History Khyber Pakhtunkhwa In Urdu Essay Khyber Pakhtunkhwa Information Culture Tourism KPK Poems

Khyber Pakhtunkhwa History In Urdu: Geography lihaz se KPK Province (Sarhad) hasas khitay mein waqaya hai. Yehi wajah hai ke zamana qadeem mein Persian, Mughal, Turk, Sikh, Arab, Unan aur British yahan lashkar kashi karte rahe. 1500 aur 2000 qabal masih yahan Aryai qaum ki Irani branch wajood mein ayi jis ki pusht panahi Pakhtun kar rahe thay. Unhon ne is sare khiton ko apne qabzay mein lay liya. Khyber Pakhtunkhwa ke khitay par kayi maroof logon ka naam qabil zikar hai jo yahan dora kar chuke hain in mein Sikandar-e-Azam, Marko Polo, Churchill ke naam shamil hain. Shahi door se pehle yahan par budh mat ke pairo karon ki tadad kafi zayada thi. Jabkeh 870 sadi eswi tak Turk hukamranon ka shahi door raha jos ko akhir kaar Mahmood Ghaznavi ney naist-o-nabood kar diya.

Darya-e-Swat

Phir Islam ki roshni is khitay mein na sirf pheeli balkeh yahan se kayi deegar mulehqa khiton mein Islam ka bol bala hua aur phir mazeed Sufia Karam aur Muslims poets ne bhi kafi logon ko Islam ki rahgbat dilane mein aham kardar ada kiya. Is ke baad Pashtun qaum parasti ka tanaza bhi shuru hua. Jis mein Khushal Khan Khattak ne apni poems ke zariye apne Pashtunon ko hukamranon ki baghawat par majboor kiya. Phir 1848 mein Ahmad Shah Durrani ne surat haal ko mamool par lanay mein aham kardar ada kiya.

Phir deegar bar-e-sagheer ke alaqon ki tarah yahan par Angreezon ne qadam jamaney shuru kar diye. Is silsile mein British aur Russia mein rasa kashi shuru ho gyi. aur Afghanistan ki taqseem ka waqaya paish aya. 1893 mein Durand line nafiz hoi aur Afghanistan ka khuch hisa Bartanawi Hindustan mein shamil ho gya. Aur Pakhtun qabeelon mein bhi na ittefaqi ne sar uthaya aur woh 2 hison mein but gye. Lein phir bhi Angreezon ko Pushtun larai mein bure nataij aur nuqsan ka samna karna para. Phir Bartania ne "Taqseem Karo Aur Hukumar Karo" ka formula apnaya aur khuch had tak kath putli Pushtun hukmaranon ki madad se Bartaniya ko kamyabi hasil hoi.

9 november 1909 mein bil akhir Khyber Pakhtunkhwa Province bana aur us ka naam Sarhad Province rakha gya. soobay ka ikhtiyar nazim ala ko diya gya. Jo musheeron ki madad se nazaam chalata tha. Phir bazabta toor par 26 April 1902 ko is sooba ka iftitah hua aur soobay ke 5 izla mukhtis hue.

1947 mein Qayam-e-Pakistan ke waqt mutfiqa toor par sooba sarhad ko Pakistan ka hisa qarar diya gaya. Phir chand wajoohat ki bana par Afghanistan se is sooba ke tanazat ronuma ho gye. 1979 mein Soviet Union ke Afghanistan par hamlay se lakhon mahajreen Khyber Pakhtunkhwa hijrat kar aye aur phir ahista ahista ye mujahideen ka bara markaz ban gya. Agriculture is soobay ki economy ka aham bab hai. Is mein gandam (wheat), makai (corn), chawal (rice) aur ganna (Sugarcane) wagera kaseer tadad mein ugaye jate hain.

Tehzeeb o saqafat mein ye khita kayi 100 salon ki qadeem rawayat ka hamil hai. Jis mein Pashto Song, Chitrali Sitar ko khas ahmiyat hasil hai. Puray Pakistan ke tijarati log yahan ka rukh karte hain. Jis ki wajah ye hai ke yahan ke bazaar saray Pakistan mein famous hain. Jin mein Qissa Khawani Bazaar kafi mashoor hai. Yahan ki aab-o-hawa sar sabz paharon aur neeli wadiyon ki wajah se nahayat khoobsurat hai. Is ke ilawa ye KPK parhezgar aur purkhaloss aur mehman nawaz Muslims ke liye bohat shohrat ka hamil hai.

Abbottabad History In Urdu Abbottabad Tourism Places Newspaper

City Abbottabad History In Urdu: Aay Abbottabad hum ab tujhe chor kar ja rahe hain.... Teri fitri khubsurati ke paas jis ka main sheedai hon.... Shayed teri hawaon ki awaz phir kabhi mere kanon tak na pohanche.... Lekin mere chand aansuon ko tohfa samajh ke qabool kar.... Tujhe alwida kehte dil bhari ho raha hai.... Aur main kabhi teri yadon ko bhula na paon ga....

150 saal pehle Major James Abbott apne watan England wapas jatay Abbottabad ki yaad mein ye nazam keh gye thay jis mein watan wapsi ki khushi se zayada is haseen wadi ko chorne ka dukh numayan hai. Major Abbott ke ye ehsasaat samajh mein bhi atay hain. Aaj bhi is shehar ka fitri husn aisa hai jo aap ka dil moh lay. Isi ke Pakistan bhar se log apni family ke sath summer season mein is shehar ke khunk alood aur bheege mausam ka lutf lainay yahan ka rukh karte hain.

Abbottabad city ka naam James Abbott ke name par rakha gya woh aik Bartanwi fauji officer thay jo ke samraji door mein Hindustan mein tainaat rahe. James Abbott, Englistan mein paida hue aur un ke walid ka naam Henry Abbott tha jo ke Kolkata mein tainaat Merchant Navy ke bairay se retire officer thay. James Abbott zila Hazara ke pehle deputy commissioner bhi thay jis ka doraniya 1849 se 1853 tak hai.

Abbottabad, Zila Abbottabad ka sadar muqam aur Khyber Pakhtunkhwa ka aik aham shehar hai. Sea level se is ki unchai 4120 foot hai. Rawalpindi se 101 km door hai ye Pakistan ka purfiza muqam hai. Yahan ke 94% afrad ki madri zuban Hindko Language hai.

Yahan par kayi mashoor school aur taleemi adaray hain. Ye shehar hamesha se taleemi sargarmiyon mein paish paish raha hai isay "City of Schools" bhi kaha jata hai. Abbottabad apne pur fiza muqamat ki wajah se pure Pakistan mein mashoor hai. Famous Karakoram Highway yahan se guzarti hai. sar sabz places se bhari hoi is haseen wadi mein garmiyon mein bhi mausam khushgawar hota hai.

Abbottabad Tourist Places: Yahan famous tourist places mein Nathia Gali aur Ayubia shamil hain. Ye alaqa 4 choti pahariyon par mushtamil hai aur sabiq sadar Ayub Khan ke naam par is jagah ka naam Ayubia rakha gya. Ye alaqa 26 km par phaila hua hai aur Ayubia ki sair ke liye chair lift hai jis se alaqay ka nazara kiya ja sakta hai. Is ke ilawa Thandiani ka famous tourist point bhi hai, jis ka matlab muqami zuban mein sard hai ye bhi aik aham tafreehi muqam hai. Yahan par aap ko har taraf Pine Trees nazar ayain gey. Is jagah ki unchai satarah samandar se 2700 meter hai.

Abbottabad city se is ka distance 31 km hai aur Abbottabad se asani ke sath yahan pohancha ja sakta hai. Sham ke waqt Abbottabad shehar ki roshniyan yahan se saaf dikhai deti hain. Abbottabad ki sub se beautiful place yani sayahat ka muqam Nathia Gali hai jo Islamabad se 80 km par shumak ki janib aik pahari qasba hai. Ye 8200 feet ki height par Murree ko Abbottabad se milanay wali road par waqaya hai. Abbottabad weather garmiyon mein nahayat khushgawar hota hai. July aur August ke months mein yahan taqreeban roz barish hoti hai. Winter mein yahan shadeed sardi aur December mein yahan shadeed baraf bari hoti hai.

Yahan Governor House, tourists ke liye qayam gahain aur aram gahain waqaya hain. Qasba mein khuch shops aur thori bohat abadi bhi hai. Summer mein yahan tourists ka rash hota hai is wajah se yahan par hotels ke rates bohat zayada barh jate hain. Mukshpuri Top aur Miran Jani Peak qareeb ki waqaya hain. Abbottabad mein sayahat ko farogh dene ke liye iqdamat kiye jayain tou har saal bari tadad mein dunya bhar se log yahan ki khoobsurati se lutf andoz ho sakte hain, aur ke ilawa yahan Shimla Pahari bhi hai jis ka sabza aur husn insan ko khud apni taraf matwaja kar laita hai.

