musarrat ka baes ho ga kyoun keh tourists ki bharpur amad se hi un ka guzara hota hai.
Swat aik khubsurat muqaam hai jahan jo qudarti nazaron se mohabbat karnay walon ke liye lajawab place hai. Swat ki History bhi yahan ke khubsurat sar sabz paharon ki tarah kashiah rakhti hai. Swat ke har sayahti muqam par har mayar ke hotel tourusts ko qayam-o-ta'aam ki sahulat faraham karnay ke liye mojod hain.
Guest Houses Rest House Hotel Rates In Swat Valley:
Hotel main raat ko qayam ke rent 300, 400 rupees se lay kar 3000 se 5000 pak rupees tak hain. Ye aap par munhasir hai ke aap ka budget kya hai aur aap kis tarah ki sahulatain aur mayaar pasand kartay hain. Middle Class jarjau ke tourists hotel aam toor par 1500 se 2000 rupees daily par available hain. Aik waqt ke khany ke nurkh 50 rupees se 500 rupees tak ho saktay hain. Swat ka sub se maqbol aur cheap khana chapli kabab aur tanduri naan hain jin ki 2 shops taqreeban har shehar aur district main mojod hain.
Swat Valley
All Hotel List In Swat: 1) Serena Hotel Swat Telephone 0946-711637-41 2) Rock City Hotel Fizagat, Mingora 0946-813731-35 3) PTD Hotel Saidu Sharif 0946-9240157 4) White Palace Hotel, Marghzar 0946-865270 5) Swat Continental Hotel, Makanbagh Mingora Swat 0946-711399 6) Swat Regency Hotel 0946-816444 7) Mountain Inn Guest House, Manglor 0946-835402 8) PTDC Hotel, Miandam 0946-9240157 9) Sangam Hotel, Kalam 0946-830015, 83016 10) Walnut Heights Kalam 0946-830222, 830111 11) Jungle Inn Hotel Kalam 0946-830282, 830272 Mingora Main Chand Qabil Aitbar Rent-A-Car In Swat:
City Rent-A-Car ph no 0946-729293, telenor mobile number 0345-9512008
Swat Rent-A-Car Phone Number 0946-700325, 0301-8537508
Zahid Hussain Rent a car 0302-8571994
More Important Phone Numbers of Swat: 1) PTDC Tourist Information Center, Saidu Sharif: 0946-9240159
2) DCP Swat: 0946-9240340
3) Police Station, Mingora: 0946-9240382
4) Police Station Saidu Sharif: 0946-9240398
5) Central Hospital, Saidu Sharif: ......................
6) Deewo Bus Service Mingora: 0946-729102-6
7) Skyways Bus Service, Mingora Telephone Number: 0946-862244
8) TCKP Tourist Information Center, Peshawar
9) PTDC Tourist Information Center, Rawalpindi ph 051-9272017-18
10) PTDC Tourist Information Center, Islamabad 051-9202766, 8202760
PCB PSL ke mansubay ko hatmi shakal denay ke liye teezi se agey bharh raha hai. PCB ne tournament ke kamyab inaqaad ke liye apne mali mamlaat ko hatmi shakal de di hai. Board ko umeed hai ke tournament munafa ke baghair karanay ko tayar hai. 5 franchise farokht karnay ke liye 3 Pakistani business houses, 1 dubai ke tajar aur 1 America main muqeem Pakistani ne hami bhar li hai. PSB ko umeed hai ke is tournament se ghair mulki khalariyon ka Pak anay ke hawalay se dar kafi had tak khatam karnay main madad milay gi. Africa aur deegar mulkon ke khalariyon ne Pak anay ki hami bhar li hai. South Africa se bari tadad main khalari Pak anay ko tayar hai. PCB chahta hai ke teamon ke benches par pakistani players ke elawa bhi kisi dusre mulk se mashoor khalari nazar ayain.
Is series ko kamyabi se karwanay ke liye Salman Sarwar Butt ko MD banaya gaya. Super 8 T20 ke ruh-e-rawan ke toor par kamyab organizer sabit honay wale Salam ko premier league ke bhi inaqad ka task spurd kiya gaya tha. International stars 11 ko bhi Pak lanay main unhon ne apna kardar ada kiya tha. Aur isi wajah se Pak super league 2013 main inaqad ka khawab pura hota mushkil nazar nahin araha. Yehi wajah hai ke lahore ke ghair abad cricket stadiums ab aik baar phir purani yadain taza karnay ja rahain hain jub dunya bhar se teams yahan akar stadiums abaad kar deti thien. Isi liye aap March ki 24 tareekh se PSL ke yahan par live online matches dekh sakain gey.
PTV Sports
all pakistani super league matches will be broadcast live (HD) here on moonincloud from 23 march
Pakistan cricket board ne 100 million dollars ki investment se Pakistan super league PSL karanay ka elaan kiya hai. Pakistan ne PSL T-20 league ka baira utha kar mulk main international cricket ki bahali ki janib lambay safar ka pehla qadam uthaya. Event ke logo ke manzar aam par anay se umeed ho chuki hai ke PCB ki jadojehd rang lanay wali hai. Indian Premier League Ipl , Bangladesh aur Sri Lanka League ki tarz par is T-20 Tournament ko PCB mulk main international cricket ki wapsi ki taraf paish qadmi qarar de raha hai. PCB ka dawa hai ke super league main dunya ke saf-e-awwal ke cricketers hisa lain gey. International players ki taraf se acha response samne aya hai. PCB ke chairman ne thursday ko lahore main aik pur waqar taqreeb main Pakistan Super League karanay ka elaan kiya aur tournament ke logo ki runumai ki.
Pakistan Super League 2013 Fixtures:
26 March se 7 April tak lahore main ho gi jis main ghair mulki cricket stars jagmagayain gey. 5 Teamain majmui toor par 23 match khailain gi, har team main 6 International 10 Pakistani aur 2 emerging players shamil hon gey. IPL ki tarz par ye taurnament baray paimanay par karanay ki koshish ho rahi hai. Shuru main 5 teamain hisa lain gi baad main unhain barha kar 3 saal main 8 kar diya jaye ga. 20-20 se Pakistan main na sirf cricket ko farogh diya jaye ga balkeh is se mulk main international cricket ki bahali main bhi madad milay gi. PSL ki iftitahi taqreeb 23 March ko ho gi.
PSL Format:
Tournament double league system ke teht ho ga. hat team dusri team se 2 - 2 match khailay gi. Is tournament se Pakistani players ko baray khalariyon ke sath khailnay ka bhi moqa milay ga.
Toyota Corolla, Japanese auto manufacture ki mini cars aur micro cars category main sub se zayada numayan hai. Jis ki shuruwat 1966 main hoi thi. Tab se aaj tak shayad hi aisa howa ho keh is ki maqbuliat ka grapf kabhi neechay gaya ho.
1997 main corolla dunya ki sub se bari aur sub se zayada sale honay wali cars kehlayien. Jis ne kafi famous names ko peechay choor diya aur aaj agar aap is ki maqbuliat dekhna chahain tou aap dunya ke kisi bhi hisay main chalay jayain aap ko toyota corolla ke baray main koi bhi bata sakta hai. Corolla darasal Toyota ke rawaiti namon main se aik hai jis ka matlab "Crown" yani taj hai. Start main Toyota ne 1958 ne jo model banaya ye mukamal toor par aik floop model tha. 1964 main toyota ne apna aik aur model Carona mutaraf karwaya jis ne pehli dafa hi main 6400 farokht dien, Ye namaki ke baad aik nayi kamyabi aur behtar ibtida thi. 1969 main toyota ne pehli baar Corolla mutarif karwaya aur 1985 tak ye USA main bannay wali pehli corolla ke toor par maqbuliat hasil karti rahi.