Hazara History in Urdu Haripur Province Hazara Tourism Hazara Travel Guide Information

Hazara History in Urdu Haripur: Aap chahain Abbottabad se dakhil hon ya agey Gilgit ke darron se, Hazara kisi jannat se kam nahin hai. Hazara city main raat ke waqt thandak kafi bharh jati hai aur jamesha ki tarah faisla karnay main mushkil rehti hai ke in khubsurat dinon ke liye kis jagah jaya jaye, November main Raiwind ke tablighi ijtima main shirkat ke liye mulk bhar se lakhon log safar ke liye tayar ho jatay hain. Ye aisa maqsad hai ke woh log bhi jo zindagi main Karachi ke sehrab goth se agey nahin gaye, kamar kas laitay hain aur apne apne mohallay ki masjidon se nikal kar buses aur trucks ke zariye Raiwind ki ijtima gah pohanch jatay hain. Jahan ikhtitami dua ke baad wapsi ka rasta ikhtiyar kiya jata hai magar pehli baar ghar se nikalne wala Lahore ke Shahi Qila, Badshahi Masjid aur Wahga Border ki khawahish dil main rakhtay hain aur khuch Murree ki sardi ka maza chakhna chahte hain. Agar jana ho tou is se bhi agey Abbottabad aur Balakot se guzartay Pakistan ki un jannat nazeer wadiyon ka rukh ki jiye jo hazara division main hain jin ke rastay asaan bhi hain aur distance bhi kam hai.

Abbottabad se agey sarak 2 hison main taqseen hoti hai. Aik buland rasta azeem karakoram highway se guzarta nothern areas ko jata hai tou dusri taraf Hazara Division ke sar sabz junglaat se guzarti bal khati rah Balakot ke bridge se guzarti baraf posh paharon aur darya-e-kunhar ke neelay pani ke qareeb se chalti kawai village tak pohanch kae saans laiti hai. Yahan aik aur pagdandi nama rasta Shogran ki taraf nikalta hai, tourists apni jeep wagera ke zariye is kachay rastay par dikhayi detay hain jahan se Siri Paye Shogran ki bey panah haseen charagahain nazar ati hain.

Darya-e-Kunhar between hazara and azad kashmir

Markazi sarak Kewai se agey Paras valley qadam rok laiti hai, Yahan jungle se kati hoi giliyon ko pani main baha kar aik jagah se dusri jagah muntaqil kiya jata hai. Aik aur kacha rasta Balakot ke famous mountain Musa Ka Musalla tak bhi jata dikhai deta hai.

Paras se agey Jared, Mahandri ki abadiyan shuru hoti hain. In places se bhi kayi aisay beautiful tracks nikaltay hain jin ke ikhtitam par yaqeen nahin ata ke ye Pakistan hai ya Switzerland. Mahandri se agey Kaghan ka qasba phaila hai jis ke naam se sara area jana jata hai, is ke agey Naran kisi taaj ki tarah jhilmilata dikhayi deta hai.

Hazara Wallpapers

Hazara Division ke darmiyan hone aur phaili hoi wadi ke baes Naran ko markazi haisiyat hasil hai. Naran se aik haseen sarak Bata Kundi  tak pohanchti hai jahan kisi zamane main Gilgit ke musafir khanay ka waqfa kartay thay. Bata Kundi se Geeti Das aur Babusar tak asan raston ka ikhtitam ho jata hai.
tags: 2015 hazara university jobs 2016-2017

Qila Rohtas History In Urdu Sher Shah Suri Raja Ranjit Singh Qila Rohtas Fort Information

Urdu History Qila Rohtas Fort History: Sher Shah Suri jis ka asal naam Fareed Khan tha us ne is qila ki tameer ka hukam 948 hijri bamutabiq 1541 mein Shah Sultai ko diya. Ye qila 1548 mein 7 years ke mukhtasir arsa mein mukamal hua.

Rohtas Fort Architecture: Alaqai toor par Sher Shah Suri ka taluq Afghanistan ke mashoor alaqa "Rawa" se tha. Ye qila dunya ki tareekh mein patharon se banay hue qalon mein saf-e-awal mein shamil hai. Is ki 4 km lambi chori faseel 175 acre par moheet hai. Dina ke nazdeek GT Road se guzartay hue Rohtas Fort ki imarat dikhai deti hai. Is ki deewaron ki unchai 10 se 12 meter hai aur chorai bhi taqreeban 10 se 13 meter hai. Dushman se larai ke doran garam tail aur pani phenknay ke liye deewaron par morchay bhi banaye gye thay.

Interesting Facts About Rohtas Fort: Fun-e-tameer ke lihaz se qila behad khubsoorati ka munh bolta saboot hai. Is qila ke baray mein aik rawayat mashoor hai ke is ki tameer mein jinon aur deviyon ne bhi hisa liya hai magar haqeeqat kya hai ye baat koi nahin janta is liye is baat ko aam admi sirf kahani ke siwa khuch nahin manta hai. Rohtas Fort sirf apni tameer ke hawalay se hi munfarid nazar nahin ata balkeh apne naam ke hawalay se bhi munfarid hai.

Qila Ki Faseel: Is fort ki sub se numayan cheez is ki mazboot faseel hai jis ki unchai 90 se 100 feet ke darmiyan hai.

Doors Of Rohtas Fort: Qilay Ke Darwazay: Is fort ke 12 darwazay hain jo is ki mazbooti aur khubsurati mein mazeed izafa karte hain har darwazay ko dusre darwaze ki nisbat mukhtalif kaam ke liye tameer kiya gaya jo ke jangi hikmat amli ko madnazar karhte hue tameer kiye gye thay.

Secret Paths: Khufiya Rastay: Suna hai ke Rohtas Fort se aik sarung banai gyi thi jo Dehli tak jati thi magar bazahir aisi sarung nazar nahin aati hai magar is mein chand aik khufia raste zaroor hain jo us waqt istimal hote thay magar baad mein un par tawaja na dene ki surat mein ab woh raste band ho chuke hain. In khufia raston mein aik rasta Sheeshi darwaze ke paas hai, dusra Shahi Mahel se Shah Chandi Wali darwaze tak mojood tha. Ye raste Shahi khawateen ya shahzaday wagera use karte thay.

Rohtas Fort Ki Tabahi: Is ki tabahi us din se shuru hoi jub Humayon dobara shahansha ban kar yahan aya. Woh is azeem qilay ko dekh kar heran ho gya. Jub usay maloom hua ke ye qila us ke dushman ne us ke khilaf banwaya tha us ne is ko masmaar karne ka hukam diya magar us ke motmad khaas ke mashware par masmaar na kiya magar hukam ki shan ki khatir khuch hisay gira diye. Qilay ki asal tabahi tab hoi jub Sikhon ki hukumat Punjab mein ayi toy Shahi Mehalat ke andar qeemti pathar ukhar liye gye. Maharaja Ranjit Singh khud bhi yahan bohat arsa muqeem raha magar nuqsan pohanchane mein koi kasar na chori. Aaj is qilay ki kafi tabahi ho chuki hai magar phir bhi ye sabit karta hai ke is ki tameer kis qadar khubsurat hai.

Mohenjo Daro History In Urdu Mohenjo Daro Information

Mohenjo Daro History In Urdu: Wadi sindh ki qadeem tehzeeb ka aik markaz tha. Ye Larkana se 20 km door aur Sukkur se 80 km janoob maghrib mein waqia hai. Ye wadi sindh ke aik aur aham markaz se 400 mile door hai ye shehar 2600 qabal masih mojood tha aur 1700 qabal masih mein namaloom wajuhat ki bana par khatam ho gya. Taham mahireen ke khayal mein darya-e-sindh ke rukh ki tabdeeli, sailaab, bairooni hamla awar ya zalzala aham wajuhat ho sakti hain.
Mohenjo Daro ko 1922 mein British experts asar-e-qadeema Sir John Marshall ne daryaft kiya aur un ki car aaj bhi Mohenjo Daro ke ajaib khanay ki zeenat hai.

Mohenjo Daro

Lekin aik maktaba fikar aisa bhi hai jo is tasar ko ghalat samajhta hai aur us ka kehna hai ke isay Hindustan ke mahir asar-e-qadeema RK Bhandar ne 1911 mein daryaft kiya tha. Mohenjo Daro conservation cell ke sabiq director Hakin Shah Bukhari ka kehna hai ke "RK Bhandar ne Buddism ke muqadas muqam ki haisiyat se is Mohenjo Daro ki tareekhi haisiyat ki janib mabzool karwai, jis ke lag bhag aik ashray baad Sir John Marshall yahan aye aur unhon ne is jagah khudai shuru karwai."
Mohenjo Daro sindhi zuban ka lafz hai jis ka matlab (meanings) murdon ka tayla hai. Ye shehar bari tarteeb se bana hua tha. Is shehar ki streets khuli aur seedhi thien aur pani ki nakasi ka minasib intezam tha. Andazan is mein 35000 ke qareeb log rihaesh pazeer thay. Experts ke mutabiq ye shehar 7 martaba ujar aur dobara basaya gya jis ki aham wajah darya-e-sindh ka sailab tha. Ye shehar united nations ke adara baraye taleem. science aur saqafat Unesco ki janib se almi wirsa qarar diye gye muqamat mein shamil hai.