Toyota Avanza Price 21 lack 60 thousand pak rupees
1975 main corolla ne Volkswagen German car bananay wali company ke mutaliq bataya. 1989 main toyota ne LS 400 ko introduce karwaya ye mumkina toor par aik bari kamyabi thi. 1997 main toyota ne Prius Gas Electric Hybrid Car ko numayesh ke liye paish kiya. Is ke baad Camry Solar Camry, Lexus ES, Ko mutarif karwaya lekin in main kisi na kisi tarah ki choti choti kharabiyan samne ati rahien. Taham is ke sath sath toyota waqtan fa waqtan apne model corolla ko bhi mutarif karata raha hai. Corolla ka pehla model october 1966 main mutarif karaya gaya jo 1100cc engine ke sath tha. 1970 main E20 ke naye style ke sath 1600cc aur 1400cc tak ki range ke engine ke sath is car ko introduce karaya gaya aur isi saal saprinter aur corolla ko introduce karaya gaya. Corolla E30 jabkeh sprinter ko E40 ke codes diye gaye. 1976 main corolla ke codes ko E50 se badal diya gaya. Waqt ke sath sath honay wali tabdeeliyan corolla ko mazeed behtar banati rahien aur aaj corolla apni 11th generation mutarif kara raha hai. Toyota Corolla ne 2013 main apna naya model Gli and Gli Automatic Special Limited Edition ko introduce karwaya hai aur is main 9 colours available hain is car ki price youn hai 2013 Gli Automatic Price: 1,825,000 Pak Rupees and Corolla Gli Special Edition 1,849,000 Pak Rupess
1: Sub se pehle darj zail tasweeron ka mutaliya karain aur in sub ko apne zehan main mehfooz kar lain kyoun keh ye sari cheezain aap ko aik car main nazar ayain gi jub aap ye kar chukay tou ab dusre step ki taraf ajayain.
2: Is baat ka itminaan karain keh car hand brake jo keh gear ke paas hi mojod hota hai nichli position main na ho matlab agar woh neechay hai tou uska matlab hai jesay hi hum car ko start karain gey tou car automatically agey peechay ho sakti hai. Jesa keh tasweer main ye nichli position main hai. Aur aik khaas baat ye keh jub bhi aap car start kiya karain matlab rook dain aur phir car chalani na ho tou usi waqt hand brake ko uper ki taraf khainch lain. Is se ye fayeda ho ga keh agar kisi na'hamwaar jagah par na ho tou car agey peechay nahin ho gi lekin agar hum hand brake ko neechay hi rakhain gey tou yaqeenan car agey peechay automatically ho sakti hai lihaza aap is baat ka itminaan karain.
3: Car start karnay ke liye is main mojod chabi (key) ghumayain aur 1 se 2 second aik hi position main rakhain his se car start ho jaye gi. Tasweer se madad li ja sakti hai.
4: Aur jub car start karain tou gear ko neutral main rakhain neutral main lay janay ke liye gear ko agey peechay karain aur phir center main la kar choor dain ye yaqeen karnay ke liye keh aya neutral bhi howa hai ke nahin agar gear lose nahin hai matlab aik jagah atka howa hai tou iska matlab hai woh neutral main nahin hai aur agar woh lose hai aur bohat easily se agey peechay ho sakta hai tou ye neutral ki elamat hai.
5: Cluch ko full dabayain matlab itna daba hona chahiye keh agar hum dabayain tou dabay nahin aur ab gari ko 1st gear main dalain iske liye tasweer ki madad li ja sakti hai.
5: Ab cluch ko slowly chorain aur race ahishta ahishta dabayain is se car ahishta chalnay lagey gi jub car puri tarah chalne lagey tou cluch ko choor dain lekin yaad rahay race par se bhi pain hata dain/ Ab agar hum car ki speed ko barhana chahtay hain tou dobara cluch full dabayain aur 2nd gear main lay jayain jesa keh tasweer main namayan kiya gaya hai.
6: Isi tarah 3rd gear main lay janay ke liye gear ko thora sa uper karain aur phir thoora sa hi seedhay hath ki taraf karain aur ab seedha auper lay jayain. Lekin yaad rahay jub bhi gear badalna maqsood ho cluch ko full dabayain aur phir gear badlain agar cluch ko na dabaya gaya tou nuqsan ka andesha hai yani car ki cluch plates jal sakti hain.
Maximize miles with the Civic HF. Or get gone in an Si. Or think purer thoughts in a Civic Hybrid or the clean-burning Civic Natural Gas. The new Civic offers possibilities as diverse and different as people themselves.
For 2014, Every Civic is sleeker and not just for style points, the smooth new shape is also more aerodynamic, enhancing fuel efficiency
We all have our own idea of good, clean fun. Some get diggy squeezing the last drop of go out of a gallon. So they opt for the Civic Hybrid. Or maybe the new Civic HF. Take your pick. Each is gifted with enought fuel-saving technology for fewer fill-ups.
Istikhara Ka Tarika aur Istikhara Ki Dua: "Istikhara" ka masnoon tareeqa ye hai ke aadmi 2 rakat nafal istikhara ki niyat se parhay. Niyat ye karay keh mere samne 2 rastay hain, in main se jo rasta mere haq main behtar ho, Allah Ta'ala us ka faisla farma dain. Phir 2 rakat parhay.
Istikhara Dua In English
Aur namaz se baad istikhara ki masnoon dua parhay jo Hazoor (SAW) ne talqeen farmayi hai.Ye bari ajeeb dua hai, Paighambar hi ye dua mang sakta hai aur kisi ke bas ki baat nahin, agar insan ayri choti ka zoor laga laita tou bhi aisi dua kabhi na kar sakta jo Nabi Kareem S.A.W ne talqeen farmaye. woh istikhara ki dua ye hai.
Istikhara Dua
What is istikhara? Istikhara Kya Hai? Kisi ahem mamlay main Allah se khair aur bhalayi talab karnay ko istikhara kehtay hain maslan Shadi, safar, job naya business start karna wagera kyoun keh insan ko malom nahin keh konsi cheez us ke liye khair aur konsi shar sabat ho gi.
Urdu Translation Of Istikhara Dua:
Aay Allah! main aap ke ilm ka wasta de kar Aap se khair talab karta hon aur Aap ki qudrat ka wasta de kar main achai par qudrat talab karta hon. Aap ghaib ko jan'nay wale hain. Aay Allah! Aap ilm rakhtay hain, main ilm nahin rakhta. Yani ye mamla mere haq main behtar hai ya nahin, is ka ilm Aap ko hai mujhe nahin. Aap qudrat rakhtay hain aur mere andar qudrat nahin. Ya Allah! agar Aap ke iml main hai ke ye mamla (Is moqa par us mamla ka tasawar dil main laye jis ke liye istikhara kar raha hai) Mere haq main behtar hai. Mere deen ke liye bhi behtar hai, meri muash aur dunya ke aitbar se bhi behtar hai aur injam kar ke aitbar se bhi behtar hai tou is ko mere liye muqaddar farma dijiye aur is ko mere liye asaan farma dijiye aur is main mere liye barkat paida farma dijiye.Aur agar Aap ke ilm main ye baat hai ke ye mamla mere haq main bura hai, mere deen ke haq main bura hai ya meri dunya aur muash ke haq main bura hai ya mere anjam kar ke aitbar se bura hai tou is kaam ko mujh se phair dijiye aur mujhe is se phair dijiye, aur mere liye khair muqaddar farma dijiye jahan bhi ho. Yani agar ye mamla mere liye behtar nahin hai tou is ko tou choor dijiye aur is ke badle jo kaam mere liye behtar ho us ko muqaddar farma dijiye phir mujhe us par razi bhi kar dijiye aur us par mutmaen bhi kar dijiye.
2 rakat nafal parhnay ke baad Allah Ta'ala se ye dua kar li jaye tou bas istikhara ho gaya.
Istikhara Ka Waqt:
Baaz log ye samajhtay hain ke istikhara hamesha raat ko sotay waqt hi karna chahiye ya Isha ki namaz ke baad hi karna chahiye. Aisa koi zaroori nahin balkeh jab bhi moqa milay us time kar lain. Na raat ki koi qaid hai aur na din ki koi qaid hai, na sonay ki koi qaid hai aur na jagnay ki koi qaid hai.