Kalash Festival In Urdu History Kalash People in Urdu Kafiristan Chitral Valley Kalash Culture

Kalash qabilay se mutaliq kaha jata hai ke ye unani nasal se taluq rakhta hai. Jub Sikander e Azam yahan se guzra tou us ki fooj ke chand sapahiyon ko ye alaqa bohat pasand agaya aur unhon ne inhi paharon main rehna shuru kar diya. Kalash main rehnay wali auratain kala libas hi pehanti hain is ke ilawa kisi dure rung ke kapron ko hath nahin lagatien. Ye samandri ghotghon ke haar, aankhon mein kajal aur rukhsaron par bhi kala tikka lagati hain, in ke balon ya hathon main phool zaroor hotay hain chahay un ka koi festival ho ya khaiton (fields, farms) main kaam kar rahi hon ye isi tarah bani thani rehti hain. Noward (newcomer) ko pehli nazar main in ko dekh kar eid ka tehwar yaad ajata hai.

Kalash Valley Culture
Muslims aur Kalashiyon ke alag alag villages bhi yahan hain. Pehle ye sub Non-Muslims thay magar tablighi koshishion se khuch ko Musalman kiya gaya. Government ne tabligh ke liye yahan sakhti ikhtiyar ki hoi hai. Kisi ko zabardasti Musalman nahin banaya ja sakta, shayad is ka maqsad un ke munfarid kalash culture ko mehfooz rakhna ho. Kalash ki ajeeb-o-ghareeb rasmon main ye bhi hai ke yahan murday ko dafnatay ya jalatay hain thay balkeh khulay taboot main rakh kar us ke gird deewana war raqs kartay thay aur phir khuch dinon ke baad us murday ka gosht janwar kha jatay thay, un ki hadiyan gaon (village) ke kabristan main ja kar dekhi ja sakti hain. Is moqay par 3 din tak rishtedaron ki amdoraft jari rehti aur aur marne wale ke lawahiqeen unhain bakre khila khila kar nidhal ho jatay. Shadi biyan ke moqay par bhi un ke rawaj maghrabi hain (western tradition). Husband wife jub chahain alag ho saktay hain, jub chahain mil saktay hain , is ke liye un ka muashra (society) deewar nahin banta.

Kalash Festival In Urdu: Chilam Joshi Festival Kalash Valley Chitral
Kalash main taleem ka mayar intihai shandar hai. Unani NGOs ki wajah se funds ki kami nahin hoti, achay school ban rahe hain aur ibtidai taleem bhi angreezi (english) main di jati hai. ghair mulki sayahon (International tourists) ka istaqbal ye log engreezi zuban main hi kartay hain. Halaat, asaar aur jadeediat ki lehar dekh kar dar lagta hai ke qadeem door aur saqafat ka hamil ye munfarid qabila apni asliat kho kar madoomiat se dochar na ho jaye.

France History in Urdu Eiffel Tower France Revolution Paris Travel Guide

Eiffel Tower Paris ki pehchan hai, ye lohay ka aik azeem dhancha hai jisay Alexander ne 31 march 1889 mein mukamal kiya tha, ye tower shuru mein sirf 20 years ke liye banaya gaya tha aur is ne 1909 mein khatam ho jana tha, is ki wajah Paris kr log thay, Paris ke log art aur culture ka khubsurat imtizaj hain, ye brush ke zariye pathar ke buton aur koray canvas main jaan daal detay hain, un logon ke samne jub iron ka aik bad surat dhancha khara kar diya gaya tou ye un ke zooq ke mutabiq nahin tha chunachay unhon ne Eiffel Tower ke khilaf ahtijaj shuru kar diya.

Information Of France In Urdu:
Paris ki intizamia is ahtijaj ki taab na la saki lihaza faisla hua ke Eiffel Tower ko 20 saal baad toor diya jaye ga, 20 saal pure hue tou Radio ijad ho gaya, radio ke signals ke liye Paris mein aik unchi building darkar thi aur Eiffel Tower wahid muqam tha jahan se taqreeban pure Paris ko radio signals mil sakte thay, intizamia ne Eiffel Tower par radio ka booster laga diya aur ye booster baad mein Eiffel Tower ki zindagi ban gaya. Aap Qudrat ka kamal mulahiza kijiye lohay ka ye dhancha jisay Paris ke people kabhi kabool karne ke liye tayar thay ye aaj world mein Paris ki pehchan hai aur Paris city mein enter hone wala har insan us waqt tak apni sair ya travel ko muqamal nahin samajhta jub tak woh Eiffel Tower ka nazara nahin kar laita. Ye 10000 ton wazni lohau ka aik dhancha hai jis ki unchai 324 meter hai.

Is tower par daily 1 lack people atay hain, woh tickets hasil karne ke liye 3 hours tab bhi lines mein khare hote hain aur ahishta ahishta chalte hue Eiffel Tower ki peak par pohanchtay hain, is choti se France ka shehar Paris sara ka sara nazar ata hai. Eiffel Tower ki peak wali place dunya ki sub se expensive place hai aur agar French government kabhi is jagah ki nilami ka ilan kare tou ye shayed Paris ki history ki mahengi tareen auction ho. Agar aap world ki is expensive place par jayain tou aap is bulandi par washroom dekh kar hairan reh jate hain, ye aik chota sa washroom hai. Is ke liye 324 meter height tak pani bhi pohanchaya jata hai aur taweel pipes ke zariye ke kaam kiya jata hai. Eiffel Tower ki intizamia ko is kaam ke liye har saal 2 lack Euro karch karna partay hain.

Bila shuba France ke is mashoor shehar Paris mein agar ye tower na hota tou shayed is mulk mein anay wale tourists ki tadad bhi itni zayada na hoti aur na hi is shehar ko puri dunya mein is tarah se jana jata. France ki tehzeeb kafi puri hai par yahan par jadeed door ke nazam maslan railway station, roads aur unchi unchi buildings ne is mulk ko roshniyon ka mulk bana diya hai. Khaas tor par Paris shehar ko puri dunya mein roshniyon ka shehar kaha jata hai aur is ki beautiful constructions ki wajah se dusre pasmanda mulkon mein rehnay wale log is hasrat mein rehtay hain ke kash woh apni zindagi mein apne mulk ki cities ko bhi Paris ki tarah khubsurat hota hua dekh sakain.

Hyderabad History in Urdu Hyderabad Historical Places For Tourist Informtion

Hyderabad History in Urdu India ka ganga jamuna river ho ya phir darya-e-sindh. Zamana qabal masih mein isi sindh river ke kinare "Patala" nami basti abad thi. 326 qabal masih mein jub Sikandar Azam ne punjab par hamla kiya us waqt bhi is basti ka wajood qaim tha. Ye wohi basti thi jo taqreeban 216 saal pehle Neron ki pahari par banai gayi. Pahari ke charon taraf nehrain, jheelain aur jungli hayat se bhare hue junglat thay.

Basti Neron mein logon ki dilchaspi mein us waqt mazeed izafa hua jub pahari par qila tameer hua. Us door mein Neron se 2 bari shahrah nikalti thien. Un shahrahon se mutaliq morakh likhte hain ke aik shahrah Agrah, dusri Al-Mansor se hoti hoi Multan tak jati thi.

Hindustan mein East India company ke roop mein jub angreezon ne ahista ahista apna tasalat qaim kiya tou english tourists, officers ki dilchaspi hyderabad mein is qadar barhi ke aksar woh talpur hukmaranon ke khas mehman bantay. Sir Charles ne darya-e-sindh, thar ke sehra aur qila hyderabad ke ird gird ka jaeza lene ke baad un se tajarati muahday kiye.

1842 mein Talpur hukamranon ki janib se ahd shikni ka ilzam laga kar shehar par angreezon ne fauj kushi kar di. 14 february 1843 mein angreezon ne Talpur hukamranon ko apna ghulam bana kar Kolkata rawana kar diya aur khazanon par apna pehra laga diya. Us waqt qilay ke andar 20 houses mojood thay. Mehal mein fauj tehrai gayi aur qila ke andar se angreezon ko 2 carore 30 lakh cash aur 10 lack ki jewelry hasil howe. Ibtida mein British Army qila mein muqeem rahi. 1851 mein Hyderabad ke shumal maghrib mein fauji chaoni ki tameer shuru hoi aur 1856 tak afwaj ke liye bari bari military barracks tayar hoien. 1873 mein Hyderabad Bombay subay ka hisa ban gaya. 1878 mein 10000 nafos ki abadi hone ki wajah se Hyderabad ko municipality bana diya gaya. Bombay act ke teht isay city municipality ka darja diya gaya.

Qayam-e-Pakistan ke baad Hyderabad ne aik aur karwat li. Azadi ka suraj talu hote hi shehar mein nayi ruh agayi. Is shehar ki tarteeb rawayati hai lekin apne akabreen aur apni rawayat ki pasdari yahan ke shehriyon ki asas hai. 1951 mein mahajareen ki abadkari ka silsila shuru hua tou sarkari satah par aik satellite town ka qayam amal mein aya lekin baad mein us ka naam Shah Abdul Latif Bhitai ke naam se Latifabad mosoom kar diya gaya. Isi tarah Sindh ka fateh Muhammad Bin Qasim ke naam par Talpur hukmaranon ki shikargah par Qasimabad bana.

Husn ittefaq ye hai ke urdu bolne walon ki aksariyat Latifabad mein jabkeh Sindhi zuban bolne wale Muhammad Bin Qasim ke naam par abad Qasimabad mein abad hain. Donon alaqon ke wust se aik shahrah thandi sarak hyderabad guzarti hai. Shehar ka darja hararat khuch bhi ho yahan ka mahol hamesha farhat afza rehta hai. Hyderabad mein sair-o-sayahat ke liye kirthar national park sindh aur rani bagh jesi tafrehi places mojod hain.

Hiran Minar History In Urdu Information Hiran Minar Pictures Sheikhupura In Urdu

Hiran Minar Ki Tarikh Hiran Minar Pictures: Hiran minar Pakistan ki tareekhi emarat mein se aik mashoor imarat hai jo apne khas mahal e qaqu, mahool , kushadgi, fan tameer aur wajah tameer ki wajah se khas shoshrat ki hamil hai. kaha jata hai ke jahan geer badshah ne apne hiran hans rah ke marnay ke baad aik yadgar minar tameer karwaya takay us ke paltu aur azeez hiran ki yaad hamesha qaim rahe aur tareekh mein us hiran ko aik khas muqam hasil ho jaye.

Hunza Valley in Urdu Hunza Valley Travel Guide Hunza Nagar

Beautiful Hunza Valley: Gilgit se thoray faslay par hunza valley shuru hoti hai. Nothern Areas ki ye beautiful valley jisay dekhne dunya bhar se tourists garmiyon mein khas kar bari tadad main atay hain. Hunza khubsurat aur historical place hai yahan tourists ke liye bunyadi zarooriyat ki taqreeban har cheez mojood hai. Gilgit se taqreeban 24 hours ke distance par us khubsurat wadi ka sadar muqam Kareem Abad hai aur sub se pehle Rakaposhi ka haseen manzar nazron ko apni taraf kheench laita hai. Baraf posh pahar jis ke daman mein har qisam ke lazeez khanon aur raat guzarne ke liye hotels mojood hain. Agar room na milay tou apne tent laga kar bhi qayam kiya ja sakta hai. 14th ka chand ho ya din ko asman saaf ho tou Rakaposhi ka manzar bohat pyara lagta hai.

 

Jub bhi Hunza jana ho Rakaposhi ke daman mein thori dair ke liye ruk kar aur khubsurat manzar ko apne camera, dil aur dimagh mein mehfooz kiya jaye tou ye nazara pure safar ki thakan door kar sakta hai. Rakaposhi ka nazara aap kayi jagahon se kar sakte hain magar us ke daman mein kefiyat hi khuch aur hai. Hunza Valley mein jagah jagah tourists ke liye hotel aur cafe mojood hain. Hunza ke fruits aur khas kar saib (apple) bohat famous hain. Yahan ke people bhi bohat khubsurat hain, surkh gulab jese chehre, parhay likhay, jagah jagah schools aur hospitals hain. Yahan par log alaqay ki taraqi aur khushali ke liye sciency bunyadon par hukumat aur NGO's ka sath dete hain. Yahan aap community participation ke aisay aisay kaam dekhain gey jo aap ko shayed kahin aur na milain.

Hunza ke qareeb aik chotay se village mein logon ne apne liye pul (bridge), school, bijli aur degar bunyadi zarooriyat ki cheezain apni madad aap ke teht bana rakhi hain aur woh kisi cheez ke liye kisi ke mohtaj nahin. Hunza jatay howe saib ke baghat safar ko aur bhi haseeb bana dete hain. Karakoram highway ki construction se alaqay ki development mein izafa hota raha. Hunza Kareem Abad se agey chalte hain tou rastay mein beshumar khubsurat village atay hain. Hunza kareem abad ke samne Nagar ka area hai Kareem Abad ki nisbat yahan log parhe likhay kam hain magar log bare mehman nawaz hain.

 

Hunza Nagar se agey shumal ki wadi ati hai. Yahan se hote howe aap Susat ke muqam par pohanch jate hain. Jahan China se anay wale saman par custom lagta hai aur custom clearance ke baad ye Gilgit ata hai. Hunza mein mewa jat aur qudarti husn beshumar hai, isi wajah se Hunza ne Pakistan ki sahayat mein numayan muqam hasil kar rakha hai.

Hot Water Springs in Pakistan Travel Guide Tatta Pani Garam Chashma

Dunya mein bohat kam mumalik hain jo Pakistan jese qudarti husn se mala maal hon, yahan taweel jungle, qadeem tehzeeb ke asaar, purane qilay, masjidain, mazaraat, barfilay paharon ke haseen silsilay mojood hain, magar hum moor ki tarah hamesha apne paon dekh kar rotay rehtay hain. Ye qudrat ki fayazi hai ke baraf posh paharon ke ke neechay bhi garam chashmon ke ubaltay pani bhaap uratay hain, pani zameen ke neechay hamesha nahin rehta balkeh jahan moqa milay woh phoot parta hai, aisay hi ye chashmay satah zameen se kisi shagaf ke zariye rasta bana letay hain. Mountains aur deserts mein ye chashmay aik azeem naimat hain aur wahan basnay wale log Khuda ka shukar ada karte hain, baaz places tou aisi bhi hain jahan un chashmon par seekron door se khawateen apne matkay bhar lay jati hain aur usi se janwar apni pyas bhujatay hain. Karachi se Hyderabad Highway androoni raston mein kayi aisay villages abad hain jahan is qisam ke manazir aam hain. Karachi mein Manghopir ka alaqa bhi garam chashmon ke liye maroof hai.

 Beautiful Rest House in Neelum Valley

Rawalpindi se Kotli ka safar haseen hai, subah ki pehli kirnain tourists ko taza dam rakhti hain, kotli se tattapani sawa ghantay ki musawat par hai. Yahan chinar aur deodar ke darakht nazar atay hain, lest side par dekhain tou un mashoor chashmon ki jhalak nazar aati hai jahan door daraz se anay wale log ghusal kar ke shifayab hote hain, Ye hot springs na sirf Kashmir balkeh Pakistan bhar ke logon mein maroof hain, yahan mukhtalif garam ubalte pani ke chashmay, kam garam aur kayi tou aisay bhi hain jin mein hath dalain tou jhulas jayain.

Maine aik shakhs se baat ki tou us ne aadhi angreezi mein bolna shuru kiya.

"Main you England mein rehta hon wahan London mein hamara khandan hai. Ye chashmay hamare baap dada ke zamane ke hain, unhain jub bhi koi bimari mehsoos hoti woh yahin ka rukh kartay thay. Ye ajeeb baat hai ke mujhe jub bhi joron ka dard shuru hota hai wahan hazaron pounds kharch kar ke bhi araam nahin aata lekin is Tatta Pani ki kya baat hai, main ghoray ki tarah fit ho jata hon."

In bhaap uratay chashmon ki aik aur jagah chitral mein bhi hai jis ka naam bhi garam chashma hi hai, mausam sarma mein chitral pohanchne ka tasawar mumkin nahin hai, sakht baraf bari ke baes zameeni rasta band hota hai par hawai jahaz ke zariye pohancha ja sakta hai magar Garam Chashma pohanchne ke liye mausam ki qaid nahin, yahan log june, july mein bhi sair-o-tafreh ki gharz se atay hain, ye chitral shehar se sirf 45 km ke distance par hain. Chitral ki buland tareen baraf posh choti Tirich Mir se subah ki thandi hawain utartay hi safar ke liye nikal jana chahiye, pakki aur saaf suthri sarak ke kinare unchay darakht saya kiye rehte hain, Chitral ke bazaar aur bridge aboor karte hain driver ka mood acha ho jata hai aur woh sawariyon ko dekh kar purane geet on kar deta hai.