Istikhara Ka Khawab Ana Zaroori Nahin: Baaz log ye samajhtay hain ke istikhara karne ke baad khwab aye ga aur Istikhara dream ke zariye humain bataya jaye ga keh ye kaam karo ye kaam na karo. Yaad rakhain! Khawab ana koi zaroori nahin ke khawab main koi baat zaroor batayi jaye ya khwab main koi ishara diya jaye, baaz martaba khawab main aa jata hai aur baaz martaba khawab main nahin ata. Istikhara Ka Nateeja: Baaz hazraat ka kehna hai ke istikhara karne ke baad khud insan ke dil ka rujhan aik taraf ho jata hai, bas jis taraf rujhan ho jaye woh kaam kar lay, aur bakasrat aisa rujhan ho jata hai. Lekin bilfarz agar kisi aik taraf dil main rujhan na bhi ho balkeh dil main kashmakash mojod ho tou bhi istikhara ka maqsad phir bhi hasil hai, is liye keh banda ke istikhara karne ke baas Allah Ta'ala wohi kartay hain jo us ke haq main behtar hota hai. Is ke baad halaat aisay paida ho jatay hain phir wohi hota hota hai jis main banday ke liye khair hoti hai aur us ko pehle se pata bhi nahin hota. Baaz auqaat insan aik rastay ko bohat acha samajh raha hota hai lekin achanaq rukawatain paida ho jati hain aur Allah Ta'ala us ko us banday se phair detay hain. Lihaza Allah Ta'ala istikhara ke baad asbaab aisay paida farma detay hain ke phir wohi hota hai jis main banday ke liye khair hoti hai. Ab khair kis main hai? Insan ko pata nahin hota lekin Allah Ta'ala faisla farma detay hain. Tumhare Haq Main Yehi Behtar Tha: Ab jub woh kaam ho gaya tou ab zahiri aitbar se baaz auqat aisa lagta hai ke jo kaam howa woh acha nazar nahin aa raha hai, dil ke mutabiq nahin hai, tou ab banda Allah se shiqwa karta hai ke Ya Allah main ne aap se mashwara aur istikhara kiya tha magar kaam woh ho gaya jo meri marzi aur tabiyat ke khilaf hai aur bazahir ye kaam acha malom nahin ho raha hai. Is par Hazrat Abdullah Bin Umar (R.A) farma rahe hain ke aray nadaan! tou apni mehdood aqal se soch raha hai keh ye kaam tere haq main behtar nahin howa, lekin jis ke ilm main sari kainaat ka nazaam hai woh janta hai ke tere haq main kya behtar tha aur kya behtar nahin tha, us ne jo kiya wohi tere haq main behtar tha. Baaz auqat dunya main tujhe pata chal jaye ga ke tere haq main kya behtar tha.
Rukhay aur kamzor balon se kon preshan nahin hota. khaas toor par sardi ka mausam rukhay bay jaan balon ke liye wabal-e-jaan sabat hota hai. Lekin chand mufeed tadabeer ikhtiyar kar ke khushk aur kamzor balon ko ghana mazboot aur chamakdar banaya ja sakta hai.
1: Gheelay balon ko suljhanay ki koshish na karain kyoun keh gheelay baal fori toot jatay hain.
2: Khushk balon ke liye bareek kanghi intimal na karain. Bareek kanghi se balon par shadeed zoor parta hai aur baal us main ulajhna ke baes toot jatay hain. Kanghi ke bajaye hair brush use karain.
3: Rozana shampoo use na karain kyoun keh shampoo ka zayada istimal balon main mojood natural oil aur nami ko khatam kar deta hai jis se baal rukhay aur kamzoor ho jatay hain.
4: Dry hairs ke liye tayar kiye gaye shampoo main Zinc Pyrithione aur Selenium sulfide lotion shamil hain jo na sirf dry hairs ko nami faraham kartay hain balkeh un ki nashonuma main bhi ahem kardar ada kartay hain.
5: Shampoo ke baad conditioner ka istemal zaroor karain. Is se aap ke baal na sirf chamakdar aur khubsurat nazar ayain gey balkeh ab hum unhain asani se sanwar bhi saktay hain.