 

 

Chitral ke konay mein chupa ye haseen village khamoshi mein dooba rehta hai, baraf posh pahar par mausam tabdeel hota rehta hai. Kabhi achanak garmi ki lehar chalne lagti hai, Garam chashmon ke gird baithay bachay khane peenay ki cheezain baichnay ke liye jeep ke peechay bhagne lagte hain. Yahan bazaar mein chand dukanain hain jahan qehwa milta hai aur in dukanon mein Chitraliyon se zayada Afghaniyon ki amad zayada hai, un mein zayada tar woh mujahideen hain jo bila rook took sarhad ke is paar atay hain, rehnay ke liye yahan hotels bhi hain jin ke maalkaan ka dawa hai ke un ke kamron mein garam chashmay ka pani pipe lines se aata hai, yahan se Afghanistan ki sarhad qareeb hai jis ka province badakhshan is alaqay ke sath lagta hai is wajah se ye alaqa Pakistan ka hisa nahin lagta.

Yahan in pahari alaqon mein bohat si aisi places hain jahan aram pani milta hai. Kitni hayran karne wali baat hai ke baraf bari mein bhi in chashmon ka pani ubalta hai. Chashmon ka pani kahin neem garam aur kahin intihai garam ho jata hai is liye ahtiyat lazmi hai.

Fort Munro Hill Station Travel Guide Beautiful Places In Dera Gazi Khan

"Yahan tou koi nahin aata, aap kon si government se aye ho?" Fort Munro ke wirane main aik bazurg ne mujhe ajnabi jaan kar sawal kiya. "Main sair-o-sayahat ke liye aya hon."
"Lekin ghoomne ki jagah tou Lahore hai, aap wahan jao, wahan tou koi bhooka nahin marta, hum tou anaaj ke liye taras gaye hain."

Woh shayad batooni tha, us ne asman ki taraf dekhte howe kaha. "Sayeen hum tou ghulamon ke ghulam hain. Hamare alaqay par waderon ka qabza hai, is se pehle angreez thay, par woh khana tou dete thay. Hum ne baray lashkar main ja kar larai ki par kya faida howa sayeen? humain tou aaj tak khuch nahin mila.

Fort Munro ki choti si abadi main us shakhs ki baton main sub ka dard chupa tha. Yahan ke log baqi mulk se alag thalag zindagi guzarte hain.

Mausam sarma ki baraf bari ke liye Murree ke ilawa bohat kam log jante hain ke un ke paas aisi places bhi hain jo un ke qareev tar bhi hain aur jahan pohanchna intihai asaan bhi. Punjab aur Balochistan ke sangam par waqiya aik ghair maroof hill station Fort Munro aisa hi aik tourist point hai jahan june july main bhi thandi hawain istaqbal karti hain.

 Fort Munro D.G. Khan Picture

Janobi punjab ka ye wahid buland tareen muqaam hai jahan Dera Ghazi Khan, Multan, Muzaffargarh aur Rajanpur ki garmi se nikal kar Fort Munro sirf 3 se 4 hours main pohancha ja sakta hai, khasosan Dera Ghazi Khan se 80 km ke distance par hamari manzil khubsurat heeray ki tarah jhilmila rahi hai.

Sindh aur Karachi ke bashinday air conditioned coach ke zariye 600 - 700 rupay karaya de kar Rohri, Kashmore ke raste 10 se 12 hours main pohanch sakte hain. February ki khubsurat morning main ye safar aur bhi pyara ho jata hai. Sarson ki pehli khushbu mehsoor karne lagti hai. Raste main anay wale shehar khuch dair ke liye mood ko kharab kar dete hain magar zara dair baad hi ghanay darakhton aur kheeti bari ka silsila shuru ho jata hai.

Lake In Fort Munro Image

 Sar sabz baghat se guzarti bus jub dopehar ke khane ke liye rukti hai tou dil faraib fiza tourist ko Pakistan ki tareef karne par majboor kar deti hai. Barish ho to mausam aur bhi khubsurat ho jata hai aur phir Multan jesa shehar main bhi thandi hawain lehrati hain. Sham ki khunki main khajor ke darakhron ke saye bharh jate hain. Shehar ke maghrib main Koh-e-Suleman ka pahari silsila phela howa hai. Yahan aik hi waqt main sehra ki dhool urti hai tou dusri taraf darya-e-sindh main dolphin ka raqs nazar aata hai. Koh-e-Suleman ke mountains fog se bharne lagtay hain tou kabhi Sakhi Sarwar ka mazar mast kar deta hai.

Fort Munro jane wali sarak Quetta road kehlati hai. Is rastay par chotay qad ke pahar nazar atay hain jahan garmiyon ke mausam main tapish bohat zayada barh jati hai. Is raste main jagah jagah bridge banaye gaye hain warna barishon ke mausam main sari sarak beh jati hai aur traffic kayi din mautal rehti hai. Khuch dair baad hi Rakhi ka muqam aata hai yahan khajoron ke darakhton ke neechay khana badoshon ka qayam rehta hai. Ye log hairat angaiz toor par zameen khood kar us ke andar rehtay hain aur uper se khajor khi chaal aur pattay daal detay hain. Rakhi se aik aur pahari silsila shuru hota hai aur raste main anay wale mod intihai khatarnak lagne lagte hain. Baaz auqat Kaghan Naram aur Chitral ki sarkain yaad aa jati hain. Aik ke baad aik U Turn dekh kar khuch log wapsi ki rah laitay hain magar woh log jin ke dilon main umeed ke chiragh roshan rehaty hain, apni manzil ki taraf safar jari rakhte hain. Is jagah par jhukay howe khookhlay pathar gariyon par girtay rehtay hain aur kahin kahin rasta intihai dushwar guzar ho jata hai. Gari ke tire se gehri khai main pathar girne lagte hain. Is adventure ka apna aik lutf hai. Dusre raston ki tarah is road par bhi bohat sare maal bardar truck ahishta raftar se safar karte rehte hain. Ye Quetta to Dera fruite lay kar jatay hain. Ye driver apni jaan hatheli par rakh kar safar karte hain. Fort Munro se pehle khar ki pasti ajati hai. Yahan se gariyan Loralai tak safar karti hain magar is se pehle aik buland hota howa rasta Fort Munro ki taraf murta hai. Khar ke bazar main Kabaili Baloch chaye peetay nazar atay hain. Mehman un ke liye rehmat hain. Khar ke bazar main dumbay ka gosht intihai lazeez milta hai.

Yahan se adhay ghantay ke fasle par Fort Munro ke forests shuru ho jate hain. Saru ke darakhton se ghiri khubsurat saraf aik buland muqaam par ikhtitaam pazeer ho jati hai. Door tak pheelay junglat hairan kar dete hain aur pehla khayal yehi aata hai ke is ilaqay main tourism ke hawale se work kiya jaye tou log Murree bhool jayain magar sawal yehi paida hota hai ke is pasmanda khitay ki abyari karne wale log hi kitne hain. 7000 foot buland is muqaam par pohanchte hi tourist musarat deedni ho jati hai. Yahan rehne ke liye rest houses bhi hain jin ke rooms thande rehtay hain Dera aur Multan ki garmi ke sataye howe log is bulandi par aatay hi phool ki tarah khil uthtay hain. Yahan aik jheel bhi hai jisay Demas Lake kehtay hain. Sayah jub sham ke lamhon main utarte howe saye main yahan pohanchta hai tou mahol pur israr ho jata hai. Har taraf khamoshi ke is raj main kabhi kabhi parindon ki cheekhain sunai deti hain. Din jald hi dhal jata hai. Sardiyon ki raat hamesha udas kar deti hai. Hotels, Restaurants ki kami aur jadeed bazaar na hone ke baes bohat hi kam log yahan thehr pate hain.

 Wallpaper Fort Munro Pics

Raat ke is andhere main kabhi barf bhi girne lagti hai jis ki khubsurati dekhne wala koi nahin hota. Subah ki kirnain aik talismi manzar paish karti hain. Aftabi roshni main barf ka chirkao hairan kar deta hai. Sare trees, pahar aur Demas Jheel ke paas barf ki chadar par jati hai. Baraf se dhuli subha main jungli phoolon se tapakte shehad ki khushbu bharpur zindagi ka ehsas dilati hai. Bazaar se left side par aik kacha rasta park ki taraf nikalta hai. Yahan Munro ki qabar hai. Ye park aik unchay mukam par waqaya hai. Yahan se puri wadi ka khubsurat nazara kiya ja sakta hai. Targhol ke qareeb aik aabshar bhi hai jisay Payala Abshar kehtay hain. Jheel ki dusri taraf aik naya jungle shuru ho jata hai jis ki jhariyon main chupi rangeen chirya geet gane lagti hai. Ghoomte phirte sard aur barfeeli hawa ka ehsas jata rehta hai. Cheer ke darakhton talay Gora Kabristan main barf ki chadar bichi dikhai deti hai jahan aik baar phir General Munro ki qabar par nazar jati hai.

Ziarat Balochistan Travel - Ziarat Ka Safar

Karachi ki purani sabzi mandi ke stop par Quetta janay wali gariyan sayahon ki muntazir rehti hain jo sirf 10 se 12 hours ki musafat ke baad quetta shehar main dakhil ho jati hain, apne kisi zaroori kaam ya jal pohanchne ki khatar ye safar behtar hai magar ghoomne phirne wale train ko tarjeh detay hain. Pakistan railway ki karkardgi kisi se dhaki chupi nahin hai is liye aam toor par musafir zehni aur jismani toor par tayar ho kar atay hain. Un ke saman main 2 se 4 din ka rashan bhi hota hai. Kya pata train kitni lait ho, Karachi ki gehma gehmi se nikal kar kotri ke bridge se guzarne ke baad hyderabad se khana mil jata hai. November ki sard shamain hon tou rail ke safar main aik garam chadar zaroor rakhna chahiye.
Rohri sukkur stop par hamesha ronaq lagi rehti hai. mulk bhar ke musafir aik dusre se miltay hain. Thande pakore aur jali mashrubaat baichne wale khoob munafa kamatay hain. Sukkur aur Jacobabad ki raat se guzar kar rail jub kolhapur ke yakh basta station pohanchti hai tou fajar ki azan hone lagti hai. Ye aik haseeb subah ka aghaaz hai. Tourist jub train ki window se bahir jhanka hai tou suraj ki naram naram kirnain ahishta ahishta zameen par utarne lagti hain. Bogi main soye howe log jacket, garam chadar aur kambal main lipte dikhaye detay hain aur un ke darmiyan koi chaye wala guzarta dikhayi deta hai. Chaye pee kar thori dair bahir bhi nikla ja sakta hai yahan 2 engine dikhaye lagte hain, gari hamesha ki tarah late ho jati hai. Village ke masool aur surkh-o-safaid bachay phal farokht karne ke liye aan pohanchte hain.

 Apple Trees Of Ziarat

Ziarat ka safar hartay howe mukhtalif log dikhayi detay hain. Kachla se agey apples ke gardens ka silsila shuru ho jata hai. Hawa main khushbu si ghul jati hai. Phir sanober ki jadoo nagri shuru hoti hai. Yahan khushbudar jungle ke sath sath teez hawayain bhi istaqbal karti hain. Yahan choti choti pahariyan hai par in ke paas darya hain na gehri khaiyan, lihaza raste ki khatarnaki mehsoos nahin hoti. Yahan khuch fasle par aik dam bana howa hai jo winter main snow se dhak jata hai faran tangi dam kehtay hain. Is dam se pipes ke zariye water ko abadiyon tak pohanchaya jata hai. November se february tak yahan mausam bohat sard hota hai is liye logon ki kami ke baes yahan hotel ke rooms ke rent bohat neechay ajatay hain.

Yahan Murree ki tarah ki jadeediat ke saye hain na fashion parade hoti hai, maal road ki tarah yahan tikkon, charghon, coffee, icecream ke stall bhi nahin hain magar sadgi main bhi aik ajeeb husn hai.

"Kya wajah hai ke Murree ki tarah Ziarat woh shohrat hasil na kar saka jabkeh ye bhi Pakistan ka aik haseen tareen gosha hai?"

Mere is sawal ka jawab dete howe Quetta ke aik businessman ne kaha.

"Bhai sahab! ye aik pasmanda elaqa hai yahan tak pohanchne ke liye bari mushkilat hain. Pehle kisi zamane main tou ye ziarat karachi walon ka pasandeedah tareen muqaam tha aur chuttiyon main tou yahan bohat rush hoya hai magar subay ke halaat ne sub ko tashweesh main daal diya hai, Sub preshan hain. Murree tou aap shehar shehar ghoomtay pohanch jatay hain aur darul hakumat se aik ghantay ke faslay par hai magar ziarat aik kabaili alaqa hai yahan log parhe likhe nahin hain, zayadatar zameendari ka kaam kartay hain.

Ziarat ki wajah tasmiya Kharwari Baba ka mazaar hai jo sanober ke junglaat main chupa rehta hai. Ziarat ka naam suntay hi Quaid-e-Azam ki akhri qayam gah dekhne ki khawahish ubharti hai. Ye emarat 1892 main tameer ki gayi thi.

 Ziarat Valley

 Ziarat Balochistan Picture

Ziarat shafaf chashmon ke baes behad dilchasp hai, subah ki thandi hawain gungunanay lagti hain, garam chadron main lipte muqami afrad qehwe ki payali uthaye sayahon ko dekh kar muskurane lagte hain. Yahan log zayada tar baghat ka kaam bhi karte hain, sara elaqa sanober se ghira howa hai. Baraf bari khatam hote hi yahan khushbuwain phutnain lagti hain. Dunya ka dusra bara sanober ka jungle inhi alaqon main hai. In ko dunya main sub se sust barhne wala darakht qarar diya gaya hai. February tak yahan sakht sardi parti hai, barf har cheez ko chupa laiti hai. Ziarat se sirf adhay ghantay ki musafat par Zizri village ki sair ki ja sakti hai. Yahan phool aur phalon ki mahek fizaon main rachi rehti hai. Gungunatay jharnay ain raste main qadam rok laitay hain. Garam maidani alaqon se anay wale tourists unhain dekh kar khushi se jhoom uthtay hain. Isi gaon main khalifat ki pahari sar uthaye khari hai. 

Us taraf janay ke liye zara paidal chalna parta hai. Aaj yahan November ka mahena hai ab baraf girnay main 2 - 4 haftay baqi hain. December ke start main yahan ye pahari jis par khara main ye haseen paharon ka nazaron kar raha hon ye bhi bark se dhak jayain gey aur ye sare sanober ke darakht baraf ke bojh se mazeed jhuk jayain gey. Ye gehre doston ki tarah aik dusre ka hath thamay sadyon se khare hain. Koi taufan, koi zalzala inhain apni jagah se nahin hila saka.

How To Reach Swat Valley Pohanchne Ke Rasta

Swat Pohanchne Ke Raste:

Swat pohanchnay ka sub se asaan aur zayada use hone wala rasta Mardan aur Malakand Pass se guzarta hai. Is raste se aap rawalpindi islamabad se taqreeban 5 hours main M-1 motorway par safar kartay howe pehle mardan aur phir wahan se Dargai, Malakand Paas aur Batkhela se hote howe Mingora pohanchte hain. Pishawar se anay wale tourists Noshehra ke raste Mardan pohanchte hain aur phir wahan se uper bataye gaye raste ko istemal kar ke Mingora pohanch sakte hain. Rawalpindi Islamabad se Mingora ka fasla 247 km aur peshawar se 151 km hai.

Swat jane ke liye aik qadre lamba magar khubsurat rasta Shangla Pass ke zariye Swat main dakhil hota hai. Ye rasta un tourists ke liye mozoon hai jo Gilgit Baltistan ya phir Kaghan Valley ki taraf se swat arahe hon. Is raste se aap Thakot aur Basham ke rastay Shangla Paas ki taraf safar kartay howe Khawaza Khela pohanchte hain. Bisham se Khawaza Khela ka distance 69 km hai magar saraf jagah jagah tooti honay ki wajah se ye fasla tay karne main 3 hours se zayada time sarf ho sakta hai. Ye sara rasta beautiful nature places se bhara para hai. Magar dushwar guzar hone ki wajah se kam tourists idhar ka rukh kartay hain.

Public transport ke zariye swat ka behtareen tareeqa deawoo ki bus service hai. Deawoo company ki araam deh air conditioned bus rozana Lahore, Rawalpindi aur Peshawar se baqaedgi ke sath rawana hoti hai. Isi tarah wapsi ke liye bhi in ki rozana bus service mojod hai. Mazeed malumat ke liye phone number 111-007-008 aur 0946-729101-6 par contact kar sakte hain.

Agar aap apni car par travel karne ka irada rakhte hon tou behtar ho ga keh aap 4 wheel drive car par safar karain kyoun keh balai swat ke baishtar muqamat ki sarkain guzashta saal ke flood ki wajah se toot phoot ka shikar hain, jiski wajah se sayahon ko in muqamat tak pohanchne main khuch dushwari ka samna karna par sakta hai. Agar aap sirf zareen swat ki sayahat par arahe hon tou phir kisi bhi gari par safar kar saktay hain kyoun keh zareen swat ki sari roads ki halat kafi behtar hai.