Hazrat Adam A.S behisht se zameen par tashreef laye tou Bargah-e-Elahi main arz kiya keh Khudaya main yahan na tou Malaika ki Tasbeeh aur takbeer sunn sakta hon aur na koi ibadat gah dekhta hon jesa keh asman main Bait al Ma'mur dekhta tha jis ke ird gird Malaika tawaaf kartay thay. Jawab Elahi aya keh jao jahan hum nishan batayain wahan Kaaba bana kar us ke ird gird tawaaf bhi kar lou aur us ki taraf namaz bhi ada karo.
Complete History Of Khana Kaba:
Hazrat Jibraeel (A.S) un ki rehbari ke liye un ke sath chal paray aur unhain wahan laye jahan se zameen bani hoi thi jis jagah par jhaag paida howa tha aur phir wohi jhaag phail kar puri zameen bani. Hazrat Jibraeel (A.S) ne apna par maar kar saatwein zameen tak bunyad daal di jis ko Malaika ne paanch paharon ke pathron se bhara Koh-e-Lebnan, Koh-e-Toor, Koh-e-Joodi, aur Hira aur Toor Zita. Bunyad bhar kar nishan ke liye charon taraf ki deewarain utha dien. Is taraf Hazrat Adam A.S namaz parhtay rahay aur is ka tawaaf bhi kartay rahay. Toofan-e-Nooh tak Kaba isi halat main raha.
Hd Holy Khana Kaba Picture
Us waqt woh emarat tou asman par utha li gayi aur ye Khana Kaba ki jagah unchay teelay ki tarah reh gayi magar log phir bhi barkat ke liye yahan atay thay aur aa kar duain mangtay thay. Phir Hazrat Ibrahim A.S ke zamane tak Kaba isi halat main raha. Jub Hazrat Ismail A.S aur Hazrat Hajra R.A is maidaan main aa kar thehray aur un ki wajah se yahan khuch abadi ho gayi tab Hazrat Hajra R.A ke inteqal ke baad Hazrat Ibrahim A.S ko hukam howa keh Hazrat Ismail A.S ko sath lay kar yahan emarat Kaba banayain. Is ki nishani is tarah farmayi gayi keh aik badal ka tukra bheeja gaya takay us ke saye se Kaba ki had muqarar kar li jaye.
Hazrat Jibraeel (A.S) ne us saya ki maqdar khat khaincha aur Ibrahim A.S ne us khat par zameen yahan tak khoodi keh bunyad Adam namudar ho gayi aur is bunyad par emarat banayi. Is ki bulandi 9 hath aur Rukn-e-Asood se Rukn-e-Shami tak deewar 33 hath aur Rukn-e-Shaami se Rukn-e-Gharbi tak ki deewar 22 hath aur Rukn-e-Gharbi se Rukn-e-Yamani tak 31 hath Rukn-e-Yamani se phir Rukn-e-Asood tak 2o hath lihaza us waqt ye Kaba musteel ki shakal tha. Hazrat Ibrahim A.S ne Khana Kaba ke andar aik taghar sa banaya tha jo masal khazana ke tha keh Kaba ke liye jo khuch nazar tohfay main ayain is main rakhay jayain gey.
Is ke darwazay 2 thay 1 dakhil honay ka dusra nikalnay ka aur Kaba bananay wale khaleel thay aur un ko gaar aur pathar utha kar denay wale Ismail A.S aur is emarat main 3 paharon ke pathar lagaye gaye. Ibrahim A.S se pehle kisi ne yahan emarat na banayi thi magar Aap ke baad kayi dafa is ki tameer-o-muramat hoi aur is main halaat ki wajah se khuch tabdeeliyan bhi hoyein maslan is ki unchai dugni kar di gayi, darwaza 2 ki bajaye 1 aur is ka raqba bhi kam kar diya gaya lekin baad main phir usay puranay raqbay main hi tameer kiya gaya.
Live 24 hour broadcast of Masjid Al Haram Sharif
Agar Makkah city se ye live online stream ruk jaye tou is page ko dobara refresh karain (ctrl+f5)
Jo shakhs Ya Barro ka amil banna chahay tou usay chahiye keh is Ism ko chalis din tak tanhai main baith kar rozana 3125 martaba parhe. Wird mukamal hone par woh Ya Barru ka amil ban jaye ga.