Agar aap public transport ke zariye swat ayain ya apni car ke zariye mingora pohanchain, balai swat yani Madeen, tou Behrain aur Kalam janay ke liye aap ko har tarah ki cars ba asani rent par mil jati hain. Behtar ye ho ga keh swat ke muqamat par janay ke liye aap 4 wheel drive gari ka intikhab karain. Mingora main chand qabil aitmad Rent A-Car Companies ke phone numbers yahan se hasil kiye ja saktay hain.

Climate Swat Weather Swat Valley Ka Mausam Snowfall Expected

Swat Ka Mausam:

Swat valley ke weather ko hum 2 hison main bant saktay hain, aik zareen swat aur dusra balai swat ka mausam. zereen swat main saal ke bohat sare months main weather nihayat khushgawar rehta hai. June, july qadre garam mahenon main shumar hotay hain magar in maheenon ki shamain phir bhi khushgawar hoti hain. Zereen swat main mausam garma main zayada se zayada darja hararat 38c tak jata hai.

Balai elaqon main garmiyon ka mausam intihai khushgawar hota hai. Behrain, Miandam aur Kalam wagera main tou achi khasi khunki hoti hai aur garam kapron ki zaroorat mehsoos hoti hai. Balai elaqon main zayada se zayada darja hararat 24 se 26 c ke darmiyan rehta hai. Balai elaqon main september ke akhir se march ke shuru tak shadeed barf bari ka silsila jari rehta hai. Jis ki wajah se sardi ki shiddat main bohat izafa ho jata hai. Baraf bari ki wajah se bohat se elaqon ka zameeni rabta kat jata. Sardiyon main darja hararat 0 se -8 tak gir jata hai. Swat main zayada tar barishain february, march, april aur august main hoti hain jis ki salana ausat 32 se 36 inch rehti hai.

Swat ke sayahat ke liye aap yahan saal ke kisi bhi hisay main aa saktay hain. Agar aap sar sabz aur shadaab wadiyon ka nazara karna chahtay hain tou may se september tak ka mausam behtareen hai. Agar aap spring season ke khubsurat rung dekhna chahtay hain tou march aur april main ana munasib hai, Agar aap khizan ke sunehre rang fiza main bikhartay dekhna chahte hain tou october aur november ke mahenay behtar hain aur agar aap barf bari ke khunk mosam se lutf andoz hona chahte hain tou jan - feb ke months main swat ki travel aap ki zindagi ka aik yaadgar experience ho sakti hai.

Hotel Rates in Swat Distance From, Swat Telephone Numbers Area Code Zip

Ye kis qadar bad kismati ki baat hai ke Pakistan main Swat mojod hai magar log yahan anay se katra rahay hain. Ye haqeeqat hai ke khuch arsa pehle tak swat jung ki zad main tha, picnic points main werani thi, schools bamon seura diye jatay thay magar pak army ke mukamal operation ke baad is ki ronaqain bahal ho chuki hain, Darya ki rawani main machliyon ka raqs jari hai.

Spring Season ke in days main unchay alaqon main fruites aur flowers ki mahek phaili hoi hai aur sub se barh kar sarkon ki tameer ka kaam jari hai. Ye sarkain jung aur us ke baad tabah kun flood ke baes intihai toot phoot ka shakar thien, Aaj yahan traffic rawan dawan, security ka system intihai chokas hai, jis ke baes muqami afrad pehle se khush hain. Mingora aur Saidu Sharif ki streets aur mohallon main logon ki amd-o-raft jari hai.

Bay Fikri se shopping karti swat ki khawateen ki amad shuru hain. In chuttiyon main sub se behtar tourist point ke toor par swat ka intikhab na sirf aap ko balkeh muqami afrad ke liye bhi musarrat ka baes ho ga kyoun keh tourists ki bharpur amad se hi un ka guzara hota hai.

Swat aik khubsurat muqaam hai jahan jo qudarti nazaron se mohabbat karnay walon ke liye lajawab place hai. Swat ki History bhi yahan ke khubsurat sar sabz paharon ki tarah kashiah rakhti hai. Swat ke har sayahti muqam par har mayar ke hotel tourusts ko qayam-o-ta'aam ki sahulat faraham karnay ke liye mojod hain. 

Guest Houses Rest House Hotel Rates In Swat Valley:

Hotel main raat ko qayam ke rent 300, 400 rupees se lay kar 3000 se 5000 pak rupees tak hain. Ye aap par munhasir hai ke aap ka budget kya hai aur aap kis tarah ki sahulatain aur mayaar pasand kartay hain. Middle Class jarjau ke tourists hotel aam toor par 1500 se 2000 rupees daily par available hain. Aik waqt ke khany ke nurkh 50 rupees se 500 rupees tak ho saktay hain. Swat ka sub se maqbol aur cheap khana chapli kabab aur tanduri naan hain jin ki 2 shops taqreeban har shehar aur district main mojod hain. 

Swat Valley

All Hotel List In Swat:

1) Serena Hotel Swat Telephone 0946-711637-41

2) Rock City Hotel Fizagat, Mingora 0946-813731-35

3) PTD Hotel Saidu Sharif 0946-9240157

4) White Palace Hotel, Marghzar 0946-865270

5) Swat Continental Hotel, Makanbagh Mingora Swat 0946-711399

6) Swat Regency Hotel 0946-816444

7) Mountain Inn Guest House, Manglor 0946-835402

8) PTDC Hotel, Miandam 0946-9240157

9) Sangam Hotel, Kalam 0946-830015, 83016

10) Walnut Heights Kalam 0946-830222, 830111

11) Jungle Inn Hotel Kalam 0946-830282, 830272

Mingora Main Chand Qabil Aitbar Rent-A-Car In Swat:

• City Rent-A-Car ph no 0946-729293, telenor mobile number 0345-9512008 
• Swat Rent-A-Car Phone Number 0946-700325, 0301-8537508 
• Zahid Hussain Rent a car 0302-8571994

More Important Phone Numbers of Swat:

1) PTDC Tourist Information Center, Saidu Sharif: 0946-9240159 

2) DCP Swat: 0946-9240340 

3) Police Station, Mingora: 0946-9240382 

4) Police Station Saidu Sharif: 0946-9240398 

5) Central Hospital, Saidu Sharif: ...................... 

6) Deewo Bus Service Mingora: 0946-729102-6 

7) Skyways Bus Service, Mingora Telephone Number: 0946-862244

8) TCKP Tourist Information Center, Peshawar 

9) PTDC Tourist Information Center, Rawalpindi ph 051-9272017-18 

10) PTDC Tourist Information Center, Islamabad 051-9202766, 8202760 

11: Sawat Musuem: 0946-9240305 

Swat Area Code 946

Important Travel Information For SWAT Valley
Places			Distancese			Time			Road Conditions
Peshawar to Mingora			151 km			3-1/2 Hours			Achi Pukhta Road
Islamabad to Mingora			247 km			5 Hours			Good
Mingora to Saidu Sharif			2 km			5 min			Good
Mingora to Malam Jabba			45 km			2-1/2 Hours			Pukhta road par chand jagah kharab hai
Mingora to Marghzar			13 km			30 min			Sarak pukhta par khuch jagah se kharab
Mingora to Miandam			56 km			2 hours			Pukhta road par chand jagah kharab hai
Mingora to Madin			56 km			2-1/2 hours			Pukhta road par chand jagah kharab hai
Mingora to Bahrain			66 km			3 hourss			Jeep Road
Mingora to Kalam			96 km			6 to 7 hours			Is sarak par jeep ke zariye jaya ja sakta hai
Mingora to Ushu			08 km			1 hour			Pukhta road par chand jagah kharab hai
Mingora to Mahudhand			27 km			2-1/2 hours			Jeep Road
Mingora to Atrot			16 km			2 hours			Jeep Road

Route Map Motorway Pakistan Travel Guide Information M1 M2 M3

Punjab ki behtareen sarak jisay motorway M2 ka naam diya gaya hai, mukhtalif tareekhi aur tafreehi muqamaat se guzarti hai, 367 km is taweel sarak ke deedar main tourists GT Road ke hungamon se bachtay pur sakon safar kartay hain, Motorway par aik aramdeh safar hota hai. Is rastay Kala Shah Kaku se safar ka aghaz hota hai, is ke baad Sheikhupura, Khanqah, Dogran, Kot Sarwar, Pindi Bhattian, Saalam Lilla, Kot Momin, Kallar Kahar ki haseen tareen wadi husn se mabhot hotay Bhakar aur Chakri ke rastay Pindi pohanch jatay hain.

Jub motorway ki tameer aur takmeel hoi tou is ke baray main tarah tarah ke khadshat ka izhar kiya gaya tha keh qomi khazana khali ho gaya hai hamara mulk motorway ki ayashi afford nahin kar sakta is se kahin behtar tha ke G.T Road ki halat zaar par tawaja de jati aur darasal ye sirf is liye tameer ki gayi hai Prime Minister aur un ke ahl khana is par apni sports cars doratay phirain lekin ab ja kar ehsaas hota hai ke qomi khazana tou youn bhi khali hona tha aur ghair mulki qarzon main bhi izafa hona tha aur ye raqmain hamesha ki tarah janay kan mansubon par kharch honi thi ya khurd burd ho jani thi tou kya hi acha howa ke motorway tameer ho gayi jo kam az kam dikhayi tou deti hai.

 Pakistan Motorway Pictures

Ye rasta M1 Motorway Pakistan ke naam se Peshawar tak chala jata hai, aik cross junction se barasta Pindi Bhattian Faisalabad ke historical shehar bhi pohancha ja sakta hai. Sial More Interchange ke zariye Sargodha ki taraf bhi rasta nikala gaya hai. Asia main ye wahid sarak hai jis par bohat zayada lagat ayi hai. Khewra salt range ke buland pahari ilakon par pul bhi banaye gaye hain, is ke ilawa sub se interesting baat yahan barah-e-rast Pakistan Air Force ke fighter jets ki uraan dekhi ja sakti hai jo sarak ke aik hisay ko runway ke toor par istimal kartay hain. Isi sarak ke rastay aik choota sa gaon "Gah Village" waqaya hai is gaon se Chakwal ke log bhi waqif nahin thay magar 2004 main ye gaon dunya bhar main famous ho gaya, is ki wajah India main Manmohan Singh ka Prime Minister banna tha jo isi gaon main paida howe thay, Pakistani hakam ko pata chala tou unhon ne isay Model Village banane ka elaan kiya aur jis school main Manmohan Singh ne ibtidai taleem hasil ki thi us ka naam Manmohan Singh Primary School rakh diya gaya.

Pakistan Motorway M2 Map

Petrol Pumps and CNG Stations:

M-2 ke rastay main aap ko gas stations in muqamaat par milain gey.

Sukheki 
Siyal mod
Sallam
Bhayra 
Callar Kahar 
Chakri

Note: Sirf  Sunday hi aisa wahid din hota hai jub is puray m-2 route par CNG dastyab hoti hai.

M-3

 M-4

 M-9

 M-10

Lake Banjosa Jheel Hotels Rawalakot Travel Guide

Zila Poonch ke district headquarter se 17km ke faslay par khubsurat tourist point "Banjosa" satah samandar se 1981km bulandi par waqaya hai. Banjusa main aik masnui jheel banayi gayi hai jis ke ird gird ke sada bahar junglat ki wajah se ye muqam sayahat ke liye aik shandar jagah hai. Banjosa ke gird-o-nawah main Jandali 2km Hasan Kot 4 km Devi Gali 12 km ke distance par waqaya hai ye muqamaat bhi tourists ki dilchaspi ka baes hain. Banjosa jheel ki sair ke liye boats chalti hain. 

 Banjosa Lake

 Banjosa Jheel

 Banjosa Lake Hotels:
Summer season main is area ka weather intihai khushgawar hota hai. Banjosa Lake ke kinare tourism ke mehkama ne 6 rooms ka tourist lodge tameer kar rakha hai is ke elawa mehkama tameerat aur dusre mehkamon ki rehayesh gahain bhi mojood hain jin ki booking Rawalakot ke main mutalaka mehkamon ke difatar se karwai ja sakti hai. Banjosa se taqreeban 3 km ke distance par Koiyan main khane peene ki munasib ashya dastyab nahin is liye Khai Gala aur Rawalakot ke bazaron se zaroori ashya sath rakh leni behtar hain. 

 

Distance:
Rawalakot to Banjosa Lake distance 17 km
Azad Patan to Banjosa distance 53 km
Dono rest houses main hasb-e-zaroorat khana tayar karwaya ja sakta hai. Khai Gala se 30 km sarak Kahori jati hai jahan mehkama sayahat ka chota sa rest house mojood hai yahan se taqreeban 2 km ke fasle par Toli Peer Top waqaya hai. Ye jagah camping, hiking, aur trekking ke elawa march ke month main snow sports ke liye bhi mozon hai. Yahan par agar aap jana chahain tou aap ko Rawalakot ki taraf se ana paray ga is jheel ko charon taraf se pine ke darakhton ne ghair rakha hai aur khubsurati main izara yahan ke sar sabz paharon ne kar diya hai. 

Fizagat Marghazar Valley in the Heaven of Khybar Pakhtunkhwa

Murghzar saidu sharif se aik zaili sarak darya-e-Saido ke sath sath aap ko Marghazar lay jati hai jo taqreeban 13km ke distance par waqaya hai. Marghazar 4222 foot ki unchai par aik dilkash aur pur fiza muqam hai. Yahan walai swat ka sarmai mehal hai jo keh swat ki sub se haseen building hai. Sang-e-mar mar se bani ye safaid emarat chandni main nahati hoi mehsoos hoti hai. Ab is emarat ko aik hotel main tabdeel kar diya gaya hai aur ye sakon pasand sayahon ke liye yaqeenan aik behtareen jagah hai. Is emarat ke aqab main saidu darya uper se behta howa ata hai. Akhrot aur chanar ke ghane darakhton ke bheechon bheech darya ka shafaaf pani pathron se takra kar girta hai tou sayahon ka dil moh laita hai. Agar aap Koh Noordi ke shoqeen hain tou is darya ke sath sath uper ki taraf chalte howe door tak ja sakte hain. Ye rasta Aylaam ki choti tak jata hai jo keh hindu mat ke pairokaron ke liye aik bohat muqaddas muqam hai. Magar yaad rahe keh is raste par jane ke liye muqami guide yani swat ke quide ko sath lay jana behad zaroori hai.

Marghazar Swat

Marghazar janay walay raston main kayi dihaat aur gaon atay hain jin main Mian baba, batora, Islampur numayan hain.

 Peaches of Swat Fruits

Ye elaqa na sirf apni khubsurati ki wajah se mashoor hai balkeh yahan qudarti wasail (Natural Resources) bhi kafi tadad main paye jatay hain jin main sang-e-mar mar ki kayi iqsam mojod hain aur isi pathar se yahan aik historal building white palace ke name se mashoor hai jahan mulk ke door darz elaqon se sayah bari tadad main rukh kartay hain aur qudrat ke haseen manazir se lutf andoz hotay hain.

Mingora Swat, Mingora Hotels, Mingora Travel Pictures

 Mingora buland paharon main aik khubsurat city hai. Ye shehar darya-e-swat ke kinare abad hai. Yahan tourists ke liye dilkash aur pur fiza muqamat hain jin main saidu sharif hai. Saidu sharif to Mingora distance 2 km hai. Mingora se 2 km ka safar tay karne ke baad madeen, bahrain road par Fizagat main picnic manane ke liye aik haseen park hai jis main qudarti manzar intihai shandar hain.

Mingora valley swat ka sub se baronaq, masroof aur wusat pazeer shehar hai. Ye shehar guzashta 2000 saal se is elaqay ka sub se aham tijarati parkaz (Business Center) chala araha hai. Din ke waqt is shehar ke bazar main kafi gehma gehmi rehti hai. Jahan rozmarah istimal ki ashiya ke elawa muqami dastkariyan, karhay howe malbusaat, qabaeli tarz ke chandi ke zewarat, swati patti ki garam jackets, shawls, aur caps sale hoti hain. Is ke elawa ghair mulki saaz-o-saman ki bhi kayi shops mojod hain.

Swat Valley lake

Yahan bus aur wegan ka aik bara adda bhi mojod hai jahan se din raat mulk ke degar sheharon ke liye gariyan rawana hoti hain. Mingora main qayam ke liye sastay mehngay har darjay ke hotels mojod hain. Shehar se thoray hi fasle par Fizagat Park Darya-e-Swat ke kinare par waqaya hai. Ye jagah sham ki tafreh ke liye bohat mozoon hai.

Hotels in Swat, Swat Chair Lift

 Fizagat ke gird-o-nawah ke elaqay main kayi ache hotel waqaya hain jin main Rock City Resort Hotel Swat sub se numayan hai.

Nature beauty of Mingora swat

 Mingora City main chote bare kafi restaurants bhi mojod hain jahan tourists Swat ka famous food Chapli Kabab aur Tanduri Naan se lutf andoz ho sakte hain. Is ke elawa fresh fruits, Dry Fruits aur Juice ki shops par bhi logon ka hajom laga rehta hai. Shehar se taqreeban 3 km ke fasle par River Swat ki dusri taraf Kabal ke muqam par aik khubsurat Golf Course bhi mojod hai. Yahin qareeb hi swat ka airport waqaya hai. Aaj kal ye Hawai Ada commercial flights ke liye band hai, magar imkan hai ke jald hi Islamabad aur Peshawar ke liye flights ka silsila dobara bahal ho jaye ga.